တရားမ၀င် ကုန်သွယ်မှုတားဆီးရန် သမ္မတ ညွှန်ကြားထား

Share it:

တရားမ၀င် ကုန်သွယ်မှုကို အထူးအဖွဲ့များ ဖွဲ့စည်းပြီး တားဆီးရန် တိုင်းနှင့်ပြည်နယ် ၀န်ကြီးချုပ်များသို့ သမ္မတဦးဝင်းမြင့်က ညွှန်ကြားထားကြောင်း ရှမ်းပြည်နယ် လျှပ်စစ်၊ စွမ်းအင်နှင့် စက်မှုဝန်ကြီး ဦးသိန်းဆွေက ပြောသည်။

‘‘လောလောဆယ် အဖွဲ့ဖွဲ့ဖို့ ၀န်ကြီးချုပ်က စီစဉ်နေတယ်။ ဘယ်သူတွေပါမယ်ဆိုတာ အသေးစိတ်မသိရသေးဘူး’’ ဟု ၎င်းကပြောသည်။

ပြည်တွင်း အသေးစား၊ အလတ်စား ထုတ်ကုန်လုပ်ငန်းများအတွက် အဓိကစိန်ခေါ်မှုဖြစ်နေသော နယ်စပ်ဒေသများမှ ၀င်ရောက်နေသည့် တရားမ၀င် စားသောက်ကုန်၊ လူသုံးကုန် ပစ္စည်းများ တားဆီးရေး ဆောင်ရွက်မည်ဖြစ်ပြီး သတင်းပေးတိုင်ကြားသူများကို ဆုအဖြစ် ဖမ်းမိပစ္စည်း၏ ၂၀ ရာခိုင်နှုန်း ပြန်လည်ပေးအပ်ရန် စီစဉ်ထားသည်။

တရားမ၀င် ကုန်သွယ်မှု တားဆီးရေးအဖွဲ့သည် တစ်နေရာတည်းတွင် ဖမ်းဆီးမည်မဟုတ်ဘဲ ရွေ့လျားစစ်ဆေးမှုများဖြင့် ရှောင်တခင်စစ်ဆေး ဖမ်းဆီးမည် ဖြစ်သည်။

တရားမ၀င် ကုန်သွယ်မှု တားဆီးရေးကို ယခင်အစိုးရ အဆက်ဆက်ကလည်း ဆောင်ရွက်ခဲ့သဖြင့် လက်ရှိအစိုးရအနေဖြင့် ထပ်မံဆောင်ရွက်မည်ဆိုပါက သိုလှောင်သိမ်းဆည်းသည့် နေရာများကို စနစ်တကျစစ်ဆေး ရှာဖွေ ဖမ်းဆီးပြီး ဒဏ်ရိုက် အခွန်ဆောင်သည့် နည်းလမ်းကို သုံးသင့်ကြောင်း မြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင် များအသင်းချုပ် ဒုဥက္ကဋ္ဌတစ်ဦးက ပြောသည်။

‘‘နယ်ခြားတွေကို လိုက်ပိတ်မယ်ဆိုရင် မလွယ်ပါဘူး။ အတော်ခက်တဲ့ အလုပ်ပါ။ စတိုတွေ၊ လက်ကားဒိုင်တွေကို ရှာစစ်နိုင်ရန် အတော်အဆင်ပြေ သွားမယ်’’ဟု အထက်ပါပုဂ္ဂိုလ်က ပြောသည်။

လက်ရှိ အစိုးရအနေဖြင့် တရားမ၀င် ကုန်သွယ်ရေး တားဆီးရန် မန္တလေး၊ မူဆယ် ကုန်သွယ်ရေး လမ်းကြောင်းတွင် ရေပူစစ်ဆေးရေးဂိတ်၊ မြ၀တီ၊ ရန်ကုန် ကုန်သွယ်ရေးလမ်းကြောင်းတွင် ညောင်ခါးရှည် စစ်ဆေးရေးဂိတ်များ ဖွင့်လှစ်၍ စစ်ဆေးဖမ်းဆီးခဲ့သည်။

သို့သော် တရားမ၀င် ကုန်သွယ်မှုများ ဆက်ရှိနေခြင်းကြောင့် ယခုကဲ့သို့ အထူးအဖွဲ့များ ဖွဲ့စည်း၍ဖမ်းဆီးမည့် အစိုးရ၏ အစီအစဉ်ကို ကြိုဆိုကြောင်း မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ် ဒုဥက္ကဋ္ဌက ဆိုသည်။

7Day News
Share it:

Article

Crime

LocalNews

Myanmar

News

Post A Comment: