ငွေကြေးဈေးကွက် ဒေါ်လာဈေး အတက်အကျ

Share it:

မင်းဗညား ရန်ကုန်၊ 

မာနိုင်ငံ၏ ငွေကြေးဖောင်းပွမှုနှုန်း သည် အာဆီယံဒေသတွင်း နိုင်ငံ တစ်ခုချင်းအလိုက် နှိုင်းယှဉ်သည့်အခါ အမြင့်ဆုံးဖြစ်နေသည်ဟု အာရှဖွံ့ဖြိုးရေး ဘဏ် ဗြီ ၏ အစီရင်ခံစာတွင် ဖော်ပြထား သည်။ ထိုဖော်ပြချက်တွင် အာဆီယံဒေသတွင်း ၁ဝ နိုင်ငံ၏ ငွေကြေးဖောင်းဖွမှုနှုန်းသည် ပျမ်းမျှ မျဉ်းတန်း၏ ၂ ဒသမ ၅ ရာခိုင်နှုန်း ဖြစ်သည်ကို တွေ့ရသည်။

အဆိုပါ မျဉ်းတန်း၏ အထက်ဘက်တွင် အင်ဒိုနီးရှား၊ ဗီယက်နမ်၊ ဖိလစ်ပိုင်နှင့် မြန်မာ စသည့်လေးနိုင်ငံ ရောက်ရှိနေပြီး ထိုအထဲတွင် မြန်မာနိုင်ငံသည် ပျမ်းမျှမျဉ်းတန်း၏ ငါးရာခိုင် နှုန်းထက်ကို ကျော်လွန်နေကြောင်း ဖော်ပြထား သည်။ မြန်မာနိုင်ငံ၏ ဗဟိုစာရင်းအင်းအဖွဲ့မှ ထုတ်ပြန်ထားသည့် အချက်အလက်များအရမူ ယခုနှစ်မေလတွင် ပျမ်းမျှ ငွေကြေးဖောင်းပွမှု နှုန်းသည် ၄ ဒသမ ၂၉ ရာခိုင်နှုန်း ရှိခဲ့ကြောင်း ဖော်ပြထားသည်။ 

လက်ရှိအချိန်တွင် အခြေခံ ကုန်ဈေးနှုန်း အခြေအနေသည် တရိပ်ရိပ်မြင့်တက်လာမှုနှင့် အတူ ပြည်တွင်းကျပ်ငွေတန်ဖိုး ကျဆင်းလာပြီး ငွေကြေးဖောင်းပွမှုကို မြင့်တက်လာစေသည်။ နိုင်ငံတကာစံနှုန်းများအရ ငွေကြေးဖောင်းပွမှု ရာခိုင်နှုန်းသည် ရာခိုင်နှုန်း ၂ဝ ထက် ကျော် လွန်ပါက တိုင်းပြည်စီးပွားရေးအတွက် ထိခိုက် နစ်နာမှုများ ရှိနိုင်သည်ဟုဆိုသော်လည်း လက် တွေ့တွင် ခြောက်ရာခိုင်နှုန်းထက် ကျော်လွန် ပါက စီးပွားရေးထိခိုက်နစ်နာမှုများ ရှိလာနိုင် ကြောင်း စီးပွားရေးပညာရှင်များက သုံးသပ်ကြ သည်။ 

