ရုတ်ကို ရေနံနှင့်သဘာဝဓာတ်ငွေ့အကြွေး ကန်ဒေါ်လာ ၁.၄ ဘီလီယံပေးရန်ကျန် - Eureka Myanmar

ရုတ်ကို ရေနံနှင့်သဘာဝဓာတ်ငွေ့အကြွေး ကန်ဒေါ်လာ ၁.၄ ဘီလီယံပေးရန်ကျန်

Share This

ရန်ကုန်၊ဇွန်၂၉

မြန်မာနိုင်ငံမှ တရုတ်နိုင်ငံသို့ ရေနံနှင့် သဘာဝဓာတ်ငွေ့အကြွေးပေးရန် အမေရိကန်ဒေါ်လာ ၁ ဒသမ ၄ ဘီလီယံ ကျန်ရှိနေကြောင်း မြန်မာနိုင်ငံ EITI သုံးပွင့်ဆိုင် ညွန့်ပေါင်းအဖွဲ့အစိုးရ ကိုယ်စားလှယ် ဦးသန်းဌေးအောင်က ပြောကြားသည်။

မြန်မာနိုင်ငံသည် ၁၉၈၈ ခုနှစ်မှ စတင်၍ ရေနံနှင့် သဘာဝဓာတ်ငွေ့ လုပ်ငန်းအတွက် တရုတ်နိုင်ငံထံမှ အကြွေး ၁ ဒသမ ၆ ဘီလီယံကျော် ချေးယူထားပြီး အရင်းအတွက် အမေရိကန်ဒေါ်လာ၂၃၁သန်း ပြန်လည်ပေးဆပ်ထားကြောင်း ၎င်းက ဆိုသည်။

ထို့ပြင် အတိုးအတွက် အမေရိကန်ဒေါ်လာ ၄၁၈ သန်းကျော် ပေးဆပ်ထားရကြောင်း ၎င်းက ဆိုသည်။

“ကျွန်တော်တို့နိုင်ငံက Sanction ရှိနေတဲ့အတွက် တရုတ်ကနေပဲ ချေးလို့ ရတယ်။ လုပ်ငန်းလည်ပတ်နိုင်ဖို့ တရုတ်ကနေ ချေးတယ်။ ဒါကို သက်တမ်း ၃၀ ဖြစ်ပါတယ်”ဟု ၎င်းက ဆိုသည်။

မြန်မာနိုင်ငံသည် အဆိုပါချေးငွေများကို လာမည့် ၂၀၃၀ပြည့်နှစ် နောက်ဆုံးထားဆပ်ရမည်ဖြစ်ပြီး အတိုးနှုန်းမှာ အတိုး ၄ ဒသမ ၅ရာခိုင်နှုန်းဖြင့် ချေးယူခဲ့ခြင်းဖြစ်ကြောင်း ၎င်းက ဆိုသည်။

မြန်မာနိုင်ငံသည် ၁၉၈၈ခုနှစ်မှစ၍ ခေတ်အဆက်ဆက်ချေးယူခဲ့သော ပြည်ပအကြွေးစုစုပေါင်း အမေရိကန်ဒေါ်လာ ကိုးဘီလီယံကျော်ရှိပြီး ထက်ဝက်ကျော်မှာ တရုတ်နိုင်ငံသို့ ပြန်လည်ပေးဆပ်ရမည် ဖြစ်သည်။

ထို့အတူ ပြည်ပသို့ ပြန်လည်ပေးဆပ်ရမည့် အကြွေးများတွင်လည်း MOGE ၏ အကြွေးများသည် အများဆုံးဖြစ်ကြောင်း မြန်မာနိုင်ငံပွင့်လင်းမြင်သာမှုနှင့် တာဝန်ယူမှု၊တာဝန်ခံမှုဆိုင်ရာ အရပ်ဘက်မဟာမိတ်အဖွဲ့ (MATA) ဗဟိုအလုပ်အမှုဆောင် ကော်မတီဝင် ဒေါ်မိုးမိုးထွန်းက ဆိုသည်။

“MOGEက အခွန်အများဆုံးရထားတဲ့ ပြီးတော့ ပြင်ပနိုင်ငံက ချေးထားယူထားတဲ့ ငွေကလည်း ရရှိထားတဲ့ ချေးငွေရဲ့တစ်ဝက်ကျော်လောက် ရှိတယ်”ဟု ၎င်းက ဆိုသည်။

နိုင်ငံတော်ဘဏ္ဍာငွေစုစုပေါင်းတွင် မြန်မာ့ရေနံနှင့် သဘာဝဓာတ်ငွေ့လုပ်ငန်း (MOGE) ကမ်းလွန်နှင့် ကုန်းတွင်းရေနံတူးဖော်မှုလုပ်ကွက်မှ ရရှိသောဝင်ငွေသည် ထက်ဝက်နီးပါးရှိသည်။

မြန်မာနိုင်ငံသည် သဘာဝသယံဇာတအရင်းအမြစ်ထုတ်လုပ်ရေးလုပ်ငန်းများ ပွင့်လင်းမြင်သာမှုဖော်ဆောင်ရေးနှင့် တွင်းထွက်ပစ္စည်းများမှ ရရှိသည့် ငွေများကို ပွင့်လင်းမြင်သာစွာ သုံးစွဲရေးအတွက် EITI အဖွဲ့သို့ လျှောက်ထားခဲ့ရာ ၂၀၁၄ခုနှစ်တွင် EITI အဖွဲ့ဝင်လောင်း နိုင်ငံအဖြစ် လက်ခံခဲ့သည်။

Credit : The Voice

Pages