ကုလ-မြန်မာ သဘောတူညီချက် ရိုက်တာသို့ ပေါက်ကြား

Share it:


ကုလသမဂ္ဂ နှင့် မြန်မာ အစိုးရတို့ ချုပ်ဆိုပြီး လျို့ဝှက်ထားသော နားလည်မှု စာချွန်လွှာ ပေါက်ကြားခဲ့ပြီး ရိုက်တာ သတင်းဌာနက လက်ခံရရှိသွားတယ်လို့ ဆိုပါတယ်။
အဆိုပါ စာချွန်လွှာအရ မြန်မာနိူင်ငံသို့ ပြန်လာမည့် ဒုက္ခသည်များ အတွက် နိူင်ငံသား ဖြစ်ခွင့်ကို ရှင်းလင်းစွာ အာမခံချက်ပေးမထားသည့်အပြင် နိူင်ငံ အတွင်း ရခိုင်ပြည်နယ်မှ လွဲ၍ လွတ်လပ်စွာ သွားလာခွင့်မရှိဟု ဆိုပါတယ်။
ပြန်လာသူများကို စီစစ်ပြီးနောက် လိုအပ်သော စာရွက်စာတမ်းများ ထုတ်ပေးမယ်လို့ ဆိုပါတယ်။ ၁၉၈၂ နိူင်ငံသား ဖြစ်ခွင့် ပြန်လည် စီစစ်သုံးသပ်မယ် ဆိုတဲ့ အကြောင်းလည်း မပါဝင်ခဲ့ဖူးလို့ ဆိုပါတယ်။
သို့သော် ကုလသမဂ္ဂ ကတော့ မြန်မာ အစိုးရနှင့် ပူးပေါင်းဆောင်ရွက်နိူင်ရေး အတွက် ပထမဆုံး နှင့် မရှိမဖြစ် လိုအပ်သော လုပ်ငန်းဘောင်တရပ် ချမှတ်နိူင်ခဲ့တယ်လို့ ဆိုခဲ့ဖူးပါတယ်။
ဤသည်ကို ကြည့်ပါက အထက်ပါ အကြောင်းရပ် နှစ်ခုအား ကုလ နှင့် မြန်မာ အကြိတ်အနယ် ဆွေးနွေးခဲ့ပြီး ရခိုင်ပြည်နယ် ၀င်ခွင့်ရရေး အတွက် ကုလ ဖက်ကနေ လိုက်လျောခဲ့ရပုံရှိပါတယ်။
အဆိုပါ သတင်းကြောင့် ဘင်္ဂလားဒေ့ရှ် ဖက်က ဒုက္ခသည် စခန်းများ အတွင်း အကြီးအကျယ် ပေါက်ကွဲနေကြတယ်လို့ လည်း ရိုက်တာ သတင်းဌာနက ဆိုပါတယ်။
၎င်းတို့ က နိူင်ငံသား ဖြစ်ခွင့်မရပဲ မပြန်ဖူး ဆိုတဲ့ သွေးထိုး မြှောက်ပင့် စကားများကို နားယောင်ပြီး တင်းခံနေကြတဲ့ အတွက် ဘင်္ဂလားဒေ့ရှ် အစိုးရ သတ်မှတ်ထားတဲ့ ကျွန်းကို ပဲ သွားကြရဖို့ ရှိနေပါတယ်။
ဇူလိုင် (၁) ရက်နေ့မှာ ကုလ အတွင်းရေးမှုးချုပ် နဲ့ ကမ္ဘာဘဏ် ဥက္ကဌ တို့ ဘင်္ဂလားဒေ့ရှ် ကို လာရောက်ပြီး ကောက်ဘဇား အထိ သွားဖို့ ရှိနေပါတယ်။
နောက်ထပ် ဖြစ်စဉ်တခုအနေနဲ့ တရုတ် နိူင်ငံခြားရေး ၀န်ကြီး ၀မ်ယီ က နိူင်ငံတော် အတိုင်ပင်ခံရုံး ၀န်ကြီး ဦးကျော်တင့်ဆွေ နဲ့ ဘင်္ဂလားဒေ့ရှ် နိူင်ငံခြားရေးဝန်ကြီး အဘူလ် ဟာဆန် မာမွတ် တို့အား အလွတ်သဘော လ္ဘက်ရည်ကြမ်းဝိုင်း ဆွေးနွေးပွဲ ပြုလုပ်ပေးခဲ့တယ်လို့ တရုတ် နိူင်ငံထုတ် Global Time သတင်းစာမှာ ဖေါ်ပြထားပါတယ်။
တရုတ် နိူင်ငံအနေဖြင့် ဒေသအတွင်း အင်အားကြီး နိူင်ငံ ဖြစ်သည်အားလျော်စွာ တာဝန်ရှိသည့်အတွက် မိတ်ဆွေ နိူင်ငံ များ ၏ အခက်အခဲများ အား ၀င်ရောက် ဖြေရှင်းပေးလိုတယ်လို့ ဆိုပါတယ်။
ဝမ်ယီ မှ အဆိုပါ ပြဿနာ အား နှစ်နိူင်ငံအကြား ဆွေးနွေး ပြီး အဖြေရှာသင့်ကြောင်းနဲ့ နိူင်ငံတကာ အသိုက်အ၀န်းအနေဖြင့် ထွက်ပေါ်လာသော ရလာဒ်ကို အကောင်အထည် ဖေါ်ရေးအတွက်သာ ကူညီ သင့်တယ်လို့ ဆိုပါတယ်။
ဆွေးနွေးပွဲသည် ပွင့်လင်း ရင်းနှီးမှု ရှိကြောင်းသာ ဖေါ်ပြခဲ့ပြီး အချက်လေးချက် အပေါ် နားလည်မှု ရရှိခဲ့တယ်လို့ ဆိုပါတယ်။
ရခိုင် ပြည်နယ်အတွင်း အခြေအနေများ လျင်မြန်စွာ တိုးတက်လာစေရေး၊ ဒုက္ခသည်များ နေရပ်ပြန်ပို့ရေး ဦးစားပေး အဆင့် ထားရှိရန်၊ နှစ်နိူင်ငံ၏ ဆန္ဒအလျောက် ရရှိခဲ့တဲ့ နေရပ်ပြန်ပို့ရေး အစီအစဉ် များ အကောင်အထည်ဖေါ်ရေး အတွက် ခိုင်မာစွာ အကောင်အထည်ဖေါ်ရေး၊ နှင့် ဒုက္ခသည်များ နေရပ်ပြန်ပို့ရေး တွင် လိုအပ်သော အရေးပေါ် အကူအညီ များပေးရေး၊ ပြန်လည် တည်ဆောက်ရေး၊ မြန်မာ-ဘင်္ဂလားဒေ့ရှ် နယ်ခြား ဒေသ ဖွံ့ဖြိုးရေး နှင့် ဒေသခံလူထု လူနေမှု အဆင့်အတန်း တိုးတက် မြင့်မားရေး တို့တွင် တရုတ်ပြည်မှ အကူအညီ များ ပေးရေး တို့ ဖြစ်ပါတယ်။
မြန်မာ-ဘင်္ဂလားဒေ့ရှ် နယ်ခြား ဒေသမတည်ငြိမ်ပါက တရုတ် အစိုးရ ၏ စီးပွားရေး စင်္ကြန်လမ်းမကြီး အကောင်အထည်ဖေါ်ရေး နှင့် အခြား Belt and Road ပရိုဂျက်မျာူ ထိခိုက်လာမှာ ဖြစ်တယ်လို့ တရုတ် နိူင်ငံခြားရေးဝန်ကြီးဌာန ပြောခွင့်ရ ပုဂ္ဂိုလ်က ပြောခဲ့ပါတယ်။
သို့သော် တရုတ်ပြည်မှ ရခိုင်ပြည်နယ် အတွက် လူကယ်ပြန် ၀န်ကြီးဌာန သို့ ယခုထိ ပေးအပ်သော အလှုငွေသည် ဒေါ်လာ တသိန်းခွဲသာ ရှိပါသေးတယ် ခင်ဗျာ။

Credit : Hla Soewai facebook
Share it:

Article

Daw Aung San Suu Kyi

MoU

Myanmar

Political

Rakhine

UN

Post A Comment: