သမီးသေဆုံးမှုနှင့်ပတ်သက်၍ ဆရာဝန်နှင့် ဆေးရုံတာဝန်ရှိသူများအား ဆေးကောင်စီသို့ တိုင်ကြားထားသော မိသားစုဝင်များနှင့်တွေ့ဆုံခြင်း

Share it:

‘‘ဒီဟာကို နမူနာဖြစ်ပြီးတော့ ဘယ်ဆေးရုံ၊ ဆေးခန်းပဲဖြစ်လာလာ၊ ဘယ်ဆရာဝန်ပဲဖြစ်လာလာ ကိုယ့်လူနာတွေအတွက် အသက်တစ်ချောင်းကို တန်ဖိုးထားပြီးတော့မှ ကိုယ်ချင်းစာပေးပါ’’

သမီးသေဆုံးမှုနှင့်ပတ်သက်၍ ဆရာဝန်နှင့် ဆေးရုံတာဝန်ရှိသူများအား ဆေးကောင်စီသို့ တိုင်ကြားထားသော မိသားစုဝင်များနှင့်တွေ့ဆုံခြင်း

Sulphur (ဆာလ်ဖာ)နှင့် လုံးဝမတည့်သော လူနာတစ်ဦးဖြစ်ကြောင်း ကိုယ်တိုင်မှတ်ချက်ရေးထားပါလျက် ဆာလ်ဖာရာနှုန်းပြည့်နီးပါး ပါဝင်သည့် Megatrim DS ဆေးပြားစုစုပေါင်း ၈၀ ကျော်ကို ၁၈ ရက်အတွင်း နေ့စဉ်တိုက်ကျွေးမှုကြောင့် ကလေးတစ်ဦး မိခင်(၃၆)နှစ်အရွယ် လူနာမမေဇင်နွယ်မှာ အသက်မသေသင့်ဘဲ သေဆုံးခဲ့ရသည်ဆိုကာ သမားတော်ကြီး ဦးရဲမြနှင့် ရန်ကုန်မြို့ ရွှေဂုံတိုင်အထူးကုဆေးရုံကြီး (SSC)မှ တာဝန်ရှိသူများကို ထိရောက်စွာ စစ်ဆေးအရေးယူပေးပါရန် သေဆုံးသူ လူနာ၏ဖခင် ဦးတင်မြင့်က မြန်မာနိုင်ငံဆေးကောင်စီသို့ တိုင်ကြားခဲ့သည်။

အဆိုပါဖြစ်စဉ်နှင့် ပတ်သက်၍ 7Day Daily သတင်းစာက ဆေးကောင်စီ တာဝန်ရှိသူများသို့ ဆက်သွယ်သော်လည်း အဆက်အသွယ်မရသေးပေ။ တိုင်ကြားခံရသည့် ဆရာဝန်ကြီး နှင့်ဆက်သွယ်ရာ စင်ကာပူနိုင်ငံ သို့ ရောက်ရှိနေသဖြင့် ဆရာဝန်ကြီးပြန်လည်ရောက်ရှိလာပါက ဆက်သွယ်မေးမြန်း၍ ဆက် လက်ဖော်ပြပေးမည်ဖြစ်ပါသည်။

တိုင်ကြားခံထားရသည့် ဆေးရုံအုပ်ချုပ်ရေးအဖွဲ့သို့ သွားရောက်မေးမြန်းရာတိုင်ကြားထားမှုနှင့်ပတ်သက်၍ ၎င်းတို့အနေဖြင့် တစ်စုံတစ်ရာ မှတ်ချက်မပေးလို ကြောင်း၊ ဆေးကောင်စီ၏ညွှန်ကြားချက် စောင့်ရမည်ဖြစ်ကြောင်း ပြောကြားထားသည်။

‘‘ဘယ်သူ့ကိုမှ မထိခိုက်စေလိုတာရယ်၊ Ethics ပိုင်းဆိုင်ရာအရ ပြောလို့ မဖြစ်တာတွေရယ် ကြောင့်ဆေးကောင်စီကိုသာ ဆက်သွယ်မေးမြန်းပါ’’ဟု ဆေးရုံ တာဝန်ရှိသူတစ်ဦးက ပြောသည်။

သမီးဖြစ်သူ သေဆုံးခဲ့၍ ဆရာဝန်နှင့် ဆေးရုံ တာဝန်ရှိသူများကို ဇူလိုင် ၁၀ ရက်က တိုင်ကြားထားသောမိသားစုဝင်များနှင့်တွေ့ဆုံမေးမြန်းထားမှုကို ဖော်ပြလိုက်ပါသည်။

ဆေးရုံတက်ရတာကစပြီး ရှင်းပြ ပေးပါ။ ဆေးရုံတက်နေစဉ်အ တွင်း ဘယ်သူနဲ့ကုတာလဲ၊ ဘယ် လောက်ကြာကြာကုသခဲ့ရလဲ။

နမိုးနီးယားရောဂါကြောင့် ပါ။ ပထမတစ်ကြိမ်တက်တယ်။ အဲဒီအချိန်မှာ နမိုးနီးယားလို့ မပြောသေးဘူး။ အဆုတ်အအေး ပတ်တယ်လို့ပဲ ပြောတာ။ အဲဒါပြ ပြီးတော့ မေလ ၉ ရက်လောက်မှာ ဆရာကြီးက ပထမအကြိမ်ပြန်ပြ ဆိုလို့ သွားပြတာ။ သွားပြတော့ ဆေးရုံတက်ရမယ်လို့ ပြောလိုက် တော့ မေလ ၁၀ ရက်မှာ SSC မှာပဲ တက်လိုက်တယ်။ စုစုပေါင်း ၁၈ ရက်တက်လိုက်တယ်။ တက် တက်ချင်းမှာ ဆရာကြီးပြောတာ က ဒါ နမိုးနီးယား။ သူပြောတဲ့အတိုင်း သူ့ရဲ့ကုသမှုအတိုင်း တစ်သဝေမတိမ်းလိုက်နာမယ်ဆိုရင် လုံးဝပျောက်အောင် ကုပေးမယ် ပြောတယ်။ အဲဒီအခါကျတော့ ကုတယ်ပေါ့။ တစ်ပတ်လောက်ကစပြီး အစားအသောက်စားရင် လည်း အန်ပြီ။ သွေးကြောလေး တွေ ပေါက်ထွက်သလိုဖြစ်လာ တယ်။ အရေပြားမှာ အနီစက်တွေ ထွက်လာပြီ။ ဆရာကြီးကတော့ နေ့တိုင်း Round တယ်။ ၁၈ ရက်ကာလမှာ ဘာဖြစ်လဲဆို အစားအ သောက်တွေပျက်တယ်။ ဖြည်း ဖြည်း ပထမ ဝမ်းအမာတွေ သွား တယ်။ နောက် အပျော့တွေ သွား တယ်။ ဒီကြားထဲမှာ ဘာတွေဖြစ် လဲဆိုတော့ သွေးဖြူဥက စတက် တက်ချင်းမှာ ၇ ဒသမ ၈ ရှိတယ်။ ၂၆ ရက်နေ့မှာ သွေးဖြူဥတိုင်း တော့ ဒသမ ၈အထိ ထိုးကျသွား တယ်။ ဂရန်းဟံသာဆေးရုံကို ဆရာဝန်ကြီးဦးရဲမြရဲ့ခွင့်ပြုချက်နဲ့ ၂၈ ရက်မှာ ပြောင်းရွှေ့ကုသခဲ့ တယ်။ အဲဒီဆေးရုံရောက်တော့ လည်း ဆရာဝန်ကြီးက သူထိုင်တဲ့ ဆေးရုံမဟုတ်ပေမယ့် သူ့လူနာ ဆိုတော့ လိုက်ကြည့်ပေးတယ်။ ၂၉ ရက်မှာ ဂရန်းဟံသာက ဆရာ ဝန်တွေက ဘာပြောလဲဆို ကျောက် ကပ်ကလည်း အခြေအနေမ ကောင်းတော့ဘူး။ သွေးဖြူဥက လည်း မရတော့ဘူး။ စိုးရိမ်ရတဲ့ အခြေအနေရှိတယ်လို့ ပြော တယ်။ ၃၀ ရက်နေ့မှာ တောက် လျှောက်ဆေးသွင်းတယ်။ ၃၁ ရက် နေ့ညနေ ၆ နာရီ ၅၀ မှာ သမီးဆုံးတယ်။ ကျောက်ကပ်ရောဂါနဲ့ သွေးဖြူဥတွေ လုံးဝနီးပါးကုန်ဆုံး သွားပြီး သွေးကြောတွေ ပေါက် ထွက်ယိုစီးနေတယ်လို့ ဆေးရုံက ပြောပါတယ်။

ဆာလ်ဖာနဲ့ မတည့်တာကကော ဘယ်လိုသိခဲ့လဲ။ ဆေးရုံတက် တော့ လူနာနဲ့ဆေးမတည့်မှုရှိတဲ့ အကြောင်း ဆရာဝန်ကို ပြောပြခဲ့ လား။ ဒါမှမဟုတ် ဆရာဝန်က မေးခဲ့လား။

ဘယ်လိုသိခဲ့လဲ ဆိုတော့ ဂရန်းဟံသာဆေးရုံကို ရောက်လာ တယ်။ အထူးကြပ်မတ်ကုသ ဆောင်ကို ပို့လိုက်တယ်။ အဲဒီအ ချိန်မှာ သူအန်တော့ မအန်ဘူး။ သွေးတွေဘာတွေတော့ ထွက်ချင် တယ်။ အခြေအနေက အရမ်းဆိုး နေပြီ။ ဒါပေမဲ့ သမီးက ခံနိုင်ရည် တော့ရှိတယ်။ ဂရန်းဟံသာက ဒီ လူနာမှာ မတည့်တဲ့ဆေးရှိလားဆို ပြီးမေးတယ်။ ရှိတယ်လို့ ပြန်ဖြေ လိုက်တယ်။ ဘာရှိလဲဆို ဆာလ်ဖာလို့။ အဲဒါဆိုရင် လူနာမှာ Mega-trim DS ပေးထားတယ်ဆိုပြီး ပြောတယ်။ အန်တီတို့ကလည်း ဆေးလောကက မဟုတ်တော့ နားမလည်ဘူး။ အဲဒီလိုနဲ့နေရော။ ဆုံး ပြီး တစ်ပတ်လောက်ကြာတော့ သူနဲ့ပတ်သက်တဲ့ ဆေးရုံမှတ်တမ်း တွေကို အမှိုက်ပုံးထဲ ပစ်မယ်ဆိုပြီး ပစ်ရင်းနဲ့မှ ဘာလဲဆိုပြီး Mega-trim DS ဘာပါလဲဆိုပြီး ကြည့်လိုက်တော့ နေ့တိုင်းနီးပါး တော် တော်များများပါတယ်။ အားလုံး ပေါင်း ရှစ်ကတ်၊ မေလ ၁၀ ရက်နေ့ ကနေ ၂၈ ရက်ထိ ပေးတယ်။ တခြားဆေးတွေလည်း ပေးတယ်။ ဟိုက်ဒရိုကော်တီဆုန်းလည်း ပေးထားတယ်။ အဲဒီမှာ Megatrim DS ဆိုတာ ဘာလဲဆို အမျိုးတစ်ယောက်က သူက ဆာလ်ဖာနဲ့ မတည့်ဘူး။ အိမ်မှာ သမီးဆုံးတာ လာမေးရင်းနဲ့ ပြောရင်းနဲ့မှ ဆက်စပ်မိတာ။ သူက အဲဒီဆေးမတည့် လို့ မသောက်ဘူးဆိုပြီး ပြောတယ်။ ဒီခေတ်မှာ ဆာလ်ဖာသုံးကြလို့ လား။ ဒါ Megatrim DS။ အဲဒါ ဆာလ်ဖာဟုတ်လို့လားဆိုတော့ သူက ဟုတ်တယ်ဆိုပြီး ပြောလို့ Google မှာ ရိုက်ရှာလိုက်တော့ ဆာလ်ဖာအပြည့်နီးပါးလောက် ကို Double Sulphur ဖြစ်နေတာ တွေ့တယ်။ ပုံမှန် ဆာလ်ဖာနှစ်ပြားစာ သူ့ရဲ့ အပြားတစ်ခု။ အဲဒီ တော့ ဒါ ဆရာကြီးမတော်တဆ မှားတာပဲ တွက်တာ။ ကြည့်လိုက်တဲ့အခါကျတော့မဟုတ်ဘူး။ မေလ ၁၀ ရက်ကနေ ၂၈ ရက်အထိ ဆေးရုံတက်နေတဲ့ကာလပတ်လုံး ပေး ထားတာ။ သမီးနဲ့ မတည့်ဘူး။ Sulphur Allergy ဆိုတာ ဆရာဝန်ကြီးကိုယ်တိုင် ဆော့ပင်အနီနဲ့ ရေး ထားတာ။ အဲဒီတော့ ပေးတာကမတည့်တဲ့ ဆာလ်ဖာဆေး။ ဒီဆေး နဲ့မတည့်ဘူးဆိုရင် တခြားဆေး ပြောင်းပေးရမယ်လို့ ဖော်မြူလာ ရှိပြီးသားပါ။ ၂၀၁၃ တုန်းက ပထမတုန်းကတည်းက ဆာလ်ဖာ နဲ့ မတည့်ဘူးဆိုတာ သိတယ်။ ပြောရုံတင်မဟုတ်ဘူး။ စစ်လည်း စစ်ခဲ့တယ်။

လူနာက အရင်တုန်းကကော ဆေးရုံတက်ကုသမှု ခံယူခဲ့ဖူးလား။ ရောဂါအခံတွေ ဘာတွေကောရှိလား။

နဂိုရောဂါအခံကတော့ သူ့ ဟာသူရှိမှာပေါ့လေ။ သို့သော် နမိုးနီးယားဆိုပြီး တက်တာ။ ရှိပေ မယ့် ဒီဟာကြီးဖြစ်ရမယ်ဆိုတာ ချည်းမဟုတ်ဘူးလေ။ အရင်တုန်း ကတော့ နမိုးနီးယားတွေ ဘာတွေ မဖြစ်ဖူးဘူး။ ရောဂါအခံရှိချင် ရှိ မယ်။ ဒါပေမဲ့ အခုတက်ရတာက နမိုးနီးယား။ ပေးတာက မတည့် တဲ့ ဆာလ်ဖာဆေး။ ဒီဆေးနဲ့မ တည့်ဘူးဆိုရင် တခြားဆေး ပြောင်းပေးရမယ်လို့ ဖော်မြူလာ ရှိပြီးသားပါ။

ဒီလိုအခြေအနေတွေဖြစ်လာတဲ့ အခါ ကုသပေးတဲ့ဆရာဝန်ကြီးက ဘာပြောလဲ။ သူ့ကြောင့် ဖြစ်ရတာလို့ လက်ခံလား။ အခု သူက နိုင်ငံခြားခရီးသွားနေတယ် ဆိုတော့ မသွားခင် အခြေအနေအပေါ်ကော သူဘာပြောခဲ့လဲ။

ဇွန်လ ၁၅ ရက်မှာ အန်တီ တို့ကိုယ်တိုင် SSC ကို သွားပြီးမှ တိုင်လိုက်တယ်။ ညပိုင်း ၇ နာရီခွဲ လောက်မှာ လှမ်းဆက်တယ်။ နောက်နေ့ ၁၀ နာရီမှာ တွေ့ချင် ပါတယ်ဆိုပြီး။ အဲဒါနဲ့သွားတော့ ဆေးရုံအုပ်ကြီး၊ လက်ထောက် ဆေးရုံအုပ်ကြီးဘာညာ နှစ် ယောက်၊ သုံးယောက်ပါတယ်။ သူဌေးပါတယ်။ ဦးရဲမြပါတယ်။ အဲဒီတော့ ဒီစာဖတ်ပြီးတော့ ဆရာ ကြီးက သူ့ရဲ့ကိုယ်ရေးရာဇဝင်ကို ပြောတယ်။ ကုသမှုပေးတယ်။ ဆရာကြီး ဒီမှာ ဆရာကြီးကိုယ် တိုင် မှတ်ချက်ပေးထားတယ်။ အဓိကက ဆာလ်ဖာကို မတည့်ဘူးဆိုတာကို ဘာလို့ ပေးထားလဲမေး တော့။ သူက ဘာပြောလဲဆိုတော့ ပထမက သူငြင်းတယ်။ ဒါ သူရေးထားတာမဟုတ်ဘူးပြောတယ်။ အဲဒီတော့ ဘာဖြစ်လဲဆိုတော့ ဒီမှာ ဆရာကြီးလက်ရေး၊ ဒီမှာ နှစ်နေရာဆိုပြောလိုက်တော့ သူငြင်းတာ တွေ၊ ဝန်ခံတာတွေ တစ်ခုမှ မလုပ် တော့ဘူး။ အဲဒါပြီးတော့ ဒီကိစ္စကို ပြေလည်အောင် ဖြေရှင်းပေး ပါ။ သူကတော့ ပြောတာပေါ့နော်။ ဒီနမိုးနီးယားဆိုတာ လူတစ်သန်း မှာ တစ်ယောက်ဖြစ်တယ်။ ဒီလို ပဲ ပြောကြမှာပဲ။ အဲဒီတော့ မေးပြီ။ ဒီဆေးနဲ့ပတ်သက်လို့ ဒီဆေးမ တည့်ရင် တခြားဆေးပြောင်းပေး လို့ရတယ်။ မပေးဘူးဆိုလည်း ဆရာကြီး မိသားစုခွင့်ပြုချက် တောင်းပါ။ မိသားစုနဲ့လည်း မတိုင်ပင်ဘူး။ အခုသိတာတောင်မှ စာ ရွက်တွေ ဖျက်ဆီးဖို့ ကြည့်လိုက် လို့ သိတာ။ အဲဒီအတွက် စိတ်ထိ ခိုက်တယ်။ ဆရာကြီးကို မုန်းလို့ လည်းမဟုတ်ဘူး။ လွဲမှားတယ် ထင်လို့ ဒီကိစ္စနဲ့ပတ်သက်ပြီး ဖြေ ရှင်းပေးပါ။ နောက်ဆုံးကုန်ကုန် ပြောရရင် သူက သေတဲ့သူအပြစ် ပဲလို့ ထင်တယ်။ တောင်းပန်မှု တွေ၊ ဝမ်းနည်းမှုတွေ မပြောဘဲနဲ့။ ဆေးရုံက တာဝန်ရှိတဲ့ ပုဂ္ဂိုလ်တွေ ကလည်း ဆရာကြီးတာဝန်ယူမှာ လို့ပဲ ပြောတယ်။ ဝမ်းနည်းကြောင်း တောင်မပြောဘူး။ အဲဒီတော့ ထပြန်လာတယ်။ ဒီလို ၁၈ ရက်လုံးလုံး မတည့်တာကို မိသားစုကို တိုင်ပင်ခဲ့လားမေးတော့ အဲဒါတော့ ဟုတ်တယ်။ ကျွန်တော် မတိုင်ပင်မိဘူးပြောတယ်။ ဒီဆေး နဲ့မတည့်ဘူး။ ဒီရောဂါကလည်း ဒီဆေးနဲ့ကုမှရမယ်ဆိုရင် အဆိပ် မှန်းလည်း သိနေရဲ့သားနဲ့။ မှန်မှန် ပြောရင် အဆိပ်ကို အဆိပ်နဲ့ ကုရမယ်မှန်းတော့ သိတယ်။ ဒါပေမဲ့ ကုရမယ်ဆိုလည်း မတည့်ပါဘူးဆိုတာက တကယ်သေစေနိုင်တာ လေ။

သာမန်လူတွေတောင် သိနေကြတဲ့ဟာ။ သူက တကယ့်သမား တော်ကြီးလေ။ တစ်ကြိမ်ဆို မပြောဘူး။ သူကတော့ ဆင်ခြေ ပေးတယ်။ ဆေးတိုင်းက အဆိပ် ပဲတဲ့။ မှန်တယ်လေ။ ဒါပေမဲ့ မိသားစုဆုံးဖြတ်ချက်တောင်းရ မယ်လေ။ သဘောတူလားမေးရ မယ်လေ။ ဆေးကောင်စီက ခေါ်တွေ့ယူ ထားတဲ့ အခြေအနေလေးကို လည်း ရှင်းပြပေးပါ။

ဆေးကောင်စီက နည်းနည်း လေးတော့ မေးတာပေါ့။ Mega-trim ဆိုတာသိတော့ ဘာမှ မလုပ်ဘူးလားတဲ့။ မိသားစုက အဲဒီအချိန်မှာ ပူပင်သောကတွေနဲ့ မကြည့်အားဘူး။ အခုတောင် သေပြီး တစ်ပတ်နေမှ ဒီအကြောင်းကို သိတာ။ ဆရာဝန်ကြီးက သူ့မှတ်ချက်မှာ သူသိတာတောင်မှ နေ့တိုင်းမှားနေတာ။ ဂရန်းဟံသာ တောင်မှ ရောက်ပြီး တစ်နာရီ၊ နှစ်နာရီအတွင်းမှာ ဒီဟာနဲ့မတည့်ဘူးဆိုတာ ထောက်ပြနိုင်တယ်။ ဆေးကောင်စီက ဘာပြောလဲဆို ဒီဟာကို ကိစ္စအကြီးကြီးပါ။ ကျွန်တော်တို့က ချိန်ခွင်ပါ။ တရားသဖြင့် ဒါကို မှန်မှန်ကန်ကန် စစ်ဆေးပြီးတော့ မှန်မှန်ကန်ကန်ဆုံးဖြတ်မှာပါ။ ဂရန်းဟံသာကိုလည်း တရားဝင် ဆေးမှတ်တမ်းတွေ တောင်းတယ်။ SSC ကိုလည်း တောင်းထားတယ်တဲ့။ တာဝန်ရှိ တဲ့ပုဂ္ဂိုလ်တွေကတော့ မလွဲမသွေ ခေါ်စစ်မှာပေါ့လေ။ ပြီးရင် ဦးတင် မြင့်ဆီကို အဖွဲ့ရဲ့တွေ့ရှိဆုံးဖြတ် ချက်ကို အကြောင်းပြန်ပါ့မယ်။ တကယ်လို့ ဒီစာရွက်စာတမ်းတွေ ကို သူတို့စစ်လို့ မလုံလောက်ဘူး ထင်ရင်တော့ နောက်ထပ် ဒီထက်ကြီးမားတဲ့ အဖွဲ့စစ်မယ်။ စစ်ပြီး ရင်လည်း အဖြေကို ပြန်ပြောပေး မယ်ဆိုပြီး ဒီဟာကို ပေးပါမယ်။ အင်မတန်ကောင်းတယ်။ အချိန် ကာလတော့ မပြောလိုက်ပါဘူး။ အင်မတန်ကောင်းတယ်။ ဆေး ကောင်စီရဲ့ပြောစကားအရ၊ သူတို့ မူဝါဒအရ လက်ခံပါတယ်။

ဒီဖြစ်ရပ်နဲ့ပတ်သက်ပြီး တိုင်ကြား ထားတာမျိုးကောရှိပါသလား။

ရှိပါတယ်။ နိုင်ငံတော်သမ္မ တရယ်၊ ကျန်းမာရေးဝန်ကြီးရယ်၊ ဆေးကောင်စီရယ် ဒီသုံးခုကို တိုင် ထားပါတယ်။

ထပ်ပြီး ဘယ်လိုဆက်လုပ်သွားဖို့ ရှိပါသလဲ။ မိသားစုဝင်တွေအနေနဲ့ ဖြစ်စေချင်တဲ့ဆန္ဒကို ပြောပြပေးပါ။

ဆေးကောင်စီက အကြောင်း ပြန်တာကို စောင့်မယ်။ ဆရာဝန် ကြီးကတော့ ဒီလကုန်ပြန်ရောက် မယ်ပြောတယ်။ အဲဒီအပေါ်မှာ ကြည့်ပြီးတော့ တရားစွဲတာလုပ် မယ်။ ကျေနပ်မှုမရှိဘူးဆိုရင်၊ အ များပြည်သူအတွက်လည်း ဘာမှ အကျိုးမရှိဘူးဆိုရင်၊ ထိရောက်တဲ့ ကူညီမှုမရှိဘူးဆိုရင် မီဒီယာနဲ့ ရှင်းလင်းပွဲလုပ်မယ်။ တရား လည်း စွဲမယ်။ သမားတော်ကြီးရော၊ ဆေးရုံရော နှစ်ခုစလုံးကို အရေးယူပေးပါ။ ဆေးကောင်စီရဲ့ ပြန်စာစောင့်မယ်။ အဲဒီကပြီးရင်တော့ မီဒီယာရှင်းလင်းပွဲလုပ် မယ်။ တရားစွဲမယ်။ နောင်ကိုပေါ့ နော်။ ဒီဟာကို ကြည့်ပြီးတော့ နမူနာဖြစ်ပြီးတော့ ဘယ်ဆေးရုံ ဆေးခန်းပဲဖြစ်လာလာ၊ ဘယ် ဆရာဝန်ပဲဖြစ်လာလာ ကိုယ့်လူနာတွေအတွက် အသက်တစ်ချောင်းကို တန်ဖိုးထားပြီးတော့မှ ကိုယ်ချင်းစာပေးပါ။ အခုလို လူနာတွေ မခံစားရအောင်၊ ပြီးတော့ မိသားစုခံစားချက်က အသက်တစ်ချောင်း ဆုံးရှုံးသွား တယ်။ ဘာနဲ့မှ အစားပြန်မရနိုင်တဲ့ ဆုံးရှုံးမှုဖြစ်တယ်။ နောက် သမီးမှာ ကလေးလေးတစ်ယောက်ကျန်ခဲ့ တယ်။ တာဝန်ယူစေချင်လို့၊ တာ ဝန်ယူမှုပေါ့နော်။ သူတို့ဘက်က ပြောဆိုချင်တယ်ဆိုရင် တို့ဘက် ကလည်း ဆွေးနွေးဖို့ အဆင်သင့် ရှိတယ်။ စေ့စပ်ညှိနှိုင်းဖို့ဆိုရင် လက်ခံမယ်။ အခုက ဝမ်းနည်း ကြောင်း တစ်ခွန်းမပြောဘူး။ ဆေး ရုံကလည်း ခေါင်းတညိတ်ညိတ်နဲ့ ဆရာကြီးတာဝန်ယူပါတယ်ပြော တယ်။ ဘာတာဝန်ယူပါတယ် မပြောဘူး။ ဆေးကောင်စီရောက် တော့ ဆရာဝန်ကြီး၊ ဥက္ကဋ္ဌရော၊ အတွင်းရေးမှူးရော ဘာပြောလဲ ဆို သမီးအတွက် ဝမ်းနည်းတယ် ဆိုတဲ့အကြောင်း၊ သူတို့တောင်မှ ဝမ်းနည်းကြောင်း ပြောတယ်။ SSC လုံးဝမပြောဘူး။ ဦးရဲမြလုံးဝ မပြောဘူး။ စိတ်မကောင်းပါဘူး လို့ ဒီလောက်ပဲပြောတယ်။ တာဝန်ယူမှုလည်းမရှိဘူး။ အဲဒီတော့ သူ့ကို မုန်းလို့တော့မဟုတ်ဘူး။ မိသားစုခံစားချက်လည်း အပြည့် ရှိတယ်။

ဖြည့်စွက်ပြောချင်တာရှိရင် ပြော ပေးပါဦး။

အန်တီက သမီးအနားမှာ ဆေးရုံတက်ကတည်းက အမြဲနေ တာ။ အန်တီတို့က ကောင်းတာ အကုန်လုံးလုပ်။ ပျောက်ရင် တော် ပြီ။ ဆရာဝန်ကြီးကလည်း သူပြော တာသာ အကုန်လုပ် ပျောက်စေရမယ်ဆိုပြီး ပြောတော့ အန်တီတို့ အကုန်လုပ်ပေးတယ်။ အန်တီဖြစ် စေချင်တာက ဒီဆေးအာနိသင် တွေကိုဖတ်၊ အန်တီတို့က နား လည်တာမဟုတ်ဘူး။ ယုံစားလို့ ဒီဆေးရုံကို တက်တာ။ သူတို့က ဒီလူနာတစ်ယောက်ဆုံးသွားလို့ ပိုက်ဆံမရတာတစ်ခုပဲရှိတယ်။ အန်တီတို့မှာ သမီးတစ်ယောက် လုံး ဆုံးရှုံးရတာလေ။ သမီးက မွေးချင်းသုံးယောက်ထဲမှာ အ လတ်ပါ။ အင်္ဂလန်မှာ ကျောင်း သွားတက်ပြီး ဘွဲ့ယူထားတာ။ အသက်လည်း (၃၆)နှစ်ပဲ ရှိပါ သေးတယ်။ သူဆုံးတော့ (၅)နှစ်ခွဲ အရွယ် သမီးလေးတစ်ယောက် ကျန်ခဲ့တယ်။ အန်တီ့သမီးက အားကိုးရတဲ့ သမီး။ ဆုံးရှုံးတာပါ။ သမီးက သူကောင်းသွားမယ်၊ သူ လုံးဝမသေဘူးဆိုတာ ယုံကြည် ထားတယ်။ အန်တီတို့ကလည်း လုံးဝပုံအပ်ထားတာလေ။ ဆေး နာမည်တွေကို လုံးဝမဖတ်ကြည့် မိဘူး။ အန်တီတို့က ဆရာဝန်ကြီး ကို ယုံလိုက်တာလည်း ပါတယ်။ ဒီအချိန်မှာ ဆာလ်ဖာဆိုတာ အန်တီတို့က လုံးဝမသိဘူး။ အသက်ရှူက နေ့တိုင်းကျပ်တယ်။ ဆေးရုံတက်ပြီး ၁၀ ရက်နေ့ဆို တာနဲ့ အောက်ဆီဂျင်ရှူရတယ်။ အမေ အသက်ရှူကျပ်တယ်တဲ့။ အန်တီက ဘာလို့ အသက်ရှူကျပ် ရလဲ။ ဆေးကောင်းတွေ ပေးနေတာ။ သမီးက ထမင်းလည်း ကောင်းကောင်းမစားဘူး။ ဆရာဝန်တွေက အဲဒီအချိန်မှာ သတိထားရမယ်။ ဆက်စပ်ပြီး တွေးကြည့်တာပေါ့နော်။ ဒီလိုလူနာက ဒီလိုဖြစ်တယ်ဆိုရင် အောက်ဆီဂျင်ရှူတယ်ဆိုရင် အဲကွန်းလည်း ဖွင့်ထားတယ်။ ဘာလို့ အသက်ရှူ ကျပ်ရတာလဲ။ အခုမှ ဆက်စပ် ကြည့်တော့ ဆာလ်ဖာပေးလိုက် တဲ့အတွက်ကြောင့်မို့ ဆိုးကျိုးတွေ ဖြစ်တာထင်တယ်။ အမေ အသက်ရှူရမဝဘူးတဲ့။ အရင်က သမီးက အင်တာနက်မှာ ဆေးအကြောင်း တွေကို အမြဲဖတ်တယ်။ အခုက ဆရာဝန်၊ ဆရာမတွေကို ယုံ လိုက်တဲ့အတွက် သမီးက မရှာ ဖတ်တော့ဘူး။ အအေးပတ်ပြီး အသက်ရှူကျပ်လို့ အောက်ဆီ ဂျင်လိုတယ်ပဲ ထင်တာ။ အမှန် မှန်တော့ စဉ်းစားရမယ်။ လူနာက ခြောက်ထိတောင် ပေးထားတာ အသက်ရှူမဝဘူး။ ညပိုင်းဆို ရှိတဲ့ဆရာမတွေကို သွားခေါ်ရတယ်။ သမီး အသက်ရှူကျပ်နေပြီဆိုပြီး အဲဒီတော့ သူတို့ပြန်လေ့လာရ မယ်။ သွားခေါ်တော့ လာလုပ်ပေး တယ်။ အန်တီက ဝမ်းနည်းတာက အကုန်လုပ်ပေးတယ်။ ညတိုင်းဆို သမီးက မအိပ်နိုင်ဘူး။ အသား တွေ ယားတယ်။ အဲဒါကို ကာရာ ဒိုင်းလိမ်းပေးလိုက်တဲ့ ဆရာဝန် ကြီးက။ လိမ်းခိုင်းတယ်။ ကာရာ ဒိုင်းလိမ်းတဲ့အဆင့် မရောက်ရ ဘူး။ လူနာကတောင် သိတယ်။ အမေတဲ့ သမီးက ပြောတယ်။ သွေးကြောတွေပေါက်တော့မယ် တဲ့။ သမီးဆေးမတည့်တာတစ်ခုခု ဖြစ်လိမ့်မယ်တဲ့။ အန်တီတို့က ကိုယ့်သမီး ကောင်းသထက် ကောင်းအောင် ဆရာကြီးပေးသ မျှ ဆေးတွေ အကုန်သောက် တယ်။ လူနာက အားနည်းနေ တာ။ တော်ကြာနေ သွေးစစ်လိုက် လုပ်နေတာ။ အနီစက်တွေလည်း ပေါ်လာတယ်။ ပိုးသတ်ဆေးကို နင်းကန်တိုက်တယ်။ ဒရစ်ချိတ်တယ်။ အစာက ဆန်ပြုတ်လောက်ပဲ စားရတယ်။ ဝမ်းသွားတယ်။ တစ်ခါသွားတယ်။ နှစ်ခါ၊ သုံးခါသွားတယ်။ ဆယ့်လေးငါးခါ သွားတယ်။ ဟုတ်ကဲ့ လာမယ်ဆိုပြီး လာချင်တဲ့အချိန်လာတယ်။ ဘာဆေးထိုးမှန်းလည်း မသိဘူး။ အဲဒီတော့ ကာယကံရှင်မိဘအနေနဲ့ ဘယ်လိုခံစားရလဲ တွေးကြည့် ပါ။ ဖြစ်စေချင်တာက အကုန်လုံး တာဝန်ယူသင့်တယ်။

ကျေးဇူးတင်ပါတယ်။

ယမင်း
7 Day News
Share it:

Article

Crime

Interview

Life

Lifestyle

News

Post A Comment: