လူငယ်တို့သည် မြန်မာ့အနာဂတ်လား

Share it:

“လူငယ်တို့သည် တိုင်းပြည်၏ အနာဂတ်ဖြစ်သည်” ဆိုသော စကားသည် နိုင်ငံတိုင်းလိုလိုတွင် နိုင်ငံရေးသမားတို့ ရေလဲသုံးနေကျစကားဖြစ်သဖြင့် ရိုးအီနေသော်လည်း မြန်မာပြည်တွင် တကယ်မှန်သည်။ သို့သော် မြန်မာ့ အနာဂတ်ကို လူငယ်တို့ ကောင်းမွန်အောင် ဖန်တီးနိုင်ရန် ရေခံမြေခံကောင်းရန်လိုသည်။ 

ငယ်ရွယ်သောနိုင်ငံ

လူဦးရေ ညွှန်းကိန်းများ demographics ကို ကြည့်လိုက်လျင် လူငယ်များသည် မြန်မာ့လူဦးရေတွင် အဓိက။ Myanmar Living Conditions Survey 2017 အရ မြန်မာ့လူဦးရေ၏ ၅၁ရာခိုင်နှုန်းသည် အသက်၃၀အောက်။ အသက် ၁၅နှင့်၂၉ ကြားသည် လူဦးရေ၏ လေးပုံတစ်ပုံရှိသည်။ မြန်မာနိုင်ငံသည် “ငယ်ရွယ်သောနိုင်ငံ”။ 

လူငယ်နယ်ပယ်

လူတစ်ဦးနှင့်တစ်ဦး ထွန်းပေါက်သော အချိန်မတူညီကြသော်လည်း အချို့အလုပ်အကိုင်များ၊ နယ်ပယ်များမှာမူ လူငယ်ဘ၀တွင် အောင်မြင်ရန် ပိုလွယ်သည်။ ဥပမာ ရုပ်ပြရသည့် ရုပ်ရှင်၊ ဖက်ရှင်လောက။ အားကစားလောက၊ အားကစားနှီးနွယ်သည့် ကိုယ်ကာယအလှတို့သည် လူငယ်များနှင့်သာ အဓိကသက်ဆိုင်သလို ဖြစ်သည်။ ထို့ကြောင့် မြန်မာနိုင်ငံသည် ထိုနယ်ပယ်များတွင် အောင်မြင်ရန် လူငယ်များ၏ အားလိုသည်။ ထိုနယ်ပယ်များသည် လူငယ်ထု၏ စိတ်ဓာတ်နှင့် ယဉ်ကျေးမှုတို့ကို မောင်းနှင်သည်။ ထိုနယ်ပယ်များတွင် ထင်ပေါ်သူလူငယ်များသည် လူငယ်ထု၏ အတုယူစရာ၊ အားကျစရာများဖြစ်လာတတ်ကြသည်။ ထို့ကြောင့် ထိုနယ်ပယ်များတွင် ကျင်လည်သည့် လူငယ်များ၏ အရည်အချင်းနှင့် စာရိတ္တကောင်းမွန်လျင် လူငယ်ထု၏ အရည်အချင်းနှင့် စာရိတ္တပေါ် များစွာသက်ရောက်နိုင်သည်။ 

ICT

ကမ္ဘာပေါ်တွင် Information and Communication Technology ခေါ် သတင်းအချက်အလက်နှင့် ဆက်သွယ်ရေးနည်းပညာ သည် ယခင်က နယ်ပယ်တစ်ခု သီးသန့်အဖြစ် တည်ရှိခဲ့ရာမှ ယခုအခါတွင် နယ်ပယ်တိုင်းလိုလိုသို့ ထိုးဖောက်ဝင်ရောက်နေသည်။ ICT မကျွမ်းလျင် နောင် အလုပ်လုပ်ရန်ပင် ခက်ခဲသည့်အခြေဆိုက်နေသည်။ ICT တွင်မလိုက်နိုင်လျင် မြန်မာသည် နောက်တွင် ကျန်ခဲ့တော့မည်။ ICT နယ်ပယ်တွင် ပြတ်ကျန်ခဲ့ခြင်းသည် အင်္ဂလိပ်နှင့် မြန်မာ ပထမစစ်ပွဲ မတိုင်မီ ကွာဟခဲ့ခြင်းမျိုးနှင့်တူမည်။ မြန်မာသည် ကမ္ဘာကို ICT တွင် အမီလိုက်ရန် လူငယ်တို့ကိုသာ အားကိုးရမည်။ နဂိုကပင် သဘာဝအရ လူငယ်တို့သည် သင်လွယ်တတ်လွယ်သည်၊ နည်းပညာအသစ်အဆန်းတို့နှင့် ယဉ်ပါးလွယ်သည်။ ယနေ့ခေတ်လူငယ်တို့မှာမူ smart phone နှင့် ကြီးလာကြသည့်အတွက် ICT သည် သူတို့နှင့် ယဉ်ပါးပြီးသားဖြစ်သည်။ 

စွန့်ဦးတီထွင် စီးပွားရေး

လုပ်ငန်းတစ်ခုကို သုညမှ ထောင်ပြီး စတင်ခြင်းသည် အန္တရာယ်အလွန်များသည်။ ဒဏ်ခံရသည်။ တစ်ရက်လျင် ၁၈နာရီလောက်မှ တန်ကာကျသည်။ စွန့်စားရသဖြင့် အသက်ကြီးသွားပြီး တည်ငြိမ်သောအလုပ်အကိုင်၊ မိသားစု စသည်ရှိလာလျင် စွန့်စားရန် မလွယ်တော့ပေ။ ကျဆုံးနှုန်းလည်းများသည့်အတွက် တစ်ခုကျဆုံးလျင် ချက်ချင်းပြန်ထရန်လိုသည်။ ထို့ကြောင့် စွန့်ဦးတီထွင်လုပ်ငန်းများသည် လူငယ်များနှင့် ပိုသင့်တော်သည်။ အသက်၂၅နှင့် ၄၀ကြားသည် စွန့်ဦးတီထွင်လုပ်ငန်းများ တည်ထောင်ရန် အကောင်းဆုံးအချိန်ဖြစ်သည်ဟု ဆိုကြသည်များလည်းရှိသည်။ မြန်မာ့စီးပွားရေးကို မောင်းနှင်မည့် စွန့်ဦးတီထွင် စီးပွားရေးလုပ်ငန်းများ အောင်မြင်ထွန်းကားစေရန် လူငယ်တို့ကို အားကိုးကြရမည်။ 

ခေတ်ယဉ်ကျေးမှုဖန်တီးရှင်များ

ယနေ့ခေတ်တွင် လူငယ်တို့သည် popular culture ခေါ် ခေတ်ယဉ်ကျေးမှုကို ဖန်တီးသူများ ဖြစ်လာသည်။ ယခင်က censorship ရှိသည်၊ ဆင်ဆာလူကြီးများသည် အသက်အရွယ်ကြီးသူ လူကြီးများဖြစ်သည်၊ သူတို့က ခေတ်ယဉ်ကျေးမှုကို တစ်စုံတစ်ရာ ထိန်းချုပ်နိုင်စွမ်းရှိသည်။ ယနေ့မြန်မာပြည်သည် censor ရှိသည် မဆိုနိုင်တော့။ အနည်းဆုံးအားဖြင့် online တွင် censor မရှိ။ နိုင်ငံအချို့တွင် ကြည့်ခွင့်မရှိသည့် အပြာဝက်ဘ်ဆိုဒ်များပင် မြန်မာတွင် အဟန့်အတားမရှိ။ smart phone နှင့် facebook ပေါင်းသောအခါ လူငယ်အများစု ကျင်လည်နေသည့် online သည် popular culture ကို ဖန်တီးရာနေရာဖြစ်လာပြီး ယင်းမှတစ်ဆင့် အခြားအသက်အရွယ်များဆီသို့ ပျံ့နှံ့သွားသည်။ “သက်ငယ်စကား၊ သက်ကြီးကြား” ဆိုသော ဆိုရိုးသည် online ပေါ်တွင် ပိုမှန်သည်၊ smart phone ပေါ်တွင် ပိုမှန်သည်။ ထို့ကြောင့် မြန်မာ့ခေတ်ပေါ်ယဉ်ကျေးမှုကို ဖန်တီးသူများသည် မြန်မာလူငယ်များဖြစ်ကြသည်။ 

ယခုရေးသားခဲ့သမျှကိုကြည့်လျင် မြန်မာနိုင်ငံ၏ အနာဂတ်သည် လူငယ်တို့ လက်ထဲတွင် ရှိကြောင်း ရှင်းရှင်းလင်းလင်း မြင်ရမည်။ ထပ်ပြောစရာများရှိပါသေးသည်။

အလုပ်အကိုင်

လူငယ်များတွင် စွမ်းအားများ၊ လုပ်ချင်ကိုင်ချင်စိတ်များ၊ အချိန်များပေါများသဖြင့် ထိုရင်းမြစ်များသည် ကောင်းသည့်ဘက်တွင် အသုံးမချရလျင် မကောင်းသည့်ဘက်သို့ အင်နှင့်အားနှင့် ရောက်သွားမည်။ ထိုအခါ မြန်မာသည် လူငယ်နိုင်ငံဖြစ်ခြင်း၏ ကောင်းကျိုးကို မခံစားရဘဲ ဆိုးကျိုးကို ခံစားရမည်။ အလုပ်အကိုင်အခွင့်အလမ်းများ ဖန်တီးပေးနိုင်ပါမှ လူငယ်တို့၏ အားကို မြန်မာ့လုပ်ငန်းခွင်များက ရပြီး မြန်မာ့စီးပွားရေးကို မောင်းနှင်နိုင်မည်။ လူငယ်တို့သည်လည်း လုပ်ငန်းခွင်တွင် အခြားသူများနှင့် တွဲဖက်လုပ်ကိုင်ရခြင်းဖြင့် လုပ်ငန်းကျွမ်းကျင်ရုံသာမက တာဝန်ယူမှုတာဝန်ခံမှုတို့ကို နားလည်လာမည်ဖြစ်သည်။ ယနေ့ကာလတွင် ကျေးလက်ဒေသများတွင် အလုပ်အကိုင်ရှားပါးလာသည့်အတွက် လူငယ်များသည် ထိုင်း၊ မလေးရှား စသည့်နိုင်ငံများသို့ သွားရောက်အလုပ်လုပ်နေကြရသည်။ နိုင်ငံကူးလက်မှတ်ထုတ်ပေးရေးရုံးတွင် အမြဲတမ်း စုပြုံတိုးဝှေ့နေသည့် လူတန်းကြီးများကို ကြည့်လျင် မြန်မာ့အလုပ်အကိုင်အခြေအနေကို အကဲခတ်နိုင်မည်။ 

ပညာရေး 

ပထမအရွယ် ပညာရှာ ဟူသော မြန်မာစကားရှိသည်။ မြန်မာလူငယ်တို့ကို ပညာလက်နက် ကောင်းကောင်းတပ်ဆင်ပေးနိုင်မှသာ သူတို့သည် မြန်မာပြည်ကို ဝေးဝေးသယ်နိုင်မည်။ ပညာအားကောင်းမှသာ အလုပ်ခွင်တွင်းရောက်သော လူငယ်တို့သည် အလုပ်ခွင်တွင် အစွမ်းပြနိုင်မည်။ 

တံခါးပွင့်သောခေတ်တွင် အရွယ်ရောက်လာကြသဖြင့် လူငယ်တို့သည် အသစ်အဆန်းများနှင့် အထိအတွေ့ပိုများသည်။ နိုင်ငံရပ်ခြားသွားရလွယ်သည်။ ဗဟုသုတရှာမှီးရလွယ်သည်။ လူငယ်ဘာဝ အတုမြင်အတတ်သင်မြန်သဖြင့် တတ်လွယ်သည်။ ပညာအခံနည်းလျင် မြင်မြင်သမျှ အဟုတ်မှတ်သဖြင့် လူငယ်တို့ စိတ်အခံသဘောထား လုံးဝပြောင်းလျင် မြန်မာဟုပင် မမှတ်မိနိုင်လောက်အောင် ယဉ်ကျေးမှု လုံးဝပြောင်းသွားမည်။ 

သမားရိုးကျ ပညာရေးတင်သာမက အလွတ်သဘောပညာရေးသည်လည်း လူငယ်တို့အတွက် အရေးကြီးသည်။ သတင်းမီဒီယာများနှင့် စာကြည့်တိုက်များသည် လူငယ်တို့ သတင်းအချက်အလက်များရရေး၊ ပညာရရေးတွင် တက္ကသိုလ်များ၊ ကျောင်းများကဲ့သို့ပင် အရေးကြီးသည်။ 

မူးယစ်ဆေး

မူးယစ်ဆေးသည် ယနေ့ မြန်မာလူငယ်တို့အတွက် ကြီးမားသောအန္တရာယ်ဖြစ်သည်။ ထိုဆေးသည် ဆင်းရဲချမ်းသာမဟူ လူငယ်တို့၏ လက်တစ်ကမ်းတွင် ရှိသည်ဟု မြင်နေကြားနေရသည်။ မူးယစ်ဆေးစွဲ လူငယ်တို့သာ မြန်မာ့အနာဂတ်ဆိုလျင် မြန်မာ့အနာဂတ်သည် မူးယစ်အနာဂတ်သာဖြစ်ပေလိမ့်မည်။ မူးယစ်ဆေးဝါးကို လူငယ်တို့နှင့်ဝေးဝေးသို့ ပို့ထားရုံဖြင့် အနာဂတ်မြန်မာနိုင်ငံကို လှလှပပတည်ဆောက်နိုင်မည်။ 

လူငယ်သည် မြန်မာ့အနာဂတ် ဖြစ်သည်မှာ သေချာသည်။ သို့သော် တောက်ပသော မြန်မာ့အနာဂတ်ကို ဖန်တီးနိုင်သည့် လူငယ်များဖြစ်ရန် ရေခံမြေခံကောင်း ဖန်တီးပေးရလိမ့်မည်။ 

ဇေယျသူ

Credit : The Voice Journal

Share it:

Article

Generation

Myanmar

Opinion

Political

Youth

Post A Comment: