တိုင်းဒေသကြီးနှင့် ပြည်နယ်အစိုးရများအတွက် ဖွဲ့စည်းပုံအခြေခံဥပဒေရဲ့ သတိပေးခေါင်းလောင်းသံ - Eureka Myanmar

တိုင်းဒေသကြီးနှင့် ပြည်နယ်အစိုးရများအတွက် ဖွဲ့စည်းပုံအခြေခံဥပဒေရဲ့ သတိပေးခေါင်းလောင်းသံ

Share This


ဌေးဌေး
မကြာမီရက်ပိုင်းအတွင်းက နိုင်ငံတော် သမ္မတရုံးမှ တိုင်းဒေသကြီးနှင့်ပြည် နယ် အစိုးရအဖွဲ့များသို့ ညွှန်ကြားချက်တစ်စောင် ထုတ်ပြန်ခဲ့သည်။ ယင်းကြေ ညာချက်တွင် တိုင်းဒေသကြီး (သို့မဟုတ်) ပြည် နယ်အစိုးရအဖွဲ့များသည် ဖွဲ့စည်းပုံ အခြေခံ ဥပဒေပါ ပြဋ္ဌာန်းချက်များနှင့်အညီ လိုက်နာ ဆောင်ရွက်ရန်ပင် ဖြစ်သည်။

အဆိုပါထုတ်ပြန်ချက်တွင် ဖွဲ့စည်းပုံအခြေ ခံဥပဒေပါ ပုဒ်မ ၂၆၂ ပုဒ်မခွဲ(ဌ)၊ ပုဒ်မခွဲငယ် (၁)၊(၂)နှင့် ပုဒ်မ ၂၅ဝနှင့် ပုဒ်မ ၂၅၉ တို့တွင် ပြဋ္ဌာန်းထားသော အချက်အလက်များကို ထည့် သွင်းဖော်ပြထားသည်။
ယင်းစာ၏ အနှစ်ချုပ်ဖော်ပြချက်မှာ တိုင်း ဒေသကြီး (သို့မဟုတ်) ပြည်နယ်ဝန်ကြီးများ သည် သက်ဆိုင်ရာတိုင်းဒေသကြီး (သို့မဟုတ်) ပြည်နယ်ဝန်ကြီးချုပ်နှင့် နိုင်ငံတော်သမ္မတအား အဆင့်ဆင့် တာဝန်ခံကြရသဖြင့် မိမိတို့၏လုပ် ငန်းများ ဆောင်ရွက်ရာတွင် မိမိတာဝန်ခံရသည့် တိုင်းဒေသကြီး (သို့မဟုတ်) ပြည်နယ်ဝန်ကြီး ချုပ်ထံ အသိပေးတင်ပြပြီး သဘောတူညီချက်၊ အတည်ပြုချက် ရယူ၍ ဆောင်ရွက်ရမည်ဟု ပါရှိသည်။
တိုင်းဒေသကြီး (သို့မဟုတ်) ပြည်နယ် အစိုးရများသည် ပြည်ထောင်စုအစိုးရက ချ မှတ်ထားသော မူဝါဒများနှင့်သော်လည်းကောင်း၊ ပြည်ထောင်စုဥပဒေများနှင့်သော်လည်းကောင်း မဆန့်ကျင်စေဘဲ ဆောင်ရွက်ရမည် ဖြစ်ခြင်း ကြောင့် အထက်ဖော်ပြပါ ဖွဲ့စည်းပုံ အခြေခံ ဥပဒေပြဋ္ဌာန်းချက်များနှင့်အညီ လိုက်နာဆောင် ရွက်ရန် ဖော်ပြထားသည်။
ထိုသို့ ထုတ်ပြန်ခြင်းမှာ တိုင်းဒေသကြီး နှင့် ပြည်နယ်အစိုးရအဖွဲ့များအနေဖြင့် ဖွဲ့စည်း ပုံအခြေခံဥပဒေတွင် ပါရှိသည့်အချက်များအား လိုက်နာဆောင်ရွက်မှု နည်းပါးခြင်းနှင့် အစိုးရ မှ ချမှတ်ထားသော မူဝါဒများ၊ ပြည်ထောင်စု ဥပဒေများနှင့် ကွဲလွဲမှုများရှိနေခြင်းကြောင့်ပင် ဖြစ်သည်။
''ဒါက ဘာကြောင့် ကြေညာချက် ထုတ် ရတယ်ဆိုတာကို အစိုးရက မီဒီယာတွေကို သတင်းစာရှင်းလင်းပွဲ လုပ်တာတွေလဲ မရှိတဲ့ အတွက် ခန့်မှန်းပြောရမယ်ဆိုရင် ကြေညာချက် ရဲ့ရည်ရွယ်ချက်က အခြေခံဥပဒေမှာ ပါရှိတဲ့ ကိစ္စတွေကို တိုင်းဒေသကြီးနှင့်ပြည်နယ်အစိုးရ အဖွဲ့ဝင်တွေသိအောင် ထုတ်ပြန်ခြင်းပဲ။ တိုင်း ဒေသကြီးနဲ့ ပြည်နယ်အစိုးရ အဖွဲ့ဝင်တွေဆို တာက ဖွဲ့စည်းပုံအခြေခံဥပဒေကို ထုံးလိုချေ၊ ရေလိုနှောက်ဆိုပြီး သိနေရမယ့်ကိစ္စ ဖြစ်တဲ့ အတွက်ကြောင့် တခြားနိုင်ငံတွေမှာတော့ ဒီလို မျိုးထုတ်ပြန်တာ မတွေ့မိပါဘူး။ အခုဟာက အမှားအယွင်းရှိလို့၊ ဒါမှမဟုတ် လုပ်ငန်းတွေ အကောင်အထည်ဖော်တဲ့နေရာမှာ အားနည်း ချက်တွေရှိလို့ ဥပဒေနဲ့အညီလုပ်ကြပါလို့ ပြော ကြတယ်လို့ မှတ်ယူလို့ရတယ်''ဟု ရန်ကုန်တိုင်း ဒေသကြီး လွှတ်တော်ကိုယ်စားလှယ်ဟောင်း တစ်ဦးဖြစ်သူ ဒေါက်တာညိုညိုသင်းက ထောက် ပြသည်။
ဖွဲ့စည်းပုံအခြေခံဥပဒေပါ ပြဋ္ဌာန်းချက်များ သည် လွှတ်တော်ကိုယ်စားလှယ်များ၊ အစိုးရ အဖွဲ့ ဝန်ကြီးများနှင့် ဝန်ကြီးချုပ်များအဖို့ သိရှိ ပြီး လိုက်နာကျင့်သုံးနေကျကိစ္စ ဖြစ်သော်လည်း မေ ၂၉ရက်တွင် နိုင်ငံတော်သမ္မတရုံးမှ ယခု ကဲ့သို့ အထူးတလည် ပြန်လည်ထုတ်ပြန်ကြေ ညာခဲ့ခြင်းမှာ တိုင်းဒေသကြီးနှင့်ပြည်နယ်အစိုးရ အဖွဲ့များအား သတိပေးချက်တစ်ခုဟု ဆိုရမည် ဖြစ်သည်။
ဒီချုပ်အစိုးရ၏ နှစ်နှစ်တာကာလအတွင်း ထင်သာမြင်သာသော ပြုပြင်ပြောင်းလဲခြင်းများ ရှိခဲ့သလို တိုင်းဒေသကြီးနှင့် ပြည်နယ်အစိုးရ အဖွဲ့များအတွက် ယခုကဲ့သို့ သတိပေးရလောက် သည့် ထုတ်ပြန်ချက်မျိုး ထုတ်ပြန်ခဲ့ခြင်းမှာ လုပ် ငန်းများ အကောင်အထည်ဖော်ရာတွင် အား နည်းချက်များ ရှိခြင်းကြောင့်သာ ဥပဒေနှင့်အညီ ဆောင်ရွက်ရန် အလေးထား ညွှန်ကြားခဲ့ခြင်း ဖြစ်ဟု နိုင်ငံရေးလေ့လာစောင့်ကြည့်သူများက ဆိုသည်။
အစိုးရမှ ဖော်ဆောင်နေသည့် လုပ်ငန်း၊ စီမံကိန်းများနှင့်ပတ်သက်၍ ထင်သာမြင်သာ အရှိဆုံးကို ပြရမည်ဆိုပါက ရန်ကုန်တိုင်းဒေသ ကြီးပင် ဖြစ်သည်။ တခြားသော တိုင်းဒေသကြီး များမှာ တွေ့ရမှုနည်းပါးပြီး ကရင်ပြည်နယ်နှင့် ရခိုင်ပြည်နယ်များတွင်သာ တွေ့မြင်နိုင်သည်။
ရန်ကုန်တိုင်းဒေသကြီး လွှတ်တော်၊ စီမံ ကိန်းကော်မတီ၏ ဆွေးနွေးချက်များအား ကြည့် မည်ဆိုပါက ရန်ကုန်တိုင်းဒေသကြီးအစိုးရအဖွဲ့ မှ ဆောင်ရွက်သော စီမံကိန်းများသည် လွှတ် တော်၏ အတည်ပြုချက်မရဘဲ ဆောင်ရွက်နေ ခြင်းများ ရှိနေသည်ဟု လွှတ်တော်ကိုယ်စား လှယ်အချို့က မကြာခဏ ဝေဖန်ပြောကြားလေ့ ရှိခဲ့သည်။
မကြာခင်က ရန်ကုန်တိုင်းဒေသကြီးအတွင်း အကောင်အထည်ဖော်မည့် စီမံကိန်းများနှင့် ပတ်သက်၍ တိုင်းဒေသကြီးလွှတ်တော်အစည်း အဝေးသို့ တင်သွင်းခဲ့ရာ အချက်အလက်ပြည့် စုံမှု မရှိခြင်း၊ လေ့လာချိန် လုံလောက်စွာမပေး ခြင်းများရှိခဲ့သည်ဟုဆိုကာ အစိုးရအပေါ် လွှတ် တော်ကိုယ်စားလှယ်များက ဝေဖန်ခဲ့ကြသည်။
''မြို့ပြစီမံကိန်း အကြောင်းအရာ အသေး စိတ်ကို အသိမပေးဘဲ လွှတ်တော်ရဲ့အတည်ပြု ချက် တောင်းခံခြင်းဟာ တိုင်းအစိုးရအနေနဲ့ ဖွဲ့စည်းပုံအခြေခံဥပဒေကို ကျော်လွန်လုပ်တာ ပဲ''ဟု ရန်ကုန်တိုင်းဒေသကြီး လွှတ်တော်ကိုယ် စားလှယ် ကိုနေဘုန်းလတ်က မေ ၁၄ရက်က ပြုလုပ်သည့် တိုင်းဒေသကြီးလွှတ်တော်အစည်း အဝေးတွင် ပြောကြားခဲ့သည်။
ရန်ကုန်တိုင်းဒေသကြီး လွှတ်တော်ကိုယ် စားလှယ် ဒေါ်စန္ဒာမင်းကလည်း ''တင်ချင်တဲ့ ကိစ္စကိုသာ တင်တယ်။ မတင်ချင်တဲ့ စီမံကိန်း ဆိုရင် ကျွန်မတို့ကို တင်ပြပြီး ဆွေးနွေးပိုင်ခွင့် တောင် မရှိဘူး။ ပြည်သူအတွက်၊ နိုင်ငံအတွက် အကျိုးရှိပြီး တွက်ခြေကိုက်မှု ရှိမရှိကို ကျွန်မတို့ အနေနဲ့ ဆွေးနွေးရတာပါ။ လွှတ်တော်ကိုယ်စား လှယ်တွေ တင်ပေးလိုက်တဲ့ ကိစ္စတွေကို တိုင်း ဒေသကြီးအစိုးရအနေနဲ့ ၁ဝဝ ရာခိုင်နှုန်းမဟုတ် ရင်တောင် ခြောက်ဆယ်ရာခိုင်နှုန်းလောက်တော့ လိုက်နာဆောင်ရွက်ပေးဖို့ ဝတ္တရားရှိပါတယ်''ဟီုDVB ရုပ်သံနှင့် အင်တာဗျူးတွင် ထည့် သွင်းပြောကြားခဲ့သည်။
ဖွဲ့စည်းပုံအခြေခံဥပဒေ၏ ပုဒ်မ-၂၅၁တွင် တိုင်းဒေသကြီး (သို့မဟုတ်) ပြည်နယ်အစိုးရ သည် ပြည်ထောင်စုအစိုးရမှ ချမှတ်ထားသည့် မူဝါဒများနှင့်သော်လည်းကောင်း၊ ပြည်ထောင်စု ဥပဒေများနှင့်သော်လည်းကောင်း၊ မဆန့်ကျင် စေဘဲ တိုင်းဒေသကြီး (သို့မဟုတ်) ပြည်နယ် အတွင်း အကောင်အထည်ဖော် ဆောင်ရွက် မည့် လုပ်ငန်းများနှင့်စပ်လျဉ်းသည့် စီမံကိန်း များကို သက်ဆိုင်ရာတိုင်းဒေသကြီး (သို့မဟုတ်) ပြည်နယ်လွှတ်တော်၏ သဘောတူညီချက်ဖြင့် အကောင်အထည်ဖော် ဆောင်ရွက်ရမည်ဟု ဖော်ပြပါရှိသည်။
သို့သော် ရန်ကုန်တိုင်းဒေသကြီးတွင် မြို့ ပြဖွံ့ဖြိုးရေး စီမံကိန်းများကို အစိုးရက လွှတ် တော်သို့ အသိမပေးဘဲ အကောင်အထည်ဖော် မှုများ ရှိနေခဲ့သည့်အပြင် အချို့စီမံကိန်းများ သည် ပြည်ထောင်စုအစိုးရ၏ လုပ်ပိုင်ခွင့်မူကို ကျော်လွန်မှုများရှိခဲ့သည်ဟု လွှတ်တော်ကိုယ် စားလှယ်အချို့က ဆိုသည်။
အဆိုပါဖြစ်စဉ်များ ရှိနေခြင်းကြောင့် ရန် ကုန်တိုင်းဒေသကြီးအစိုးရအဖွဲ့က လွှတ်တော် သို့ တင်သွင်းခဲ့သည့် မြို့ပြဖွံ့ဖြိုးရေးစီမံကိန်းကို လွှတ်တော်ကိုယ်စားလှယ်များက ကန့်ကွက်ခဲ့ သဖြင့် လွှတ်တော်တွင် မှတ်တမ်းအဖြစ်နှင့်သာ သတ်မှတ်ခံခဲ့ရသည်။
ယင်းစီမံကိန်းများကို အကောင်အထည် ဖော်မည်ဆိုပါက စီမံကိန်းလုပ်ငန်း တစ်ခုချင်း အလိုက် လွှတ်တော်သို့ တင်ပြပြီး ခွင့်ပြုချက် သဘောထား ရယူမည်ဟုလည်း တိုင်းဒေသကြီး လျှပ်စစ်၊ စက်မှုလက်မှုနှင့် လမ်းပန်းဆက်သွယ် ရေးဝန်ကြီး ဒေါ်နီလာကျော်က ကတိပြုခဲ့သည်။
ရန်ကုန်တိုင်းဒေသကြီး လွှတ်တော်တွင် ထိုသို့ ဝေဖန်မှုများ ဖြစ်ပေါ်ခဲ့ပြီးနောက် နိုင်ငံ တော်သမ္မတရုံးမှ ညွှန်ကြားချက်ထွက်ပေါ်လာ ခဲ့ခြင်းကြောင့် အနည်းငယ် ဆက်စပ်မှုရှိသည် ဟုလည်း ယူဆသူများ ရှိနေသည်။
''ရန်ကုန်တိုင်းဒေသကြီး အစိုးရအဖွဲ့က လုပ်တဲ့ စီမံကိန်းတွေသည် လွှတ်တော်ရဲ့အတည် ပြုချက် မရဘဲနဲ့ ငါ့မြင်းငါစိုင်း စစ်ကိုင်းရောက် ရောက် လုပ်နေတယ်ဆိုတာ ထင်ရှားတယ်။ ဒါ ကြောင့် ဒီလိုကိစ္စတွေကို ဥပဒေနဲ့အညီဆောင် ရွက်ဖို့ သတိပေးချက်လဲ ဖြစ်ချင်ဖြစ်မယ်''ဟု ဒေါက်တာညိုညိုသင်းက မှတ်ချက်ပြုသည်။
