LOCAL NEWS

POLITICAL

BUSINESS

ARTICLE

LIFESTYLE

OPINION

WORLD NEWS

Recent PostAll the recent news you need to know

လက်နှင့်ရေး ခြေနှင့်ဖျက်



ရန်ကုန်အစိုးရအဖွဲ့၏ လုပ်ဆောင်ချက်များအပေါ် ဝေဖန်ရေးသားမိသဖြင့် နိုင်ငံ၏ ထင်ရှားသော သတင်းမီဒီယာကြီးတစ်ခုမှ အယ်ဒီတာချုပ်အပါအဝင် သုံးဦးကို ယခုရက်ပိုင်းအတွင်း တရားစွဲဆို ဖမ်းဆီးထိန်းသိမ်းလိုက်သည်။ သတင်းဆောင်းပါးရေးသားသူနှင့် အယ်ဒီတာနှစ်ဦးကို ဖမ်းဆီးလိုက်ခြင်းမှာ ပြည်သူလူထုက ရွေးချယ်တင်မြှောက်ထားပြီး လူ့အခွင့်အရေး၊ ဒီမိုကရေစီအရေးကို ဦးစားပေးမည်ဟုဆိုထားသည့် အစိုးရလက်ထက်တွင်ဖြစ်ရာ အလွန်ထူးခြားနေသည်။ 

အာဏာရှင်အစိုးရလက်ထက်တွင်ဖြစ်စေ၊ ဒီမို ကရေစီအစိုးရလက်ထက်တွင်ဖြစ်စေ သတင်းမီဒီယာများနှင့် အစိုးရ၏ပွတ်တိုက်မှုများ၊ တရားစွဲဆို အရေးယူမှုများ ရှိနိုင်ပါသည်။ အထူးသဖြင့် စစ်အာဏာရှင်အစိုးရဆိုလျှင် မထင်လျှင် မထင်သလို ချက်ချင်းဖမ်းဆီးအရေးယူမှု ရှိတတ်ပါသည်။ ဒီမိုကရေစီအစိုးရများကတော့ အစိုးရကို အသရေဖျက်သည့်သဘော ဝေဖန်ရေးသားလျှင် တရားစွဲဆိုကြသည့် အစဉ်အလာများစွာရှိပါသည်။ များသောအားဖြင့်တော့ Libel ခေါ် အသရေဖျက်မှု (Defamation) များဖြင့် တရားစွဲကြပြီး တရားရှုံးလျှင်နစ်နာသူအား နစ်နာကြေးမြောက်မြားစွာပေးဆောင်ရသည့် ပြစ်ဒဏ် ချမှတ်ခံရလေ့ရှိသည်။ 

ရာဇဝတ်သားတစ်ဦးလို လက်ထိတ်ခတ်ခြင်း၊ အာမခံမပေးဘဲ ဖမ်းဆီးချုပ်နှောင်ထားခြင်း မရှိကြပါ။ လူ့ဂုဏ်သိက္ခာကို အလေးထား သောအားဖြင့် တရားခွင်အတွင်း အပြန်အလှန်လျှောက်လဲခွင့် လွတ်လပ်စွာ ရကြသည်။ ယခုချိန်ထိတိုင်လည်း လစ်ဘရယ်ဒီမိုကရေစီ ထွန်းကားသော နိုင်ငံတွေမှာ သတင်းမီဒီယာတွင် ရေးသားဖော်ပြမှုကြောင့် ရင်ဆိုင်ရသော အမှုအခင်းများမှာ အသရေဖျက်မှု (Defamation) သာ များပါသည်။ 

ထူးခြားစွာ လွန်ခဲ့သည့်နှစ်များကစ၍ ဒီမိုကရေစီအစိုးရအသွင်သို့ ကူးပြောင်းလာခဲ့သည့် မြန်မာနိုင်ငံမှာတော့ သတင်းမီဒီယာသမားများအား အလွန်ကြီးလေးပြင်းထန်သော ရာဇဝတ်ပုဒ်မများဖြင့် တရားစွဲဆို ဖမ်းဆီးထိန်းသိမ်းမှုများစွာ ပေါ်ပေါက်ခဲ့သည်။ နာမည်ကျော်ဆက်သွယ်ရေး ဥပဒေပုဒ်မ ၆၆(ဃ)ကို အကြောင်းပြု၍ အရပ်သား၊ နိုင်ငံရေးသမား၊ လှုပ်ရှားတက်ကြွသူ၊ သတင်းမီဒီယာသမားမျိုးစုံ ဖမ်းဆီးအရေးယူခံခဲ့ရမှုများ ရှိခဲ့သည်။ လွှတ်တော်တွင် အရေးဆိုသဖြင့် ပုဒ်မ ၆၆ (ဃ) ကို ဖမ်းဆီးချုပ်နှောင်ခြင်းမပြုဘဲ တရားရင်ဆိုင်ခွင့် ရရှိလာသော်လည်း ထစ်ခနဲဆိုလျှင် ထိုပုဒ်မဖြင့် စွဲဆိုမှုများစွာ ရှိနေသေးသည်။ ထို့အပြင် ပုဒ်မ ၅၀၅(ခ) ကဲ့သို့ နိုင်ငံတော်နှင့်ချီပြီး အန္တရာယ်ပြုသည့်သဘောဆောင် ဥပဒေဖြင့် သတင်းမီဒီယာသမားများအား ရာဇဝတ်သားတစ်ဦးသဖွယ် ချက်ချင်းတရားစွဲဆို ဖမ်းဆီးချုပ်နှောင်မှုများ ရှိလာခြင်းကြောင့် ဒီမိုကရေစီနှင့် လူ့အခွင့်အရေးကို စံအဖြစ်တန်ဖိုးထားသော နိုင်ငံများ၏ ဝိုင်းဝန်းပြစ်တင်ရှုတ်ချခြင်းကို ခံလာရရုံမက မြန်မာ့ဒီမိုကရေစီအပေါ် သံသယကြီးစွာ ဖြစ်လာခဲ့ကြသည်။

ယခုရက်ပိုင်းအတွင်း သတင်းမီဒီယာကြီးတစ်ခု၏ အယ်ဒီတာချုပ်၊ တာဝန်ခံအယ်ဒီတာနှင့် သတင်းဆောင်းပါးရေးသားသူတို့ကို အစိုးရက ဥပဒေပုဒ်မတပ်၊ ချက်ချင်းဖမ်းဆီးချုပ်နှောင်လိုက်ခြင်းမှာ နဂိုကတည်းက သတင်းလွတ်လပ်ခွင့် (Freedom of Press)၊ လွတ်လပ်စွာထုတ်ဖော်ပြောဆိုခွင့် (Freedom of Expression) တို့နှင့်စပ်လျဉ်း၍ အမည်းစက်ထင်၊ လက်ညှိုးထိုးခံဖြစ်နေရသော နိုင်ငံအတွက် အကြီးအကျယ် နာမည်ပျက်စရာ၊ ပုံရိပ်ထိခိုက်စရာ ဖြစ်ခဲ့ရသည်။ ယခုကိစ္စမတိုင်မီ ပြီးခဲ့သည့် စက်တင်ဘာလက ရိုက်တာသတင်းထောက်နှစ်ဦးအား နှစ်ရှည်ထောင် ဒဏ်ပြစ်ဒဏ်ချမှတ်ခဲ့ခြင်းအတွက် ကမ္ဘာ့နိုင်ငံအများအပြား၏ ဝေဖန်ပြစ်တင်ရှုတ်ချမှုကို ခံခဲ့ရပြီးဖြစ်သည်။ နိုင်ငံတော်အကြီးအကဲဖြစ်သည့် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်မှာ သွားလေရာရာတွင် ထိုကိစ္စကို ဖြေရှင်းပေးနေရသည်။ ရောက်လေရာနိုင်ငံတိုင်းက သတင်းထောက်နှစ်ဦးအား ပြစ်ဒဏ်ချမှတ်ခဲ့သည့်ကိစ္စအပေါ် မေးခွန်းထုတ်ကြသည်။ နိုင်ငံတော်အကြီးအကဲကတော့ သတင်းထောက်ဆိုသည်ထက် ပြစ်မှုနှင့် တရားစီရင်ရေးကိစ္စကိုပဲ အဖြေပေးသည်။ တကယ်တော့ ထိုသတင်းထောက်နှစ်ဦးကို ဖမ်းဆီးတရားစွဲဆိုခဲ့သည်မှာ ပြည်ထဲရေးဝန်ကြီးဌာနက ဖြစ်သည်။ သို့သော် တကယ်ခေါင်းခံရတော့ နိုင်ငံတော်ဖြစ်သည်။ ထိုကိစ္စမှာရိုက်ခတ်မှု (Impact) အလွန်ကြီးမားခဲ့သည်။ နိုင်ငံတကာ၏ ဝေဖန်ပြစ်တင်မှု အကြီးအကျယ်ခံရသည်။ ဒီမိုကရေစီနှင့် သတင်းမီဒီယာလွတ်လပ်ခွင့်ကို တန်ဖိုးထားသောနိုင်ငံတိုင်းက သတင်းထောက်နှစ်ဦး ဖမ်းဆီးထိန်းသိမ်းခဲ့မှုအတွက် ပြစ်တင်ခဲ့ကြသည်။ ထိုဖြစ်ရပ်သည် နိုင်ငံအတွက် အမည်းစက်ဖြစ်ခဲ့သည်။

အကျိုးဆက်အနေနှင့် နိုင်ငံ၏ တရားဥပဒေစိုးမိုးမှုနှင့် ဒီမိုကရေစီလွတ်လပ်ခွင့်အပေါ် နိုင်ငံတကာက သံသယဝင်သွားသည်။ အယုံအကြည်ကင်းမဲ့သွားသည်။ ရခိုင်ပြဿနာကြောင့် နိုင်ငံ့ပုံရိပ်ကျဆင်းနေစဉ် သတင်းထောက်နှစ်ဦး ဖမ်းဆီးထိန်းသိမ်းလိုက်ခြင်းက နိုင်ငံတကာ၏ ယုံကြည်မှု ပိုမိုကျဆင်းသွားခဲ့သည်။ လာပါ လာပါဟုခေါ်နေခဲ့ရသော အက်ဖ်ဒီအိုင်ဟုခေါ်သည့် ပြည်ပရင်းနှီးမြှုပ်နှံမှုတွေ မလာတော့ဘဲ တခြားနိုင်ငံတွေ ဘက်ကူးသွားကုန်ကြသည်။ 

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဂျပန်က ပြန်လာတော့ ဝန်ကြီးချုပ် အာဘေးပေးလိုက်သည့် ယန်းဘီလီယံ ၇၀ အကူအညီပါလာသည်။ ဂျပန်နိုင်ငံတွင် ကျင်းပခဲ့သည့် (၁၀) ကြိမ်မြောက် ဂျပန်-မဲခေါင်နိုင်ငံများ ထိပ်သီးအစည်းအဝေးက လတ်တလောရင်ဆိုင်နေရသည့် အနောက်နိုင်ငံများ၏ ဖိအားက ရုန်းထွက်ဖို့ အခွင့်အလမ်းကောင်းတစ်ခုဖြစ်ခဲ့သည်။ ဂျပန်သည် မဲခေါင်ဒေသနိုင်ငံများ ဖွံ့ဖြိုးတိုးတက်ရေးအတွက် စီမံကိန်း ၁၅၀ ကျော်အပါအဝင် ဘဏ္ဍာရေးအကူအညီ ကတိကဝတ် အများကြီးပေးခဲ့သည်။ အထူးသဖြင့် မြန်မာနိုင်ငံအတွက် ထပ်မံအကူအညီပေးမည့် စီမံကိန်းကတိတွေ အများကြီးရခဲ့သည်။ ၂၀၁၈ တိုကျိုမဟာဗျူဟာ သုံးနှစ်စီမံကိန်းကို အကောင်အထည်ဖော်ဖို့အပြင် ဂျပန်၏ အနာဂတ်မဲခေါင်ဒေသ မဟာဗျူဟာမျှော်မှန်းချက်အရ ဖွံ့ဖြိုးရေးစီမံကိန်းများစွာရှိရာ ယခုလို အနောက်အုပ်စုက ပစ်ပယ်ထားချိန်တွင် အခွင့်အရေးကောင်းတစ်ခုဖြစ်သလို OBOR မဟာဗျူဟာဖြင့် လက်တံချဲ့လာသော တရုတ်ကို တန်ပြန်ထားနိုင်သည့်အခွင့်အရေးဖြစ်သည်။ 

နိုင်ငံတော်၏ အတိုင်ပင်ခံပုဂ္ဂိုလ်က တိုကျိုမြို့မှာ ဂျပန်ဝန်ကြီးချုပ် အာဘေးအပါအဝင် မဲခေါင်နိုင်ငံများက ခေါင်းဆောင်တွေနှင့် ရင်းရင်းနှီးနှီး အဆင်ပြေပြေ နိုင်ငံတကာဆက်ဆံရေးတည်ဆောက်နေချိန်၊ နိုင်ငံတကာ ရင်းနှီးမြှုပ်နှံမှုတွေ လာရောက်ဖို့၊ နိုင်ငံတကာအကူအညီတွေရဖို့ ဆော်ဩနေချိန်မှာ နိုင်ငံပုံရိပ်ကို ထိခိုက်စေသည့် ဖြစ်ရပ်တစ်ခုက ရန်ကုန်မြို့မှာ ဖြစ်ခဲ့သည်။ 

ဒီမိုကရေစီလူ့အဖွဲ့အစည်းတစ်ခု၏ အရေးပါသော အစိတ်အပိုင်းတစ်ခုဖြစ်သည့် သတင်းမီဒီယာကြီးတစ်ခုမှ အယ်ဒီတာချုပ်၊ တာဝန်ခံအယ်ဒီတာနှင့် ဆောင်းပါးရှင်တို့ကို ရာဇဝတ်ပြစ်မှုဖြင့် လွယ်လင့်တကူ ဖမ်းဆီးထိန်းသိမ်းလိုက်ခြင်းမှာ အစိုးရကောင်းတို့၏ လက္ခဏာမဟုတ်သလို နိုင်ငံအတွက် အမည်းစက်ကြီးတစ်ခုသာ ထပ်မံစွန်းထင်းသွားသည်ဟု ထင်သည်။ ယခုရက်အတွင်း ပေါ်ပေါက်ခဲ့သည့် ထိုဖြစ်ရပ်မှာ ဝမ်းသာစရာတွေနှင့် ပြန်လာသော နိုင်ငံတော်အတိုင်ပင်ခံ၏ဂျပန်ခရီး ရလဒ်တွေကို နင်းချေဖျက်ဆီးပစ်လိုက်သလိုပင်...။

ချစ်ဝင်းမောင် (၁၄-၁၀-၂၀၁၈)
The Voice

'ခွဲမထွက်ရ'ဟူသည့် စကားရပ် ငြိ်မ်းချမ်းရေးအတွက် အမှန်တကယ် လိုအပ်၊ NCA နှင့် အခြေခံဥပဒေ၏ အခြေခံမူတွေအရ ထည့်ကို ထည့်ရမည့် သဘောတူညီချက်ဖြစ်ဟု တပ်မတော် ကာကွယ်ရေး ဦးစီးချုပ်ပြော



ရန်ကုန်၊ အောက်တိုဘာ ၁၅

''ခွဲမထွက်ရ''ဟူသည့်စကားရပ်သည် ငြိမ်းချမ်းရေးအတွက် အမှန်တကယ်လိုအပ်ပြီး NCA နဲ့ အခြေခံဥပဒေ၏ အခြေခံမူအရ ထည့်ကိုထည့်ရမည့် သဘောတူညီချက် ဖြစ်သည်ဟု တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပြောကြားလိုက်သည်။

အဆိုပါပြောကြားချက်ကို နေပြည် တော်တွင် အောက်တိုဘာ ၁၅ ရက်က ပြုလုပ်သည့် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA) ချုပ်ဆို ခြင်း (၃) နှစ်ပြည့်၊ နှစ်ပတ်လည် နေ့တွင်အစိုးရနှင့် (NCA)လက်မှတ်ရေး ထိုးထားသော တိုင်းရင်းသားလက်နက်ကိုင်အဖွဲ့စည်းများသီးသန့်အစည်းအ ဝေးတွင် ပြောကြားလိုက်ခြင်းဖြစ်သည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ''ခွဲမထွက်ရ'' ဆိုတဲ့တားမြစ်ချက်ကို ထည့်သွင်းရခြင်းဟာ အချို့အဖွဲ့အစည်းများပြော နေသလို တိုင်းရင်းသားညီအစ်ကိုမောင်နှမများအပေါ် မယုံကြည်လို့မဟုတ်ပါဘူး။ ရေရှည်အတွက် အာမခံချက်အပြည့်ရှိ စေဖို့၊ ယုံကြည်ချင်လို့၊ တစ်ဦးနဲ့တစ်ဦး သံသယကင်းကင်းနဲ့ ထာဝရငြိမ်းချမ်းရေး လမ်းပေါ်မှာ အတူတကွလက်တွဲချင်လို့ သာဖြစ်ကြောင်း ပြောကြားလိုပါတယ်။ ပြည်ထောင်စုစနစ်၊ သို့မဟုတ် ဖက်ဒရယ် စနစ်ဆိုတာ မတူကွဲပြားတဲ့ တိုင်းဒေသ ကြီးတွေ၊ ပြည်နယ်တွေ၊ လူမျိုးတွေ၊ လူမျိုးစုတွေကို စုစည်းထားရာမှာ အချုပ်အခြာအာဏာကို ခွဲဝေကျင့်သုံးတဲ့အယူ အဆသဘောတရားတစ်ရပ် ဖြစ်ပါတယ်။ ဖက်ဒရယ်စနစ်ကို တစ်သမတ်တည်းပုံ သေမှတ်ယူလို့မရသလို နိုင်ငံအလိုက် ကျင့်သုံးမှုကလည်း တစ်နိုင်ငံနဲ့တစ်နိုင်ငံ မတူနိုင်ကြောင်း တွေ့ရှိရမှာဖြစ်ပါတယ်။

ပြည်ထောင်စုစနစ်အတွက် ပေါင်းစည်း ကြရာမှာလည်း အတူယှဉ်တွဲနေထိုင်သည့် ဖက်ဒရယ်စနစ် (Coming together Federalism)၊ သိမ်းသွင်းနေထိုင်သည့် ဖက်ဒရယ်စနစ် (Putting together Federalism)၊ အတူပေါင်းစည်းနေထိုင်သည့် ဖက်ဒရယ်စနစ် (Holding together Federalism)ဆိုပြီး ရှိကြရာမှာ ကျွန်တော်တို့နိုင်ငံသည် အင်္ဂလိပ်ကိုလိုနီ မဖြစ်ခင် ကိုယ့်မင်း၊ ကိုယ့်ချင်းဘဝကတည်းက တိုင်းရင်းသားအားလုံး အတူပေါင်းစည်းနေထိုင်တဲ့ ပြည်ထောင်စုစနစ် (Holding together Federalism)ကို ကျင့် သုံးခဲ့တဲ့ မိသားစုနိုင်ငံတစ်ခု ဖြစ်ပါတယ်။ မြန်မာရဲ့နောက်ဆုံးမင်းဆက်ဖြစ်တဲ့ သီပေါမင်းကို အင်္ဂလိပ်တို့ဖမ်းဆီးခေါ်ဆောင် သွားစဉ်မှာ အင်္ဂလိပ်လက်ထဲက သီပေါမင်းကို ပြန်လုမယ်ဆိုပြီး နောက်လိုက် နောက်ပါ ၅ဝဝနဲ့ မန္တလေးဘုရားကြီးက စောင့်ခဲ့တဲ့သူဟာ ရှမ်းစော်ဘွားတစ်ဦး ဖြစ်တဲ့ ညောင်ရွှေစော်ဘွားကြီးဦးစော မောင်ဖြစ်ပါတယ်'' ဟုပြောကြားသည်။

ယင်းအပြင် တပ်မတော်ကာကွယ်ရေး ဦးစီးချုပ်ဗိုလ်ချုပ်မှူးကြီး မင်းအောင်လှိုင်က နယ်ချဲ့အင်္ဂလိပ်များသည် ဗမာနှင့်တိုင်းရင်းသားများ ပူးပေါင်းသွားမည်ကို စိုးရိမ်ခဲ့ကြကြောင်း၊ မပူးပေါင်းမိရန် အတွက်လည်း တိုင်းရင်းသားဒေသများနှင့် မြန်မာပြည်အလယ်ပိုင်းဒေသကို သွေး ခွဲအုပ်ချုပ်နိုင်ရေး ရှမ်းပြည်နယ်များအက် ဥပဒေ (Shan States Act of 1888)၊ ကချင်တောင်တန်းလူမျိုးစုများ စည်းမျဉ်း ဥပဒေ (Khachi Hill Tribes Regulation-1895)၊ ချင်းတောင်တန်းစည်းမျဉ်း ဥပဒေ (Chin Hill Regulation- 1896) ဆိုပြီး အုပ်ချုပ်မှုစနစ်အမျိုးမျိုး၊ ဥပဒေ အမျိုးမျိုးကျင့်သုံးဆောင်ရွက်ခဲ့ကြောင်း ပြောကြားလိုက်သည်။

'' ၁၉၂၁ ခုနှစ်ကနေ ၁၉၃၇ ခုနှစ် အထိကျင့်သုံးခဲ့တဲ့ ဒိုင်အာခီအုပ်ချုပ်ရေးမှာလည်း တိုင်းရင်းသားဒေသတွေကို ပါဝင်ခွင့်မရစေဘဲ ခွဲခြားအုပ်ချုပ်ရုံတင်မက ဥပဒေပြုကောင်စီမှာလည်း လူမျိုး ရေးကွဲပြားမှုဖြစ်စေလိုသည့် ရည်ရွယ်ချက် ဖြင့် အထွေထွေမဲဆန္ဒနယ်မှ ရွေးချယ် သူများ၊ အိန္ဒိယလူမျိုးများမှ ရွေးချယ်သူများ၊ ကရင်အမျိုးသားများမှ ရွေးချယ်သူများ၊ အင်္ဂလိပ်ကပြားများမှ ရွေးချယ်သူများ၊ ဗြိတိသျှလူမျိုးများမှ ရွေးချယ်သူများဆိုပြီး အချိုးခွဲခြားသတ်မှတ်ခဲ့ကြောင်း တွေ့ရပါတယ်။ တောင်တန်း၊ မြေပြန့်သွေး ခွဲအုပ်ချုပ်ရုံနဲ့ အားမရဘဲ မြန်မာပြည်မ မှာပင် ထပ်မံသွေးခွဲအုပ်ချုပ်တာကိုတွေ့ နိုင်မှာဖြစ်ပါတယ်။ ဒီလို သွေးခွဲအုပ်ချုပ်မှုရဲ့ အကျိုးဆက်တွေကြောင့် တိုင်းရင်း သားချင်း၊ လူမျိုးစုချင်းအကြား သွေးကွဲ ခဲ့ရပြီး တိုင်းရင်းသားလက်နက်ကိုင် ပဋိ ပက္ခများအထိ ဖြစ်ခဲ့ရပါတယ်''ဟု ပြော ကြားလိုက်သည်။


DT

#democracytoday

ထာဝရငြိမ်းချမ်းရေးကို ၂၀၂၀ မှာ ပြည်သူ့လက်ဝယ်အရောက်အပ်နှံမယ်လို့ တပ်ချုပ် ပြော



တပ်မတော်အနေဖြင့် လာမည့် ၂၀၂၀ခုနှစ်တွင် ငြိမ်းချမ်းရေးလုပ်ငန်းစဉ်များ ပြီးမြောက် စေရေးအတွက်သန္နိဋ္ဌာန် ချထားကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားလိုက်သည်။

“တပ်မတော်အနေနဲ့ ဒီသံဓိဋ္ဌာန်အတိုင်း ဖြစ်မြောက်အောင် ဆောင်ရွက်ပြီး တိုင်းရင်းသားပြည်သူလူထုက လိုလား တောင့်တနေတဲ့ ထာဝရငြိမ်းချမ်းရေးကို ပြည်သူ့လက်ကို အရောက်အပ်နှံမှာ ဖြစ်ကြောင်း ထပ်လောင်း ပြောကြား လိုပါတယ်” ဟု ဗိုလ်ချုပ်မှူးကြီးက ပြောသည်။

နေပြည်တော်၊ ရွှေစံအိမ်ဟိုတယ်တွင် ယနေ့ကျင်းပသည့် အစိုးရ၊ တပ်မတော်နှင့် NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့အစည်းများ ပါဝင်သည့် သုံးပွင့်ဆိုင် ထိပ်သီးခေါင်းဆောင်များ အစည်းအဝေး အဖွင့် မိန့်ခွန်းတွင် ဗိုလ်ချုပ်မှူးကြီး မင်းအောင်လှိုင်က ထိုသို့ ပြောကြားခဲ့ခြင်း ဖြစ်သည်။

အစည်းအဝေးတွင် အခက်အခဲကြုံတွေ့နေသည့် ခွဲမထွက်ရေး၊ ကိုင်ပိုင်ပြဋ္ဌာန်းခွင့်နှင့် တစ်ခုတည်းသော တပ်မတော် ထားရှိရေးကဲ့သို့ အရေးကြီးသည့် ကိစ္စရပ်များကို ဆွေးနွေးညှိနှိုင်းကြမည်ဟု သိရသည်။

ဗိုလ်ချုပ်မှူးကြီး မင်းအောင်လှိုင်က “ခွဲမထွက်ရဘူးဆိုတဲ့ သဘောတူညီချက်ကို ထည့်သင့်၊ မထည့်သင့် အငြင်းပွားနေစရာ မလိုပါဘူး။ NCA ရဲ့ အခြေခံမူ၊ ၂၀၀၈ အခြေခံဥပဒေရဲ့ အခြေခံမူတွေအရ ထည့်ဖို့ လိုအပ်တဲ့ သဘောတူညီချက် ဖြစ်ကြောင်း ကျွန်တော် ပြောလိုပါတယ်” ဟု ခွဲမထွက်ရဟူသည့် အချက်နှင့်ပတ်သက်ပြီး ဗိုလ်ချုပ်မှူးကြီးက ထည့်သွင်း ပြောကြားသည်။

နိုင်ငံရေးကဏ္ဍတွင် ပါရှိသည့် “နိုင်ငံတော်၏ နယ်မြေအပိုင်းအခြား ဟူသမျှသည် နိုင်ငံတော်မှ မည်သည့်အခါမျှ ခွဲမထွက်ရ” ဟူသည့် အချက်အား ပြည်ထောင်စုငြိမ်းချမ်းရေးညီလာခံ-၂၁ရာစုပင်လုံ အစည်းအဝေးများတွင် အကြိတ်အနယ် ဆွေးနွေးခဲ့ကြသော်လည်း သဘောတူညီမှုမရဘဲ ချန်လှပ်ခံခဲ့ရခြင်း ဖြစ်သည်။

ထိုကဲ့သို့ ခွဲမထွက်ရဟူသည့် အချက်ကို ထည့်သွင်းရခြင်းမှာ တိုင်းရင်းသားများအပေါ် ယုံကြည်မှုမရှိသောကြောင့် မဟုတ်ကြောင်းလည်း ဗိုလ်ချုပ်မှူးမှူးကြီး မင်းအောင်လှိုင်က ထည့်သွင်း ပြောဆိုသည်။

“ခွဲမထွက်ရဆိုတဲ့ တားမြစ်ချက်ကို ထည့်သွင်းရခြင်းဟာ အချို့ အဖွဲ့အစည်းများ ပြောသလို တိုင်းရင်းသား ညီအကိုများ အပေါ် မယုံကြည်လို့ မဟုတ်ပါဘူး။ ရေရှည်အတွက် အာမခံချက် ရှိစေဖို့၊ ယုံကြည်ချင်လို့ တစ်ဦးနဲ့တစ်ဦး သံသယကင်းကင်းနဲ့ ထာဝရငြိမ်းချမ်းရေး လမ်းပေါ်မှာ အတူတကွ လက်တွဲချင်လို့သာ ဖြစ်ကြောင်း ကျွန်တော် ပြောကြားလိုပါတယ်” ဟု ဗိုလ်ချုပ်မှူးကြီးက ဆိုသည်။

ကရင်အမျိုးသားအစည်းအရုံး(KNU) ဥက္ကဋ္ဌဖြစ်သူ ဗိုလ်ချုပ်ကြီး မူတူးစေးဖိုးကမူ ဖက်ဒရယ်အခြေခံမူများကို ခွဲထွက်ရေး၊ ခွဲမထွက်ရေးဆိုသည့် ကိစ္စမျိုးဖြင့် ဆက်စပ်ထားစရာ မလိုကြောင်း ပြောဆိုသည်။

“ကျွန်တော်တို့ တောင်းဆိုနေတဲ့ ပြည်နယ်ဖွဲ့စည်းပုံအခြေခံဥပဒေဆိုတာ ပြည်ထောင်စုဖွဲ့စည်းပုံ အခြေခံဥပဒေ ပြဋ္ဌာန်းချက်နဲ့ သဟဇာတရှိရှိ ရေးဆွဲပြဋ္ဌာန်းရမှာဖြစ်ပြီး တဆက်တည်းမှာလည်း ဖွဲ့စည်းပုံအခြေခံဥပဒေဆိုင်ရာ အငြင်းပွားမှုများကို ဖြေရှင်းနိုင်တဲ့ ယန္တရားလည်း ပါရှိနေမှာဖြစ်ပါတယ်” ဟု ဗိုလ်ချုပ်ကြီး စောမူတူးစေးဖိုးက ပြောသည်။

Mizzima News

မီဒီယာကို တရားစွဲတော့မယ်ဆိုရင်



မီဒီယာကို အစိုးရကတရားစွဲဆိုတာဟာ လူပုဂ္ဂိုလ်တစ်ဦးတစ် ယောက်၊ အုပ်စုတစ်စု၊ အဖွဲ့အစည်းတစ်ရပ်က တရားစွဲဆိုတာနဲ့ မတူပါဘူး။ အစိုးရဆိုတာက နိုင်ငံကို ဦးဆောင်နေတာ။ နိုင်ငံရဲ့ပုံရိပ်ကို ထင်ဟပ်ဖော်ဆောင်နေတာ။ လူ ထုမဲဆန္ဒနဲ့တစ်ခဲနက် တက်လာတဲ့ အစိုးရတစ်ရပ်ဆိုရင် မဲဆန္ဒရှင် ပြည်သူတွေရဲ့ မျှော်လင့်ချက် ရောင်ခြည်တွေနဲ့ ပြည့်လျှမ်း တောက်ပနေတာ။ ဒါ့အပြင်အစိုး ရဟာ ပါတီကို ကိုယ်စားပြု သေးတာမို့ ကိုယ့်ပါတီရဲ့ သမိုင်း ကြောင်း၊ ပါတီရဲ့အစဉ်အလာ၊ ပါတီရဲ့ နိုင်ငံရေးဂုဏ်သိက္ခာတွေ နဲ့လည်း စုစည်းခဲကျစ်ထားသေး တာ။
ဒါကြောင့် အစိုးရတစ်ရပ်က မီဒီယာတစ်ခုခု၊ ဒါမှမဟုတ် သတင်းသမား တစ်ယောက် ယောက်ကို သူတင်ပြတဲ့ သတင်း၊ ဒါမှမဟုတ် သဘောထားအမြင် ဆောင်းပါးတစ်ရပ်နဲ့ပတ်သက်ပြီး တရားစွဲဆိုတော့မယ်ဆိုရင် တ ရားမစွဲမီ အလေးအနက်ထား စဉ်းစားရမယ့် အချက်တွေရှိပါတယ်။

ဖြစ်ပေါ်လာတဲ့ အမှုကိစ္စ

တရားစွဲဆိုဖို့အထိ ဖြစ်သွား ရပြီဆိုကတည်းက အစိုးရနဲ့ပတ် သက်တဲ့ အမှုကိစ္စတစ်ရပ်ရပ်က တော့ ရှိနေပြီ၊ အဲဒီကိစ္စရပ်နဲ့ ပတ် သက်လို့ မီဒီယာတစ်ရပ်ရပ်ရဲ့ တင်ပြချက်အပေါ် အစိုးရကအ တော့်ကို မကျေမချမ်းဖြစ်နေပြီဆို တာ ထင်ရှားပါတယ်။ ဖြစ်ပေါ် လာတဲ့အမှုကိစ္စရဲ့ အတိုင်းအဆ အပေါ် အစိုးရမြင်ပုံနဲ့ မီဒီယာမြင်ပုံ မတူကြတာကို ပြနေပါတယ်။ အဲ ဒီလို မြင်ပုံမတူတာဟာ အချက်အလက်အပေါ် သိရှိမှုနဲ့ အများ ကြီး စပ်ဆိုင်နိုင်ပါတယ်။

ရန်ကုန်တိုင်းအစိုးရနဲ့ အ လဲဗင်းမီဒီယာရဲ့ ကိစ္စမှာ အ ချက်အလက် လွဲမှားနေတာ ကြောင့် ဖြစ်ပေါ်လာမယ့် သက် ရောက်မှုကို တရားစွဲဆိုသူက အ ကြောင်းပြပါတယ်။ ဦးမြင့်သောင်း ဆိုတဲ့ နာမည်အောက်မှာ ပြည်သူ့ ဘဏ္ဍာရှယ်ယာ ထည့်ဝင်ထား တယ်ဆိုတဲ့ အချက်က လွဲမှားနေ တယ်လို့ ရန်ကုန်တိုင်းအစိုးရက ဆိုတဲ့အကြောင်း သတင်းတွေက တစ်ဆင့် သိရပါတယ်။ ဒါကြောင့် ကုမ္ပဏီတာဝန်ရှိသူများ၊ ရှယ်ယာ ၀င်များ စိတ်မှာထိတ်လန့်မယ်၊ ကြောက်ရွံ့မယ်၊ ကုမ္ပဏီအပေါ် အယုံအကြည် ပျက်ပြားမယ်၊ ရန်ကုန်တိုင်းဒေသကြီး အစိုးရအ ဖွဲ့ကို ပြည်သူတွေက အကြည်ညို ပျက်ပြီး အယုံအကြည်မဲ့ကာ အ များပြည်သူက အစိုးရအပေါ် ဆန့် ကျင်လာအောင် လုပ်တယ်ဆိုတဲ့ စွပ်စွဲချက်နဲ့ အမှုဖွင့်ခဲ့တာဖြစ်တယ်လို့ သတင်းတွေက ဆိုပါတယ်။

ဒါပေမဲ့ ဆောင်းပါးကို ဖတ် ကြည့်တဲ့အခါ ကိုကိုးကျွန်းမြို့နယ် မဲဆန္ဒနယ် အမှတ်(၁) တိုင်းဒေ သကြီး လွှတ်တော်ကိုယ်စားလှယ် ဦးတင်ဝင်းရဲ့ ပြောဆိုချက်ကို ကိုး ကားပြီး ဆောင်းပါးရှင်က ရေး ထားတာပါ။ အဲဒီမတိုင်မီ ဆောင်း ပါးရှေ့ပိုင်းလေးမှာလည်း လွှတ် တော်ကိုယ်စားလှယ် ဒေါ်စန္ဒာမင်း က ဘဏ်ချေးငွေတွေနဲ့ ပြောကြား ရာမှာ လူပုဂ္ဂိုလ်နာမည်တွေနဲ့ ချေးငှားထားတဲ့အကြောင်းတွေ ပါခဲ့ ပါတယ်။ ဆောင်းပါးရှင်က လုပ် ထုံးလုပ်နည်း အမှားကိုပြင်ဖို့ဝေ ဖန်ထောက်ပြတာပါ။ ပုဒ်မ ၅၀၅ (ခ)ရဲ့ သဘောအရ လူတွေက အစိုးရကို ဆန့်ကျင်လာအောင် လှုံ့ဆော်လိုတဲ့သဘော ကျွန် တော်တော့ မတွေ့ရပါဘူး။

အတိုင်းအဆကသိပ်ကြီးနေသလား

အတိုင်းအဆလို့ ပြောတဲ့ အခါ ဆောင်းပါးအရေးအသား ရဲ့ အတိုင်းအဆနဲ့ အမှုကိစ္စရဲ့ အတိုင်းအဆ၊ ပမာဏကို ခွဲစဉ်း စားဖို့ လိုပါမယ်။ ဆောင်းပါးကို ဖတ်ကြည့်တဲ့အခါ ပုဂ္ဂိုလ်ရေး ဆန်ဆန် တိုက်ခိုက်ချက်တွေကို မတွေ့ရသလို လွှတ်တော်ကိုယ် စားလှယ်တွေရဲ့ ပြောဆိုချက် အကိုးအကားနဲ့ ရေးသားထားတာ ကို တွေ့ရပါတယ်။ စွပ်စွဲသူပြော သလို သူ့အရေးအသားမှာ အစိုးရ ကို ပြည်သူက ဆန့်ကျင်လာ အောင် လှုံ့ဆော်တဲ့ အသုံးအနှုန်း၊ လေသံ၊ ဟန်ပန်ပါသလား ကြည့် ပါတယ်။ ကျွန်တော်တော့ မတွေ့ ရပါဘူး။ စာဖတ်သူတစ်ယောက် အနေနဲ့လည်း မခံစားရပါဘူး။ သဘောထားအမြင် ဆောင်းပါးတစ်ပုဒ်အနေနဲ့ပြောရမယ်ဆိုရင် ပျော့တောင် ပျော့နေပါသေးတယ်။

ဘာကြောင့်လဲဆိုတော့ အမှုကိစ္စရဲ့ အတိုင်းအဆက ကြီးမားတာကိုး။ ဖွဲ့စည်းပုံကိုချိုး ဖောက်ရာ ကျတယ်လို့ စွပ်စွဲပြော ဆိုထားတဲ့ အမှုကိစ္စပေပဲ။ ပြည် သူ့ဘဏ္ဍာတော် ကိစ္စပေပဲ။ ဒါ လည်း လွှတ်တော်ကိုယ်စားလှယ် တွေက အတိအလင်း တရားဝင် ပြောထားကြတဲ့ သဘောထားအ မြင်တွေပါ။ ရန်ကုန်တိုင်းဒေသ ကြီး လွှတ်တော်ကိုယ်စားလှယ် တွေရဲ့ အဲဒီလို ဝေဖန်ပြောကြား ချက်တွေကို ဒီရက်ပိုင်းသတင်း တွေမှာ တွေ့ခဲ့ရပေမယ့် ရန်ကုန် တိုင်းအစိုးရက ပြန်လည် ရှင်း လင်းတာကိုတော့ ကျွန်တော်မ တွေ့မိခဲ့ပါဘူး။

 လူပုဂ္ဂိုလ် နာမည်တွေနဲ့ ဘဏ်ချေးငွေ ချေးထားတယ်ဆို တဲ့ သတင်းနောက်မှာ လိုက်လာ တဲ့ သတင်းကတော့ ကျောင်းကား တွေကို ၀ယ်ဖို့ ရွှေသံလွင် ကုမ္ပဏီ ကို ကမ်းလှမ်းတယ်ဆိုတဲ့ သတင်း ဖြစ်ပါတယ်။ ဒါကြောင့် ပြည်သူ့ လုပ်ငန်းရပ်တစ်ခုအတွက် ဘဏ္ဍာ တော်နဲ့ လူပုဂ္ဂိုလ်နာမည်အသုံး ပြုခဲ့ပုံက ဆက်စပ်နေပုံရတယ်လို့ သတင်းဖတ်သူတွေက ယူဆစ ရာ ဖြစ်လာပါတယ်။ ဒီသတင်းနဲ့ ဆက်စပ်ပြီး၊ Yangon Metrop -olitan Development Public Co., Ltd ရဲ့ အစုရှယ်ယာရှင်နာ မည်တွေမှာ ရန်ကုန်တိုင်း အစိုးရ အဖွဲ့ ၀န်ကြီးတာဝန်ယူထားကြ သူတွေရဲ့ နာမည်တွေ ပါလာပြန် တော့ အများပြည်သူဆိုင်ရာ ဘဏ္ဍာနဲ့ ဆက်စပ်နားလည်မယ် ဆိုရင် နားလည်ပုံသဘာဝကျ ဆီလျော်တယ်လို့ ပြောရမှာပါ။ ဆောင်းပါးရှင်က အဲဒီနားလည် ပုံအရ ဆောင်းပါးကို ရေးသွားပုံ ရပါတယ်။

ပြောသူနဲ့ ရေးသူ

သတင်းသမားဟာ သူ့ကို ပြောတဲ့သူရဲ့ သတင်းစကားတွေ ပေါ်မှာ အခြေခံပြီး သတင်းရေး ပါတယ်။ အဲဒီလိုရေးရာမှာ ယေဘု ယျလိုက်နာကြတဲ့ မူကတော့ သတင်းအရင်းအမြစ် နှစ်ခုရှိမှ သတင်းရေးကြတာပါ။ သဘော ထားအမြင် ဆောင်းပါးရှင်တွေက တော့ မီဒီယာပေါ်တက်လာတဲ့ သတင်းတွေအပေါ်မှာ အခြေခံပြီး ဆောင်းပါးရေးပါတယ်။ သတင်း လုပ်ငန်းမှာ လွှတ်တော်ကိုယ်စား လှယ်တစ်ယောက်က ပြောတဲ့ စကားဟာ ယုံကြည်အားထား ထိုက်တဲ့ စကားတစ်ရပ်အဖြစ် ယူ ဆကြပါတယ်။ ခုရန်ကုန်တိုင်းအ စိုးရအဖွဲ့က တရားစွဲထားတဲ့ အမှု မှာ ဆောင်းပါးရှင်ကိုးကားခဲ့တဲ့ စကားကိုပြောသူက တိုင်းလွှတ် တော်ကိုယ်စားလှယ် ဦးတင်ဝင်း ဖြစ်ပါတယ်။ ဒါပေမဲ့ တရားရုံး သတင်းအရ ဦးမြင့်သောင်းရဲ့ နာမည်အောက်မှာ ပြည်သူ့ဘဏ္ဍာ ထည့်ဝင်ထားခြင်း မဟုတ်လို့ ရန်ကုန်တိုင်းအစိုးရက အလဲဗင်းမီဒီ ယာသတင်းစာဆရာ သုံးဦးကို တရားစွဲတာလို့ ဆိုပါတယ်။

ဦးတင်ဝင်းပြောတာ လွဲနေ တယ်ဆိုရင် ဦးတင်ဝင်းကပဲ အစိုး ရကို အတိုက်အခံသဘော ပြော နေတာလား၊ ဒါမှမဟုတ် အစိုးရ တစ်ရပ် ဆောင်ရွက်နေတဲ့ကိစ္စ အပေါ် လွှတ်တော်ကိုယ်စားလှယ် တော်ကြီး တစ်ယောက်နားလည် မှု လွဲနေတာလား၊ အစိုးရက စဉ်း စားရမှာပါ။ အတိုက်အခံသဘော ပဲ ပြောပြော၊ နားလည်မှုလွဲပြီး တော့ပဲ ပြောပြော အစိုးရရဲ့ အ လုပ်သဘောမှာ ဒါဟာ ပြည်သူ လူထုနဲ့ ဆက်ဆံရေး၊ မီဒီယာ ဆက်ဆံရေးကိစ္စ ဖြစ်ပါတယ်။ အစိုးရ လုပ်ငန်းများဆိုင်ရာ သတင်းစီးဆင်းမှု ကိစ္စဖြစ်ပါတယ်။ ဒီပြဿနာကို ပြည်သူနဲ့ မီ

ဒီယာဆက်ဆံရေး နယ်ပယ်အ တွင်းက ကိုယ်တွယ်ရမှာဖြစ်ပါ တယ်။ ဦးတင်ဝင်း အမှတ်မှားနေ ပြီး အဲဒီရဲ့ အကျိုးဆက်အဖြစ် ဆောင်းပါးရှင်ကပါ ဆက်လွဲရေး မိတာကို သတင်းစာရှင်းလင်းပွဲ နဲ့ ရှင်းလင်းလို့ ရပါတယ်။ ကိုယ့်ရဲ့ ပြည်သူ့ဆက်ဆံရေး၊ မီဒီယာ ဆက်ဆံရေး အလုပ်ကိုမလုပ်ဘဲ မီဒီယာကို အပြစ်ပုံချဖို့ ကြိုးစား လေသလား စဉ်းစားစရာ ဖြစ်လာ ပါတယ်။

တကယ်လို့ ဒေါ်စန္ဒာမင်း ထောက်ပြတဲ့အတိုင်း ဘဏ်ချေး ငွေတွေကိုလည်း လူပုဂ္ဂိုလ်နာ မည်တွေနဲ့ ချေးခဲ့မိတယ်၊ Yan-gon Metropolitan Develop-ment Public Co., Ltd ရဲ့ အစုရှယ်ယာကိစ္စမှာလည်း ဦးမြင့်သောင်း မဟုတ်တောင်၊ အစိုးရအဖွဲ့ဝင်တချို့ မဟုတ်တောင် လူပုဂ္ဂိုလ်တွေရဲ့ နာမည်တွေနဲ့ ဖွင့်ခဲ့မိတယ်ဆိုရင် စေတနာနဲ့ ရည်ရွယ်ချက်ကောင်း ထားခဲ့ပေမယ့် ဒါဟာ လုပ်ထုံးလုပ်နည်းအရ လွဲချော်တော့ သွားခဲ့ပြီ။ ဒါကို ဘယ်လိုကိုင်တွယ်ကြမလဲ စဉ်းစားကြရပါမယ်။ ရွှေသံလွင်လက် ထိုးအပ်ဖို့  ကမ်းလှမ်းတာက တစ်နည်းတစ်လမ်းပေါ့။ ကိုယ့်လွဲ ချော်မှုကြောင့် ထိခိုက်လို့ သွားခဲ့တဲ့အခါ ဆောင်ရွက်ကြလေ့ရှိ တဲ့ လုပ်ကိုင်ပုံကတော့ ထိခိုက်မှု ထိန်းသိမ်းစီမံခန့်ခွဲပုံ (DamageControl) ပါပဲ။ လွှတ်တော်ကိုယ် စားလှယ်တစ်ယောက် ပြောတာ ကို ရေးတဲ့မီဒီယာသမားတွေကို တရားစွဲရမှာ မဟုတ်ပါဘူး။ ခုတော့ အပ်နဲ့ ထွင်းရမှာကို ပုဆိန်နဲ့ ပေါက်၊ ကြွက်မနိုင် ကျီမီးရှို့သ လို ဖြစ်မနေဘူးလား။

မေးခွန်းထုတ်စရာ ရှိသေး

တကယ်လို့ အဲဒီအစိုးရတာ ၀န်ရှိသူတွေရဲ့ အစုရှယ်ယာက အများပြည်သူနဲ့ မဆိုင်ဘူး၊ သူတို့ ပုဂ္ဂိုလ်ရေးအရ ရှယ်ယာထည့် ထားတာ ဆိုရင်လည်း ရွေး ကောက်တင်မြှောက်ခံ အစိုးရအ ရာရှိတစ်ယောက်အနေနဲ့ အကျိုး စီးပွားဆိုင်ရာ ပဋိပက္ခ(Conflict of Interest) ရှိမနေဘူးလား၊ လုပ် သင့်ရဲ့လားဆိုတဲ့ ကျင့်ဝတ်ဆိုင် ရာမေးခွန်းတစ်ခုကိုလည်း သတင်းသမားတွေက မေးခွန်းထုတ်ရဦး မှာပါ။ ဒါကလည်း နောက်ထပ် ထိခိုက်စရာတစ်ရပ်ကို ထ်ိန်းသိမ်း စီမံခန့်ခွဲရမယ့် အများပြည်သူ သတင်းဆက်ဆံရေးဆိုင်ရာကိစ္စ ဖြစ်ကောင်း ဖြစ်ပါလိမ့်မယ်။

မီဒီယာကို အစိုးရက တရားစွဲတာ အမှုကိစ္စထက်မက

မီဒီယာကို အစိုးရက တရား စွဲတာ နိုင်ငံရေးပုံရိပ်တွေနဲ့လည်း ဆက်စပ်ထင်ဟပ်နေပါတယ်။ အ ထူးသဖြင့် အမျိုးသားဒီမိုကရေစီ အဖွဲ့ချုပ်လို ဒီမိုကရေစီ၊ လွတ် လပ်မှုနဲ့ လူ့အခွင့်အရေးဆိုင်ရာ ရုန်းကန်လှုပ်ရှားမှုရဲ့ မီးရှူးတန် ဆောင်သင်္ကေတ သဘောသက် ၀င်တဲ့ ပါတီတစ်ရပ်အတွက် ပိုလို့ အလေးအနက်ထား စဉ်းစားရမှာ ပါ။ တိုင်းဒေသကြီးအစိုးရအဖွဲ့ ၀န်ကြီးချုပ် တချို့ဟာ အင်န် အယ်လ်ဒီပါတီရဲ့ ဗဟိုအလုပ်အ မှုဆောင် ကော်မတီဝင်တွေ ဖြစ် ကြတာမို့ နိုင်ငံရေးဘက်ကို ပိုချိန် စက် ဇောင်းပေးစဉ်းစားဖို့ တာ ၀န်ရှိကြပါတယ်။ ကိုယ့်ပါတီနဲ့ ခေါင်းဆောင်မှုရဲ့ ပုံရိပ်ကို ထိ ခိုက်လေမလားဆိုတာ စဉ်းကိုစဉ်း စားကြရမှာပါ။

ဒါ့အပြင် ဒီမိုကရေစီ၊ လွတ် လပ်မှုနဲ့ လူ့အခွင့်အရေးအတွက် တိုက်ပွဲဝင် လှုပ်ရှားခဲ့ကြတဲ့ သမိုင်းအစဉ်အလာကို လေးစား သောအားဖြင့် နိုင်ငံရေးအရ မိမိ တန်ဖိုးထားမှုတွေကို အစိုးရဖြစ် လာတဲ့အခါမှာ ပိုပြီးထိန်းသိမ်း စောင့်ရှောက်ကြရမှာလည်း ဖြစ် ပါတယ်။ နိုင်ငံတကာအမြင်မှာ လွတ်လပ်မှုတွေ ပိုမိုကျဆင်းသွား တာမျိုး အဖြစ်မခံသင့်ပါဘူး။ ကမ္ဘာ့သတင်းလွတ်လပ်ခွင့်ကို တိုင်းတာရာမှာ မြန်မာနိုင်ငံက ၂၀၁၈ မှာအဆင့် ခြောက်ဆင့် ကျသွားခဲ့ပေတာကိုး။ နိုင်ငံ ၁၈၀ မှာ မြန်မာက(၁၃၇)  ဖြစ်ပါတယ်။

အထူးသဖြင့် မြန်မာနိုင်ငံရဲ့ နိုင်ငံရေးအဆင့်က အဖွင့်အဆင့် မှာပဲ ရှိသေးတာမို့ ဒီမိုကရေစီရှေ့ ခရီးကို အဝေးကြီးလျှောက်ကြရ ဦးမှာ ဖြစ်ပါတယ်။ ဒီမိုကရေစီ၊ လွတ်လပ်ခွင့်နဲ့ လူ့အခွင့်အရေး ဘောင်တွေကို ချဲ့နိုင်သမျှ ချဲ့ကြ ရမှာပါ။ ဘောင်ကိုပိုခတ်၊ ပိုကျဉ်း မပစ်သင့်ပါဘူး။ ဒီမိုကရေစီ လှုပ် ရှားသူတွေရဲ့ မျှော်လင့်ချက်တွေ ကို စိတ်ပျက်သွားအောင် မလုပ် သင့်ပါဘူး။

စစ်အစိုးရအောက် နှစ်ရှည် လများနေထိုင်ခဲ့ရပြီး ပညာရေး က အလွန်ညံ့သွားခဲ့တဲ့ အထီး ကျန်နိုင်ငံအခြေအနေမှာ အစိုးရ မှမဟုတ်ဘူး၊ မီဒီယာသမားတွေ လည်း အားနည်းချက်ရှိတယ်ဆို တာ နားလည်နိုင်ပါတယ်။ အဲဒီ လို အားနည်းချက်တွေကြောင့် ပဋိပက္ခသဘောတွေလည်း တွေ့ ရမှာပါ။ ဒါပေမဲ့ ရန်ဘက်အသွင် ဆက်ဆံရေး ဖြစ်သွားအောင် မလုပ်မိကြဖို့တော့ အစိုးရရော၊ မီဒီယာရော ဂရုစိုက်စေလိုပါ တယ်။ စာနယ်ဇင်းကောင်စီလို ငြိမ်းငြိမ်းချမ်းချမ်းနဲ့ ဖြေရှင်းနိုင်တဲ့ နည်းနာယန္တရားတွေရှိပါလျက်နဲ့ ဖမ်းဆီးထောင်ချတာကတော့ ရန်ဘက်အသွင်ဆောင်သွားပါ တယ်။

ဒါကြောင့် ဒီအမှုကိစ္စမှာ ဆုံးရှုံးသွားတဲ့အဖွဲ့ နှစ်ဖွဲ့ ရှိနိုင်ပါ တယ်။ ရန်ကုန်တိုင်းအစိုးရက မီ ဒီယာသမား သုံးဦးကို တရားစွဲ တာ အမျိုးသားဒီမိုကရေစီအဖွဲ့ ချုပ်အတွက် ဆုံးရှုံးပါတယ်။ ဂုဏ် သိက္ခာကျပါတယ်။ ဘာမှလည်း မရတဲ့အပြင် နိုင်ငံရေးအရ ပေး လိုက်ရရှာတာကိုး။ ဒါ့အပြင် ဒီ လိုကိုင်တွယ်ပုံမျိုးနဲ့ ရန်ကုန်တိုင်း အစိုးရပါဝင်တဲ့ Yangon Metropolitan Development Public Co., Ltd (YMDP) ရဲ့ စီမံခန့်ခွဲမှုကိုကော ရင်းနှီးမြှုပ်နှံ သူတွေက ဘယ်လိုယုံကြည်နိုင် လေမလဲ၊ စီးပွားရေးသမားတစ် ယောက်ဆိုရင်ကော ခုလိုမျိုးမီဒီ ယာကို ကိုင်တွယ်ပါ့မလား။ YMDPလည်း ဂုဏ်သိက္ခာသဘောအရ၊ စီမံခန့်ခွဲမှုသဘောအရ ဆုံးရှုံးရှာ လေတယ်။ အာဏာရှိသူဆိုတော့ ရန်ကုန်တိုင်းအစိုးရက နိုင်မှာပါ။ အဲဒါအရင် စစ်အစိုးရတွေနဲ့ ဘာ မှမထူးတာမို့ သာတာလား၊ နာ တာလား ... တွေးကြည့်တော်မူ။   

(ဆောင်းပါးရှင် တင်မောင်သန်း သည်  နိုင်ငံရေး၊ စီးပွားရေးသုံးသပ် ဆောင်းပါးများ ရေးသားနေသူ ဖြစ်သည်)

7 Days Daily

ဘီယာသောက်ပြီး ပြေးရတဲ့ အပြေးပြိုင်ပွဲ



ဘီယာသောက်ခြင်းနဲ့ အားကစားလုပ်ခြင်းဟာ ဆက်စပ်လို့ မရနိုင်တဲ့ အရာနှစ်ခု ဖြစ်ပါတယ်။ ဒါပေမယ့် ဒီနှစ်ခုကို ပေါင်းစပ်ပြီး ဆက်စပ်ပစ်လိုက်တဲ့ အားကစားနည်းတစ်ခု ပေါ်ပေါက်လာပါတယ်။

Beer Mile World Classic ဆိုတဲ့ ပြိုင်ပွဲကို လန်ဒန်မှာ ကျင်းပပြုလုပ်ခဲ့ပြီး အမေရိကန်နဲ့ ကနေဒါက အားကစားနဲ့ ဘီယာအသောက်ဝါသနာပါသူတွေ ဝင်ရောက်ယှဉ်ပြိုင်ခဲ့ကြပါတယ်။ ဘီယာသောက်ပြီး ကစားကွင်းကို ပတ်ပြေးရတဲ့ ပြိုင်ပွဲ ဖြစ်ပါတယ်။



စည်းမျဉ်းကလည်း ရိုးရှင်းပါတယ်။ ဘီယာလေးလုံးသောက်ပြီး ကွင်းကို လေးပတ် ပတ်ရုံ ဖြစ်ပါတယ်။ တကယ့်အပြေးသမားတွေ ပြေးတဲ့အတိုင်း ကစားကွင်းဘေးမှာ ကိုယ့်ရဲ့ပတ်လမ်းအတိုင်း ပြေးရမှာ ဖြစ်ပါတယ်။ ကွင်းတစ်ပတ်ကို ဘီယာတစ်လုံး သောက်ရမှာ ဖြစ်ပြီ ဘီယာအကုန်ကုန်မှသာ ရမှာပါ။ အမျိုးသားပြိုင်ပွဲ ပထမပွဲစဉ်မှာ ဗိုလ်လ်စွဲခဲ့သူက ကနေဒါနိုင်ငံသား ကိုရေးဘယ်လ်မိုးဖြစ်ပြီး ဘီယာလေးလုံးသောက်၊ ကွင်းလေးပတ် ပြေးတဲ့အတွက် ၄ မိနစ်နဲ့ ၃၄ စက္ကန့်သာ ကြာမြင့်ခဲ့တာပါ။

ဒုတိယပွဲစဉ်မှာတော့ အမေရိကန်နိုင်ငံသား ဗိုလ်စွဲခဲ့ပြီး ၅ မိနစ်နဲ့ ၆ စက္ကန့် ကြာခဲ့ပါတယ်။

ရန်ကုန်တုိုင်းမှာ ပြည်သူ့ဘဏ္ဍာငွေကျပ် ၅၈ ဘီလီယံနီးပါး ဆုံးရှုံးနေမှု အဂတိတုိုက်ဖျက်ရေး ကော်မရှင်ကို ဒေါက်တာဒေါ်ညိုညိုသင်း တုိုင်ကြားပြီ

ဓာတ်ပုံ- လက်ရှိ ရန်ကုန်တုိုင်းအစုိုးရခေါင်းဆောင်၊၀န်ကြီးချုပ်ဦးဖြိုးမင်းသိန်း

ရန်ကုန်၊ အောက်တုိုဘာ ၁၃

ရန်ကုန်တုိုင်းဒေသကြီးအတွင်းမှာ ပြည်သူပုိုင် မြေကွက်တွေ၊ အဆောက်အအုံတွေကို ပြင်ပပေါက်ဈေးထက် နိမ့်တဲ့ဈေးနဲ့ ငှားရမ်းတာကြောင့် ပြည်သူ့ဘဏ္ဍာငွေ ငွေကျပ် ၅၇ ဒသမ ၉၇ ဆုံးရှုံးနေတာနဲ့ပတ်သက်လုို့ အရေးယူပေးဖုို့ နေပြည်တော်အဂတိတုိုက်ဖျက်ရေး ကော်မရှင်ကုို တုိုင်ကြားလုိုက်ပါပြီ။

ရန်ကုန်စောင့်ကြည့်ရေးအဖွဲ့ တည်ထောင်သူ ဒေါက်တာဒေါ်ညိုညိုသင်းက အောက်တုိုဘာလ ၁၂ ရက်နေ့ ညပုိုင်းမှာ အဂတိတုိုက်ဖျက်ရေးကော်မရှင်ကို ပြည်သူ့ဘဏ္ဍာငွေ အကြီးအကျယ် ဆုံးရှုံးမှုအတွက် တုိုင်ကြားလို်က်တာဖြစ်ပါတယ်။ အဓိကအားဖြင့်တော့ ပြည်သူ့ဘဏ္ဍာငွေ ဘီလီယံချီနစ်နာစေတဲ့ ဖြစ်စဉ်ကြီး ၅ ရှိတယ်လုို့ ဒေါက်တာဒေါ်ညိုညိုသင်းက ဆုိုပါတယ်။

“ပြည်သူ့ဘဏ္ဍာငွေ ဆုံးရှုံးတဲ့ဖြစ်စဉ်တွေမှာ ဘယ်သူတာဝန်ရှိလဲ ဖော်ထုတ်ပေးဖုို့ပါ။ မီဒီယာတစ်ခုက မေးတယ် ၀န်ကြီးချုပ်ဦးဖြိုးမင်းသိန်းကိုတုိုင်တာလားတဲ့။ ကျမတုိုင်တာက ရန်ကုန်မှာဖြစ်တဲ့ ပြည်သူ့ဘဏ္ဍာငွေဆုံးရှုံးမှုအတွက် ဘယ်သူ့မှာတာဝန်ရှိလဲ။ နောက်ကွယ်က လက်မည်းကြီးတွေလည်းဖြစ်နုိုင်တယ်။ ဘယ်သူမှာ အဓိကတာဝန်ရှိလဲ။ ပြည်သူ့ ဘဏ္ဍာငွေ တွေက ဆုံးရှုံးကုန်ပြီ။ မနေ့ညက အီးမေးလ်နဲ့ပုို့ပြီးပြီ။ စာတုိုက်ကနေကလည်း ပုို့ထားပြီးပြီ” လို့ ဒေါက်တာဒေါ်ညိုညိုသင်းက ပြောပါတယ်။

ဓာတ်ပုံ- ဒေါ်ညိုညိုသင်း

ရန်ကုန်တုိုင်းဒေသကြီးစာရင်းစစ်ချုပ်ရဲ့ ၂၀၁၆- ၂၀၁၇ ဘဏ္ဍာရေးနှစ် အစီရင်ခံစာအရ ဒီဆုံးရှုံးမှုတွေ သိလာရတာဖြစ်ပြီး ၂၀၁၅- ၂၀၁၆ ဘဏ္ဍာရေးနှစ်အတွင်းမှာ လူပုဂ္ဂိုလ် တစ်ဦးတည်းကို ပေ ၄၀-၆၀ မြေကွက်ပေါင်း ၂၁ ကွက်စာ အကျယ်အ၀န်းရှိတဲ့ မြေကွက်ကြီး ကုို သက်သာတဲ့ နှုန်းထားနဲ့ ရောင်းချပေးခြင်း၊ ပုဂ္ဂလိက လုပ်ငန်းရှင်တချို့ကို စီမံကိန်း အကြောင်းပြ မြေကဧက ထောင်ချီပေးအပ်ခဲ့ပါတယ်။ အဲဒီမြေကွက်အတွက် မြေဂရန် ၀န်ဆောင်ခ သတ်မှတ်ကောက်ခံရာမှာ ၀န်ဆောင်ခနှုန်းထား အသစ်နဲ့ မကောက်ခံတဲ့အတွက် ငွေကျပ် ၄၁ ဒသမ ၉ ၇ ဘီလီယံ နစ်နာနေတယ်လို့ အစီရင်ခံစာမှာ ဖော်ပြထားပါတယ်။

နောက်နစ်နာမှုတစ်ခုကတော့ ပြည်သူ့ဥယျာဉ်အတွင်းမှာ ပုဂ္ဂလိကကုမ္ပဏီတစ်ခုကို ကာလပေါက်ဈေးထက် နိမ့်တဲ့နှုန်းနဲ့ မြေတွေငှားရမ်းထားလို့ တစ်လကို ငွေကျပ် ၁ ဘီလီယံ နစ်နာနေတယ်လို့ ဆုိုပါတယ်။

အလားတူ ရန်ကုန်တိုင်း ဗိုလ်တထောင်မြို့နယ်ရှိ ၄၅ လမ်း ကစီမံကိန်းတစ်ခု မှာ ဆိုရင် နိုင်ငံတော်က နစ်နာငွေ ၉ ဒသမ ၂ ဘီလီယံ၊ ဗဟန်းမြို့နယ်မှာ ဌားရမ်းထားတဲ့ပြည်သူပုိုင်မြေ ၁၅ ဧက အတွက်နှစ်စဉ်ငွေကျပ် ၃ ဒသမ ၈ ဘီလီယံဆုံးရှုံးနေကြောင်း၊ ကန်တော်ကြီး ကန်တော်မင်နဲ့ မြိုင်ဟေဝန် ဥယျာဉ်များအတွင်း ငှားရမ်းခတွေမှာ ဆိုရင်လည်းပြည်သူ့ဘဏ္ဍာငွေ နှစ်စဉ် ၂ ဘီလီယံ ဆုံးရှုံးနေကြောင်း တယ်လုို့ တုိုင်ကြားစာမှာ ဖော်ပြပါတယ်။

ရန်ကုန်တုိုင်းအစိုးရဟာ စီမံကိန်းတွေမှာ လွှတ်တော်ကိုအသိမပေးဘဲ လုပ်ချင်ရာလုပ်နေတာ၊ ဧရာဝတီဘဏ်နဲ့ ကမ္ဘောဇဘဏ်ကနေ လွှတ်တော်ကုိုအသိမပေးဘဲ ၁၃ ဒသမ ၅ ဘီလီယံ ချေးယူခဲ့တာ၊ အစုိုးရအဖွဲ့ကိုယ်စားဆုိုပြီး တုိုင်းဝန်ကြီးနာမည်တွေနဲ့ အစုိုးရပုိုင်ကုမ္ပဏီတွေမှာ ရှယ်ယာတွေ ဖော်ပြထားတာ၊ Eleven သတင်းမီဒီယာသမား ၃ ဦးကို နုိုင်ငံတော်အကြည်ညို ပျက်စေမှုနဲ့ တရားစွဲတာတွေကြောင့် နုိုင်ငံရေးအသုိုင်းအ၀ိုင်းနဲ့ ပြည်သူတွေကြားမှာ အပြင်း အထန် ဝေဖန်ခံနေရချိန်လည်းဖြစ်ပါတယ်။

www.khitthitnews.com

ရန်ကုန်တုိုင်းအစုိုးရရဲ့ ပြည်သူ့ဘဏ္ဍာငွေကျပ် ဘီလီယံချီ နစ်နာနေစေခဲ့တဲ့ ကျောင်းကားအရှုပ်တော်ပုံ နောက်ကွယ်မှာ ဘာတွေ ရှိမလဲ



By သာလွန်ဇောင်းထက်(ရန်ကုန်ခေတ်သစ်)

ရန်ကုန်တုိုင်းဒေသကြီးအစုိုးရအဖွဲ့က ပြည်သူပုိုင်ငွေကျပ် ၅ ဘီလီယံ၊ ကမ္ဘောဇဘဏ်က ချေးယူထားတဲ့ ငွေကျပ် ၅ ဒသမ ၅ ဘီလီယံ စုစုပေါင်း ငွေကျပ် ၁၀ ဒသမ ၅ ဘီလီယံ အသုံးပြုဝယ်ယူခဲ့တဲ့ ကျောင်းကားအစီး ၂၀၀ ကိစ္စဟာ ပွင့်လင်းမြင်သာမှု မရှိခြင်း၊ စီမံခန့်ခွဲမှု အားနည်းတာတွေရှိနေတယ်လို့ လွှတ်တော်အမတ်တွေက ဝေဖန်နေပါတယ်။

အဲဒီကျောင်းကားတွေကုို ရန်ကုန်တုိုင်းအစုိုးရရဲ့ ကမ်းလှမ်းမှုနဲ့ ရွှေသံလွင်ကုမ္ပဏီက ဦးဆောင်ပြီး အများပုိုင်ကုမ္ပဏီကုို လွှဲပြောင်းပေးမယ့် ဖြစ်စဉ် နောက်ကွယ်မှာ ဘာတွေ ရှိနေသလဲ ဆုိုပြီး မေးခွန်းထုတ်မှုတွေရှိလာပါတယ်။

ရန်ကုန်တုိုင်းဒေသကြီး လွှတ်တော်မှာ ရပ်နားထားတဲ့ ကျောင်းကားတွေ ကိစ္စ လွှတ်တ်ေအမတ်တွေက မေးခွန်းမေးမြန်းခဲ့ပြီးတဲ့နောက်မှာ ဒီကျောင်းကားတွေကုို မြန်မာနုိုင်ငံလုိုင်စင်ရ ကန်ထရုိုက်တာများ အများနှင့်သက်ဆုိုင်သော ကုမ္ပဏီကုို ၀ယ်ယူဖို့ ရန်ကုန်တုိုင်းအစုိုးရက ကမ်းလှမ်းခဲ့တာပါ။ အဲဒီကိစ္စကုို ရွှေသံလွင်ကုမ္ပဏီက ဦးဆောင် လုပ်ဆောင်နေတာလည်းဖြစ်ပါတယ်။



၁ နှစ်ကျော်ရပ်ထားတဲ့ ကျောင်းကား ၁၃၅ စီးနဲ့ကယ်တင်ရှင် ရွှေသံလွင် ဦးကျော်ဝင်း

ရန်ကုန်တုိုင်းလွှတ်တော်မှာ ရပ်နားထားတဲ့ ကျောင်းကားတွေ ကိစ္စ လွှတ်တော်အမတ်တွေက မေးမြန်းပြီးတဲ့နောက် ရက်ပုိုင်းအတွင်း ရွှေသံလွင်ကုမ္ဗဏီ ဥက္ကဋ္ဌ ဦးကျော်ဝင်းက ဦးစီးပြီး ကျောင်းကား အများပုိုင်ကုမ္ပဏီဖွဲ့စည်းရေး အစည်းအဝေးတစ်ရပ်ကုို အောက်တုိုဘာလ ၇ ရက်နေ့ တာမွေ ရွှေထွဋ်တင်ကွင်းမှာ ပြုလုပ်ခဲ့ပါတယ်။

ရွှေသံလွင်ကုမ္ပဏီအနေနဲ့ ရန်ကုန်တုိုင်းအစုိုးရရဲ့ ကမ်းလှမ်းမှုအတုိုင်း ကျောင်းကားအစီး ၂၀၀ ထဲက ၁ နှစ်ကျော်ကြာ ရပ်နားထားတဲ့ ကျောင်းကား ၁၃၅ စီးကို ၀ယ်ယူမှာဖြစ်ပြီး အများပုိုင်ကုမ္ပဏီဖွဲ့စည်းဆောင်ရွက်သွားမယ်လုို့ ဦးကျော်ဝင်းက ပြောဆိုပါတယ်။

လုပ်ငန်းရှင် ၃၀၀ လောက် တက်ရောက်တဲ့ အဲဒီ ကျောင်းကားအများပုိုင်ကုမ္ပဏီဖွဲ့စည်းရေး တွေ့ဆုံပွဲမှာ ဦးကျော်ဝင်းက ကျောင်းကားတွေကို အစိုးရက ကုန်ကျတဲ့ဈေးအတုိုင်း ၀ယ်ယူသွားမယ်လို့ ဆုိုပါတယ်။ ရန်ကုန်တုိုင်းအစုိုးရ၊ YRTA ခေါ် ရန်ကုန်တုိုင်းပြည်သူ့သယ်ယူပုို့ဆောင်ရေးကြီးကြပ်မှုအာဏာပုိုင်အဖွဲ့နဲ့လည်း အားလုံးစုပေါင်းပါဝင်တဲ့ အများပုိုင်ကုမ္ပဏီဖွဲ့စည်းဆောင်ရွက်ဖုို့ သဘောတူညီထားတယ်လို့ သူက ဆုိုပါတယ်။

လက်ရှိမှာ ကျောင်းကားစီးရေ ၁၃၅ စီးရပ်နားထားလို့ ဝေဖန်ခံနေရတဲ့ ရန်ကုန်တုိုင်းအစုိုးရက ဘာကြောင့် ရွှေသံလွင် ဦးကျော်ဝင်းကုိုမှ ရွေးပြီး ကားတွေဝယ်ဖို့ မေတ္တာရပ်ခံခဲ့သလုိုဆိုတာကလည်း စိတ်ဝင်စားစရာကောင်းလှပါတယ်။ ဘာပဲပြောပြော လက်ရှိမှာ ဦးကျော်ဝင်းက ရန်ကုန်တုိုင်းအစိုးရရဲ့ အကျပ်အတည်းကုို အချိန်မီ ၀င်ရောက် ဖြေရှင်းမယ့် ကယ်တင်ရှင်ဆုိုရင် မမှားနုိုင်ပါဘူး။



ရွှေလက်ကုမ္ပဏီဘယ်ရောက်သွားလဲ

မူလက ကျောင်းကားစီးရေ ၂၀၀ စတင်ဝယ်ချိန်က မထသက ရရှိတဲ့ငွေကြေး ၅ ဘီလီယံ၊ ရွှေလက်ကုမ္ပဏီက ၅ ဒသမ ၅ ဘီလီယံ ပူးပေါင်းပြီး ကျောင်းကားတွေဝယ်လို့ သိထားကြောင်း၊ စာရင်းစစ်ချုပ်အစီရင်ခံစာ ထွက်ပေါ်လာပြီးတဲ့နောက်ပုိုင်းမှာ ရွှေလက်ကုမ္ပဏီပျောက်သွားပြီး ကမ္ဘောဇဘဏ်က ကျပ်ငွေ ၅ ဒသမ ၅ ဘီလီယံ ချေးငှားထားတယ်ဆုိုတာ ပေါ်ပေါက်လာတာပါ။ ရွှေလက်ကုမ္ပဏီဆုိုတာ ကောင်းဟိန်း ကုမ္ပဏီ ပုိုင်ရှင် ဦးကျော်ဟိန်းဆိုသူ ပုိုင်ဆုိုင်တဲ့ ကုမ္ဗ္ဗဏီဖြစ်တယ်လုို့ လွှတ်တော်အမတ် ဦးကျော်ဇေယျက ဆုိုပါတယ်။

"ရွှေလက်အခန်းကဏ္ဍက ပျောက်သွားပြီ။ ရွှေလက်က ကောင်းဟိန်းကုမ္ပဏီ၊ ဦးကျော်ဟိန်းဆိုတဲ့ သူဗျ။ အခုတော့ ရွှေလက်က ပျောက်သွားပြီ။ ကျောင်းကားတွေအတွက် ၁၀ ဒသမ ၅ ဘီလီယံမှာ မထသက လွှဲတာက ၅ ဘီလီယံ၊ရွှေလက်က ၅ ဒသမ ၅ ဘီလီယံ ပူးပေါင်းပြီး ကျောင်းကားတွေလုပ်တယ်ပေါ့။ အဲဒီမှာ စာရင်းစစ်ချုပ် အစီရင်ခံစာ အရ ဦးတင်ဝင်းက မေးလုိုက်တော့ ရွှေလက်က ပျောက် သွားပြီးတော့ ကမ္ဘောဇဘဏ်ကနေ အစုိုးရကနေ ၅ ဒသမ ၅ ဘီလီယံချေးလိုက်တယ်တဲ့။ ပထမတုန်းက သိထားတာက ရွှေလက်ကုမ္ပဏီနဲ့ အစိုးရပူးပေါင်းပြီးလုပ်တာ။ ပထမတုန်းက ၀န်ကြီးချုပ်ကုိုယ်တုိုင်ပြောတယ် ရွှေလက်ကုမ္ပဏီဆုိုပြီး ရွှေလက်ကုမ္ပဏီနဲ့ လုပ်မှာပါပေါ့။ ဒီလုိုပဲ ပြောခဲ့တယ်" လို့ လွှတ်တော်အမတ် ဦးကျော်ဇေယျက ဆုိုပါတယ်။

ရွှေလက်ကုမ္ပဏီပျောက်သွားပြီး ရွှေလက်အစား ရွှေသံလွင်ဦးကျော်ဝင်းကို ဦးစီးခုိုင်းပြီး ကျောင်းကားတွေ အရေးကိစ္စ ဖြေရှင်းတာလား၊ ရန်ကုန်တုိုင်းအစုိုးရနဲ့ ရွှေလက်ကုမ္ပဏီအကြား ဘယ်လိုသဘောတူညီချက်တွေရှိခဲ့လို့ အလွယ်တကူ ပျောက်ပျက်သွားတာလဲဆုိုတာကလည်း စိတ်ဝင်စားစရာပါပဲ။

ကျောင်းကားတွေ ဘယ်လို ၀ယ်ခဲ့လဲ

ရန်ကုန်တုိုင်းအစိုးရကျောင်းကားအစီး ၂၀၀ကုို G to G စနစ်နဲ့ Posco Daewoo ကုမ္ပဏီဆီကနေ ၀ယ်ယူခဲ့တယ်လုို့ ဆိုပါတယ်။ ပြင်ပဈေးကွက်မှာ ကျောင်းကားတစ်စီးကို သိန်း ၃၀၀ လောက်သာ ပေါက်ဈေးရှိပေမယ့် ရန်ကုန်တုိုင်းအစုိုးရရဲ့ ၀ယ်ယူဖို့ အသုံးပြုလုိုက်တဲ့ ငွေကြေးပမာဏကအရတော့ ကျောင်းကားတစ်စီးကို သိန်း ၅၀၀ ကျော် ဈေးပေါက်သွားပါတယ်။ ၀ယ်ယူမှုမှာလည်း ပွင့်လင်းမြင်သာမှု ပျောက်ဆုံးနေတဲ့အပြင် မေးခွန်းထုတ်စရာတွေ ရှိနေတယ်လုို့ ဦးကျော်ဇေယျက ဆုိုပါတယ်။

"သုံးလုိုက်တဲ့ ငွေပမာဏ အရ ကားဈေးက တစ်စီးကို သိန်း ၅၀၀ ကျော်နေတယ်။ Posco ကုမ္ပဏီနဲ့ဝယ်တာ။ ဒီမယ် ကျနော်ပြောပြမယ်။ အစီး ၂၀၀ သည် G to G အစိုးရချင်း အစုိုးရချင်း ၀ယ်တယ်ပြောတယ်။ အမှန်တုိုင်းပြောမယ်။ ပွင့်ပွင့်လင်းလင်းပြောမယ်နော်။ အဲဒီအစီး ၂၀၀ သည် ၀န်ကြီးချုပ်ကုိုဖြိုးမင်းသိန်း မတက်ခင်ကတည်းက ရန်ကုန်အောင်ဆန်းမှာ ရောက်နေပြီ။ အဟောင်းတွေ။ဘာကြောင့် ပြောသလဲဆုိုရင် ဘယ်မှာလဲ ကျောင်းကားတွေ ၀ယ်ပြီးပြီဆုိုတော့ ကားတွေကုို သင်္ဘောတင်လာတာရှိလား။ ဘယ်နေ့က သင်္ဘောတင်လဲ။ နံပါတ်တွေ ကြည့်ရအောင် ဘယ်တုန်းက အသိအမှတ်ပြုထားတဲ့ ကားနံပါတ်တွေလဲ။ အဲဒါလည်း တစ်ချက်ကြည့်မယ်။ ခင်ဗျား ရန်ကုန်တုိုင်းအစုိုးရဒေသကြီးအစိုးရက ကားဝယ်တဲ့အခါ ကညနက ဘယ်ကားနံပါတ်ချိတ်မလဲဆုိုတာ မေးခွန်းထုတ်လုိုက်ရင်ကုိုပြီးပြီ။ ကျောင်းကား အစီး ၂၀၀ က ဘာကြောင့် နောက်ဆုံးနံပါတ်မဖြစ်တာလဲ။ အန်းဒိတ်ဖြစ်နေတာလဲ။ ကျနော်မေးမယ်။ သူတို့ဘယ်လိုဖြေမလဲ"လို့ ဦးကျော်ဇေယျက ဆုိုပါတယ်။

ကျောင်းကားကိစ္စဟာ စတင်ဝယ်ယူချိန်ကစလို့ ပွင့်လင်းမြင်သာမှုမရှိခဲ့တာတွေ ရှိပြီး အခုအချိန်အထိလည်း လွှဲပြောင်းရောင်းချမယ့်ကိစ္စမှာ ရန်ကုန်တုိုင်းလွှတ်တော်အမတ်တွေနဲ့ ပြည်သူကို သေချာစွာ ချပြရှင်းလင်းတာမရှိသေးဘူးလို့လည်း ဆုိုရမှာပါ။

၂၀၁၇ မကုန်မီ ကျောင်းကားတွေကို Royal Gol-den Hand ကုမ္ပဏီနဲ့ အစိုးရ ပူးပေါင်းဆောင်ရွက်မှုစနစ် (Public Private Partn-ership) နဲ့ ရန်ကုန်မြို့ရှိ ကျောင်း၂၂ ကျောင်းမှာ ပြေးဆွဲမယ်လို့ ဝန်ကြီးချုပ် ဦးဖြိုးမင်းသိန်းက ပြောကြားခဲ့ပါတယ်။ ဒါပေမယ့်လည်း ၂၀၁၈ ခုနှစ်အထိ ၆၅ စီးသာ သုံးနုိုင်ပြီး ကျန်ကားတွေအားလုံးကို ၁ နှစ်ကျော် ရပ်နားထားခဲ့ရတာပါ။

ရန်ကုန်တုိုင်းအစုိုးရကတော့ ကျောင်းကားတွေ အသုံးမပြုနုိုင်တာဟာ ပြည်ထောင်စုက ချမှတ်ထားတဲ့ မြို့နယ်ကျော်ကျောင်းတက်ခွင့်မရှိဆိုတဲ့ ဧရိယာကန့်သတ်ချက် မူဝါဒချမှတ်ထားတာကြောင့်ဖြစ်တယ်လုို့ ဆုိုပါတယ်။

ပြည်သူ့ငွေမုို့ သိခွင့်ရှိရမယ်

ကျောင်းကားလို စီးပွားရေးမျိုး တစ်ခါမှ မလုပ်ဘူးသေးတဲ့ ရွှေသံလွင်ကုမ္ပဏီကဦးဆောင်ပြီး ကျောင်းကား အများပုိုင်ကုမ္ပဏီဖွဲ့စည်းရေးလုပ်ဆောင်နေရာမှာ ဘယ်လို ကမ်းလှမ်းချက် တွေ ရှိနေလဲ၊ ဘယ်လိုသဘောတူညီချက်တွေရှိလဲဆုိုတာကို အားလုံးက စိတ်ဝင်စားကြပါတယ်။ ပြင်ပပေါက်ဈေးထက် ကြီးမြင့်နေတဲ့ကားတွေကုို ဈေးအမြင့်ပေးပြီး ၀ယ်ယူမှုနောက်ကွယ်မှာ ဘာတွေ ထပ်ရှိမလဲလုို့ မေးခွန်းထုတ်သူတွေလည်း များလာနေပါတယ်။

စီးပွားရေးလုပ်ငန်းရှင်တွေက အစုိုးရက ချပေးတဲ့ စီမံကိန်း၊ တင်ဒါတွေကုို အပြိုင်အဆုိုင် လျှောက်ကြတာက မဆန်းပေမယ့် အခု ရွှေသံလွင်ကုမ္ပဏီရဲ့ ဦးဆောင်မှုနဲ့ ကျောင်းကားတွေ ၀ယ်ယူပေးဖို့ ရန်ကုန်တုိုင်းအစုိုးရက ကမ်းလှမ်းခဲ့တာဟာ ဖြစ်တောင့်ဖြစ်ခဲ့ဖြစ်စဉ်လုို့ လည်းဆုိုကြပါတယ်။

လွှတ်တော်အမတ် ဦးကျော်ဇေယျကတော့ "ဘယ်လိုအဓိပ္ဗာယ်လဲမသိဘူး။ လုပ်ထုံးလုပ်နည်းအရ မရှိဘူး။ အစုိုးရက ဘယ်လို အစီရင်ခံမလဲ။ ဒါတွေကုို ပြန်စစ်ပါ စာရင်းစစ်ချုပ်နဲ့သေချာပြန်ပြီးတော့ စစ်ပေးပါဆုိုပြီး ပြောရမယ်။ ဘယ်လိုရှင်းပြမလဲ စောင့်ကြည့်ရမယ်။ တခြားအပေးအယူတွေ ရှိနုိုင်တယ်။ ဘာအပေးအယူလဲ ဘယ်လိုတွေလုပ်နေတာလဲ။ ရုတ်တရက်ကြည့်တော့ ရွှေသံလွင်ကလည်း ကားလုပ်တာလည်းမဟုတ်ဘူး။ အခုကျမှ အများပုိုင်ကုမ္ပဏီဖွဲ့ပြီးတော့ ဘာဖြစ်တယ်ညာဖြစ်တယ် လုပ်ရတာ။ တစ်မျိုးကြီးပေါ့" လုို့ ဆုိုပါတယ်။

ကျောင်းကား အစီး ၂၀၀ ၀ယ်ယူတဲ့ငွေကြေးမှာ ပြည်သူ့ငွေ ၅ ဘီလီယံရှိနေပြီး ဒီငွေတွေနဲ့ပတ်သက်လုို့ ပြည်သူကလည်း အမှန်အတုိုင်းသိခွင့်ရှိဖို့လိုပါတယ်။ လက်ရှိအခြေအနေမှာ ပြည်သူ့ငွေ ၅ ဘီလီယံဟာ ဘာမှ အကျိုးအမြတ်မရဘဲ ဆုံးရှုံးနေပြီလုို့ ဦးကျော်ဇေယျက ဆက်ပြောပါတယ်။

"ကျောင်းကားတွေက ၀ယ်ထားတာ ၁ နှစ်ကျော်ပြီ။ ရွှေသံလွင်ကုို ပေးမယ်ဆုိုရင်တောင် လွှတ်တော်ကုို အသိပေးရမယ်။ဘာပဲဖြစ်ဖြစ် ၁၀ ဒသမ ၅ ဘီလီယံမှာ ပြည်သူ့ငွေက ၅ ဘီလီယံ လုံးဝပါနေတယ်။ အဲဒီ ငွေကျပ် ၅ ဘီလီယံက တကယ်တမ်းကျတော့ ဘာမှလည်း မလုပ်ရဘဲနဲ့ ကျောင်းကားထဲမှာပဲ မြှုပ်ပြီးတော့ နေတယ်။ ပြည်သူ့ငွေကုို သုံးစွဲဖုို့က လွှတ်တော်က အတည်ပြုပြီးမှ လုပ်ရမယ့်ဟာ။ တုိုင်းအစုိုးရက လုပ်ချင်ရာလုပ်တာပေါ့။ လွှတ်တော်က သိခွင့်ရှိရမယ်။ ကမ္ဘောဇဘဏ်ကနေ ၅ ဒသမ ၅ ဘီလီယံ အစုိုးရက ချေးလိုက်တယ်။ ဘယ်ကပဲချေးချေး လုပ်တော့မယ်ဆုိုရင် လွှတ်တော်ကနေ အတည်ပြုချက် ယူကုို ယူရမယ်။ ပွင့်လင်းမြင်သာမှုမရှိဘူး။ ကားတွေအကုန်လုံးကုို ရွှေသံလွင်ဘက်က ၁၀ ဒသမ ၅ ဘီလီယံနဲ့ပဲ ၀ယ်တယ်ထားလိုက်ဦး အရင်းအတုိုင်းပဲ ပြန်ရောင်းဦး။ ပြည်သူ့ငွေ ၅ ဘီလီယံ ပြန်ရရင်တောင် အတုိုးမနာဘူးလား" လုို့ ဦးကျော်ဇေယျက မေးခွန်းထုတ်ပါတယ်။

ရန်ကုန်တုိုင်းဒေသကြီးလွှတ်တော်အမတ်ဦးတင်ဝင်းကလည်း ရွှေသံလွင်နဲ့ ရန်ကုန်တုိုင်းအစုိုးရအကြားမှာ ဘယ်လို ကမ်းလှမ်းမှုတွေ အပေးအယူတွေ ရှိနေလဲဆိုတာ စောင့်ကြည့်မယ်လို့ မီဒီယာတွေကို ထုတ်ဖော်ပြောဆုိုထားပါတယ်။

www.khitthitnews.com

Social Widget

CLELBRITY

ENTERTAINMENT

KNOWLEDGE