အလားတူဖြစ်ရပ်မျိုးသည် ရန်ကုန်တိုင်း ဒေသကြီး တစ်ခုတည်းတွင် ဖြစ်ပေါ်နေခြင်း မဟုတ်ဘဲ အခြားတိုင်းဒေသကြီးနှင့် ပြည်နယ် အချို့တွင်လည်း ဒေသဆိုင်ရာ အစိုးရအဖွဲ့များ ၏ သတ်မှတ်ချက်များကို ကျော်လွန်လုပ်ဆောင် သည့် ဖြစ်ရပ်များက ရှိနေသေးသည်။
ကရင်ပြည်နယ်တွင် မဂ္ဂါဝပ် ၁၂၈ဝ ထုတ် လုပ်မည့် ကျောက်မီးသွေးလောင်စာသုံး လျှပ် စစ်ဓာတ်အားပေးစက်ရုံ တည်ဆောက်ရန် Toyo Thailand Company Limited (TTCL) ကုမ္ပဏီနှင့် ကရင်ပြည်နယ်အစိုးရတို့သည် ၂ဝ၁၇ ခုနှစ် အစောပိုင်းက ဖြစ်နိုင်ခြေ ဆန်းစစ်နား လည်မှုစာချွန်လွှာ ရေးထိုးခဲ့ပြီး ၂ဝ၁၇ မှ ၂ဝ၂ဝ ပြည့်နှစ်အတွင်း စီမံကိန်းအကောင်အထည်ဖော် သွားမည်ဖြစ်ကြောင်း သိရသည်။
၂ဝဝ၈ ဖွဲ့စည်းပုံအခြေခံဥပဒေ ဇယား(၁) နှင့် ၂ဝ၁၄ ခုနှစ် လျှပ်စစ်ဥပဒေ ပုဒ်မ(၈)အရ အကြီးစား လျှပ်စစ်ဓာတ်အား စီမံခန့်ခွဲခွင့်ကို ပြည်ထောင်စု အစိုးရကသာ စီမံခန့်ခွဲခွင့်ရှိပြီး ၃ဝ မဂ္ဂါဝပ်အထိသာ ပြည်နယ်အစိုးရမှ လုပ် ပိုင်ခွင့်ရှိသည်ဟု ပြဋ္ဌာန်းထားသော်လည်း ပြည် နယ်အစိုးရအနေဖြင့် MoU ထိုးခဲ့ခြင်းသည် ဥပဒေကိုကျော်လွန်၍ လုပ်ဆောင်နေခြင်းဖြစ် ကြောင်း ကရင်ပြည်နယ် လွှတ်တော်ကိုယ်စား လှယ်များက ထောက်ပြပြောဆိုသည်။
ရခိုင်ပြည်နယ် အစိုးရအဖွဲ့ဝင် စည်ပင် သာယာရေးဝန်ကြီး ဦးမင်းအောင်ကိုလည်း တာ ဝန်ထမ်းဆောင်ရန် မသင့်ဟုဆိုကာ ဇန်နဝါရီ ၂ရက်တွင် ရခိုင်ပြည်နယ်လွှတ်တော်၏အရေး ပေါ်အစည်းအဝေးတွင် ဆုံးဖြတ်ခဲ့သည်။
၎င်း သည် အမျိုးသားဒီမိုကရေစီအဖွဲ့ချုပ်ပါတီ၊ တောင်ကုတ်မဲဆန္ဒနယ် အမှတ်(၂)မှ အနိုင်ရ ရှိခဲ့သော ပြည်နယ်လွှတ်တော်ကိုယ်စားလှယ် တစ်ဦးဖြစ်ပြီး တိုင်ကြားခဲ့မှုတွင် စစ်တွေ၊ ကျောက် တော်၊ ရမ်းဗြဲ၊ တောင်ကုတ်နှင့် ဂွ စသည့်မြို့ နယ်များတွင် ဈေးသစ်ငါးခု ဆောက်လုပ်ရန် လွှတ်တော်သို့ အသိပေးခြင်းမရှိဘဲ တင်ဒါခေါ် ယူ၍ ကုမ္ပဏီများအား လုပ်ကိုင်ခွင့်ပေးခဲ့သည့် အချက်လည်း ပါဝင်သလို မောင်တောဒေသဖွံ့ဖြိုးရေးလုပ်ငန်းလုပ်ကိုင်ရန် ပြည်ထောင်စုမှ ချပေးသော ဘဏ္ဍာငွေများအား ဒေသအတွက် အနည်းငယ်မျှသာသုံးစွဲပြီး တောင်ကုတ်မြို့နယ် အတွင်းသို့ ပြောင်းရွှေ့ကာ တည်ဆောက်ရေး လုပ်ငန်းများကို လုပ်ကိုင်ခြင်း၊ မင်းပြားမြို့နယ် အတွင်းမှ ကူးတို့ကိစ္စအပါအဝင် အခြားသော အကြောင်းအရာများလည်း ပါဝင်ခဲ့ခြင်းကြောင့် ဖြစ်သည်။
ထို့ကြောင့် ¤င်းအား ဖွဲ့စည်းပုံအခြေခံ ဥပဒေပုဒ်မ ၂၃၆နှင့် သက်ဆိုင်သော ပြည်ထောင် စုအစိုးရအဖွဲ့ ဥပဒေပုဒ်မ ၈ဝနှင့် ပြည်နယ် အစိုးရအဖွဲ့ ဥပဒေပုဒ်မ ၅၅တို့ဖြင့်ပါ တာဝန် မှ ရပ်စဲခဲ့ခြင်းဖြစ်သည်။
သို့သော်လည်း ပြည်နယ်နှင့် တိုင်းဒေသ ကြီးများတွင် သမ္မတရုံးမှ စာထုတ်ပြန်ရလောက် သည့် ကိစ္စရပ်များ တွေ့ရမှုမှာ လွန်စွာနည်းပါး နေကြောင်း ပြည်သူ့လွှတ်တော်ကိုယ်စားလှယ် များက ဆိုသည်။ ယင်းသို့ ညွှန်ကြားချက်ထွက် ပေါ်လာခြင်းကြောင့် တိုင်းဒေသကြီးနှင့် ပြည် နယ်အစိုးရအချို့၏ လုပ်ကိုင်မှုက ပုံစံလွဲမှားနေ ခြင်းအပေါ် သတိပေးထိန်းညှိရာရောက်ပြီး ပြည် ထောင်စု အစိုးရအဖွဲ့အနေဖြင့် အောက်ခြေ နှင့် ချိတ်ဆက်မှု အားနည်းချက်များ ရှိနေခြင်း ကို မြင်သာစေသည်။
''နိုင်ငံတော်သမ္မတရုံးဆိုတော့ တိုင်းဒေသ ကြီးနဲ့ ပြည်နယ် ၁၄ခုကို ခြုံပြီးကြည့်နေတာကိုး။ အန်ကယ့်ရဲ့အမြင်အရ ပြောရရင်လဲ ထုတ်ပြန် ချက်ထုတ်ဖို့လိုတဲ့ အနေအထားကို ဖြစ်နေလို့ ထုတ်ပြန်လိုက်တဲ့သဘောပဲ''ဟု ရန်ကုန်တိုင်း ဒေသကြီး လွှတ်တော်ကိုယ်စားလှယ်၊ ဘဏ္ဍာ ရေး၊ စီမံကိန်းနှင့် စီးပွားရေးကော်မတီအတွင်း ရေးမှူး ဦးကျော်ဇေယျက ပြောသည်။
သို့သော် အမှန်တွင် ထိုသို့ ဖွဲ့စည်းပုံအခြေ ခံဥပဒေပါ ပြဋ္ဌာန်းချက်များကို ထုတ်ပြန်ရန်ပင် မလိုဘဲ အုပ်ချုပ်သည့် အစိုးရအဖွဲ့တာဝန်ရှိသူ များက ယခင်ကတည်းက သိရှိနားလည်ထား ရမည့် ကိစ္စဖြစ်သည်ဟု ¤င်းက ဆိုသည်။
''ပြည်ထောင်စုဝန်ကြီးတွေ၊ သမ္မတတွေ၊ ဒုတိယသမ္မတတောင် မပြောနဲ့ လွှတ်တော် ကိုယ်စားလှယ် ရိုးရိုးတောင် ဒီ၂ဝဝ၈ ဖွဲ့စည်းပုံ ကို လိုက်နာဆောင်ရွက်ပါ့မယ်ဆိုပြီး ကျမ်းကျိန် မှ လွှတ်တော်ကိုယ်စားလှယ် ဖြစ်တာဆိုတော့ ဒါတွေကို ပြောစရာတောင်မလိုတာကို ထပ်ပြီး တော့ ထပ်ထွက်လာတာက အားနည်းချက်တွေ ရှိနေလို့ပဲလို့ မြင်ပါတယ်''ဟု ဦးကျော်ဇေယျက ထောက်ပြပြောဆိုခဲ့သည်။

Pages