''အမေရိကန်၊ တရုတ်တို့နဲ့ ဥရောပတို့ကနေ ပြီးတော့ ထရိတ်ဝေါပေါ့၊ စီးပွားရေးစစ်သဘော မျိုး စီးပွားရေးတင်းမာမှုမျိုးတွေရှိတော့ မတည် ငြိမ်မှုလေးတွေ ရှိလာတယ်။ နိုင်ငံရေးအရရော စီးပွားရေးအရရော မတည်ငြိမ်မှုလေးတွေ ရှိ တယ်။ ကမ္ဘာမှာ ဖြစ်နေတယ်။ မြန်မာနိုင်ငံမှာလဲ ဒီလိုမျိုးအတက်အကျက ရှိတယ်။ အမေရိကန် တို့ အနောက်နိုင်ငံတို့က နည်းနည်းနှာချေလိုက် ရင် ဒီမှာက ဖျားသွားတဲ့သဘောမျိုး။ တခြား နိုင်ငံတွေလဲ ဖြစ်သင့်သလောက်တော့ဖြစ်တယ်။ အခြေခံကောင်းမရှိတော့ မြန်မာနိုင်ငံက ပိုဖြစ် တယ်။ ပိုဖြစ်တဲ့အပြင် ကြည့်ရတာ ဝယ်လိုအား နဲ့ရောင်းလိုအားမှာ မမျှတာလေးတွေရှိတယ်''ဟု စီးပွားရေးလုပ်ငန်းရှင်တစ်ဦးဖြစ်သည့် ဦး မောင်မောင်က သုံးသပ်ပြသည်။

ငွေကြေးဖောင်းဖွမှုအခြေအနေကို နည်း မျိုးစုံဖြင့် တိုင်းတာဖော်ပြလေ့ရှိကြသော်လည်း မြန်မာနိုင်ငံ၏ ငွေကြေးဖောင်းပွမှု အခြေအနေ သည် နေ့စဉ်မြင့်တက်နေဆဲဖြစ်သည့် အခြေခံ ကုန်ဈေးနှုန်းများက သက်သေပြလျက်ရှိနေသည်။

ထို့အပြင် ပြည်တွင်း၌ ကုန်စည်များတင် သွင်းမှုနှင့် တင်ပို့မှု အခြေအနေသည် မျှတမှု မရှိသည့် အခြေအနေများ၊ စီးပွားရေးလုပ်ငန်း ရှင်များအကြား နိုင်ငံခြားငွေကြေး ဈေးကွက် ကစားမှုများ စသည့် အခြေအနေများကြောင့် ပြည်တွင်းရှိ ငွေကြေးတန်ဖိုးလည်း ကျဆင်းခဲ့ ရပြန်သည်။ 

သမ္မတဟောင်း ဦးသိန်းစိန် အစိုးရလက် ထက် ၂ဝ၁၃-၂ဝ၁၄ ဘဏ္ဍာရေးနှစ်အတွင်း ငွေ ကြေးဖောင်းပွမှုသည် ၆ ဒသမ ၃ ရာခိုင်နှုန်းရှိခဲ့ သည်။ ထို့နောက် ၂ဝ၁၅ ရွေးကောက်ပွဲကာလ ၂ဝ၁၅-၂ဝ၁၆ ဘဏ္ဍာရေးနှစ်အတွင်း ၉ ဒသမ ၉၉ ရာခိုင်နှုန်းအထိ မြင့်တက်ခဲ့သည်။ 

ယခု အစိုးရသက်တမ်း ၂ဝ၁၆-၂ဝ၁၇ ဘဏ္ဍာနှစ်တွင် ငွေကြေးဖောင်းပွမှု ၆ ဒသမ ၈၁ ရာခိုင်နှုန်းရှိခဲ့ရာမှ ၂ဝ၁၇-၂ဝ၁၈ ဘဏ္ဍာ ရေးနှစ်တွင် ၄ ဒသမ ၆၁ ရာခိုင်နှုန်းသို့ ကျ ဆင်းခဲ့ကြောင်း ဗဟိုဘဏ်ဥက္ကဋ္ဌ ဦးကျော်ကျော် မောင်က အစိုးရ၏ ဒုတိယတစ်နှစ်တာကာလ အတွင်း ဗဟိုဘဏ်၏ ဆောင်ရွက်မှုများနှင့်ပတ် သက်သည့် အစီရင်ခံစာတွင် ဖော်ပြထားသည်။ 

''လက်ထဲမှာ ကိုယ့်ငွေကြေးတန်ဖိုးကျသွား တဲ့ဟာကို ဟောခနဲ ခိုင်မာတဲ့ငွေကြေး ဒေါ် လာကို မသွင်းနိုင်တော့တဲ့အခါကျတော့ ချေး ရတော့မယ်လေ။ ချေးသင့် မချေးသင့်ကိုတော့ အစိုးရက စဉ်းစားရတော့မယ်လေ။ ကမ္ဘာမှာ အတိုးနှုန်း သက်သက်သာသာနဲ့ ချေးချင်တဲ့ အင်စတီကျူးရှင်းတွေ ရှိတယ်။ ဒါပေမဲ့ မြန်မာ နိုင်ငံရဲ့အစဉ်အလာအရ သိပ်ပြီးတော့မကောင်း တဲ့အတွက် ချေးဖို့ရာက စနှောင့်စနှေးဖြစ်နေ တယ်။ ဆိုလိုတာက မြန်မာနိုင်ငံက အတိုးနှုန်း တွေကို မှန်မှန်ပေးတယ်။ မြန်မြန်ပေးတယ်။ အတိုးအရင်း မှန်မှန်ပြန်ဆပ်တယ်ဆိုရင် သက် သက်သာသာနဲ့ ချေးချင်တဲ့ နိုင်ငံတွေရှိတယ်''ဟု စီးပွားရေးပညာရှင်တစ်ဦးဖြစ်သည့် ဦးလှ မောင်က သုံးသပ်ပြောဆိုထားသည်။ 

ငွေကြေးဖောင်းပွမှု ဖြစ်ပေါ်စေသည့် အကြောင်းအရင်းများစွာရှိပြီး ထိုအထဲတွင် စီး ပွားရေးတိုးတက်မှုနှုန်း (ွီဏါမသတအ့ မအေန)မြင့်တက်ခြင်းကလည်း ငွေကြေးဖောင်းပွမှုကို ဖြစ်ပေါ်စေနိုင်သည့် အချက်ထဲမှ တစ်ခုဖြစ် ကြောင်း အပြည်ပြည်ဆိုင်ရာ ငွေကြေးရန်ပုံငွေ အဖွဲ့(ှုငြ်္)မှ နိုင်ငံတကာပညာရှင်များက ပြော ဆိုထားပြန်သည်။ 

ထို့အပြင် ဘဏ်ြေ<ွကးနှုန်း မြင့်တက်မှု၊ ဘတ်ဂျက်လိုငွေ ဖြည့်ဆည်းမှု၊ ဘတ်ဂျက်လိုငွေ ပြမှု စသည့် အချက်များစွာကလည်း ပါဝင်နေ သေးသည်။ တိုးတက်ပြီးနိုင်ငံအများစုတွင် ငွေ ကြေးဖောင်းပွမှုဒဏ်ကို ကာကွယ်ရန်အတွက် ငွေကြေးဆိုင်ရာ ဘဏ္ဍာရေးမူဝါဒများ ချမှတ် ၍ ဆောင်ရွက်လျက်ရှိကြသည်။ သို့သော် ဖွံ့ ဖြိုးဆဲနိုင်ငံစာရင်းတွင် အပါအဝင်ဖြစ်သည့် မြန် မာနိုင်ငံအနေဖြင့် စီးပွားရေးလုပ်ငန်းများဆောင် ရွက်ရန်အတွက် အရင်းအနှီးငွေကြေး၊ ရင်းနှီး မြှုပ်နှံမှုလုပ်ငန်းများကလည်း လိုအပ်ချက်အဖြစ် စိန်ခေါ်လျက် ရှိနေသေးသည်။ 

ဒေါ်လာဈေး အတက်အကျ

ယခုရက်သတ္တပတ်အတွင်း မြန်မာနိုင်ငံရှိ နိုင်ငံခြားငွေ လဲလှယ်မှုဈေးကွက်သည် အမြင့် ဘက်သို့ ရောက်ရှိခဲ့သည်။ တစ်နည်းအားဖြင့် နိုင်ငံခြားငွေဈေးကွက်အတွင်းရှိ ဒေါ်လာဈေး ကွက် ဝယ်လိုအားနှင့် ရောင်းလိုအား မျှတမှု မရှိခြင်းဟု ဆိုရမည်ဖြစ်သည်။ 

''ဒေါ်လာဈေး တက်တယ်ဆိုရင် ပြည်ပပို့ ကုန်ကနေပြီးတော့ ဒေါ်လာတွေရထားတဲ့လူ တွေက ဈေးတင်ပြီးရောင်းတယ်။ ပြီးတော့ နိုင်ငံ ခြားကို ကုန်ပစ္စည်း သွင်းကုန်လုပ်မယ့်လူတွေ ကလဲ အကောင့်ထရန်စဖာဆိုပြီး ဘဏ်တွေက ငွေစာရင်းနဲ့ ဒေါ်လာစာရင်းကို ပြောင်းပြီးဝယ် ရင် ဈေးတော်တော်ကြီးတယ်။ အဲဒါတွေဝယ်ကြ ဆိုတော့ ရောင်းတဲ့သူက ရောင်းတယ်။ ဝယ်တဲ့ လူကဝယ် ဖြစ်ကြတယ်။ ဒီမှာက ဒေါ်လာက ရင်းနှီးမြှုပ်နှံခွင့်ရတဲ့ ပစ္စည်းကြီးတစ်ခုလိုဖြစ်ပြီး ပြဿနာဖြစ်တာပဲ''ဟု စီးပွားရေးပညာရှင်တစ်ဦး ဖြစ်သည့် ဦးလှမောင်က သုံးသပ်ပြောဆိုသည်။ 

ဒေါ်လာဈေးကွက်သည် နှစ်နှစ်တာကာလ အတွင်း အမြင့်ဆုံးအခြေအနေ ဖြစ်ခဲ့သည်။ နိုင်ငံခြားငွေ စီးဆင်းမှုသည် ဇွန်လနောက်ဆုံး ပတ်အတွင်း တစ်ဒေါ်လာလျှင် ကျပ် ၁၃၇ဝ ဝန်းကျင်ရှိရာမှ ရက်ပိုင်းအတွင်း ကျပ် ၁၄ဝ၈ ခန့်အထိ မြင့်တက်လာခဲ့သည်။ ထို့အတူ ယူရို ငွေကြေးသည်လည်း ၁၆၄ဝ နီးပါးခန့်အထိ ပြန် လည်ရောက်ရှိခဲ့သည်။

ပြီးခဲ့သည့် ဇွန်လအတွင်းက အမေရိကန် နှင့် တရုတ်နိုင်ငံတို့၏ စီးပွားရေးဆိုင်ရာ အခွန် ဂယက်များကြောင့် ကမ္ဘာ့နိုင်ငံများတွင် ဒေါ် လာဈေးနှုန်း မြင့်တက်ခဲ့ခြင်းဖြစ်သည်။ ထိုအခြေ အနေကြောင့် တရုတ်ငွေကြေး၊ ကနေဒီယံ ဒေါ်လာ၊ ရူပီး၊ အီးယူနိုင်ငံများရှိ ယူရိုငွေကြေး များ ကျဆင်းခဲ့ခြင်းဖြစ်ပြီး အခြားတစ်ဖက်တွင် ဒေါ်လာဈေးနှုန်းသည် အမြင့်ဆုံးအခြေအနေ သို့ ရောက်ရှိခဲ့ခြင်းဖြစ်သည်။ 

ထိုအခြေအနေတွင် မြန်မာကျပ်ငွေတန် ဖိုးသည် ဆက်တိုက်ကျဆင်းခဲ့ပြီး ပြည်တွင်းဈေး ကွက်၌ နိုင်ငံခြား ငွေလဲလှယ်နှုန်းထားသည် အမြင့်ဆုံး အခြေအနေသို့ ရောက်ရှိခဲ့ခြင်းဖြစ် သည်။ နိုင်ငံတကာဈေးကွက်တွင်လည်း ငွေ ကြေးတန်ဖိုး ကျဆင်းမှုများရှိခဲ့ပြီး ဇူလိုင်၂ရက် သတင်းအချက်အလက်များအရ ကမ္ဘာ့နိုင်ငံများ ရှိ ငွေကြေးဈေးကွက်သည် ပြန်လည်တည်ငြိမ် ခဲ့သည်။ သို့သော် ကမ္ဘာ့ငွေကြေးများ ပြန်လည် ကျဆင်းချိန်တွင် မြန်မာနိုင်ငံအနေဖြင့် သိသာ သည့် နှုန်းထားတစ်ခုသို့ ပြန်လည်ကျဆင်းခြင်း မရှိသေးပေ။

ပြည်တွင်း၌ ဒေါ်လာဈေး အတက်အကျ ဖြစ်ပေါ်ရသည့်အခြေအနေတွင် ပို့ကုန်လုပ်ငန်း အတွင်း ပြည်ပနိုင်ငံများတွင် ဘဏ်အကောင့် များဖွင့်ကာ လုပ်ကိုင်နေမှုများရှိခြင်း၊ ဒေါ်လာ ဈေးကွက်အတွင်း ရောင်းလိုအားနှင့် ဝယ်လို အား မျှတမှုမရှိခြင်း၊ ကျပ်ငွေတန်ဖိုး ကျဆင်း ခြင်းအပြင် ရက်ပိုင်းအတွင်းက ပြုလုပ်ခဲ့သည့် ကျောက်မျက်ရတနာ ဈေးကွက်အခြေအနေ စသည်တို့နှင့် ဆက်စပ်လျက်ရှိကြောင်း ငွေကြေး ဈေးကွက် လေ့လာသူအချို့က ထောက်ပြကြ သည်။ 

''ဥပမာ ပဲတစ်တန်ကို ငါးရာရတယ်။ လေး ရာပဲ ရတယ်ဆိုပြီး ပြောတယ်။ တစ်ရာကို ဟိုက ဘဏ်မှာ ထားလိုက်တယ်။ တန်တစ်သောင်းဆို အများကြီးဖြစ်သွားတာပေါ့။ ဘာလုပ်လဲဆိုတော့ ဒီမှာ ကားဝယ်တဲ့လူတွေ ကားပစ္စည်းဝယ်တဲ့ လူတွေ စက်ရုံပစ္စည်းဝယ်တဲ့လူတွေက နိုင်ငံခြား ငွေ လိုတယ်လေ။ လိုတဲ့ဒေါ်လာတွေကို ဈေး ကောင်းကောင်းယူပြီး ရောင်းတယ်''ဟု စီးပွား ရေးလုပ်ငန်းရှင်တစ်ဦးက ထောက်ပြသည်။

ထိုအခြေအနေသည် စီးပွားရေးလုပ်ကိုင် သူများအကြား အခက်အခဲ ဖြစ်ပေါ်ခဲ့ရကြောင်း လုပ်ငန်းရှင်အချို့က ဆိုပါသည်။ ပြည်တွင်းဈေး ကွက်တွင် ကာလအတန်ကြာ တည်ငြိမ်ခဲ့သည့် ငွေကြေးဈေးကွက်သည် ၂ဝ၁၇-၂ဝ၁၈ ဘဏ္ဍာ ရေးနှစ် မတ်လဆန်း နောက်ပိုင်းကာလထက် အမြင့်ဆုံးအခြေအနေကို ရောက်ရှိခဲ့ခြင်းဖြစ် သည်။ ထိုအခြေအနေထက် ဆက်လက်မြင့်တက် မည်လား ဆိုသည်ကိုတော့ စောင့်ကြည့်ရဦးမည် ဖြစ်သည်။ 

ပြည်တွင်းရှိ ငွေကြေးဖောင်းပွမှုဒဏ်ကို ဒီချုပ်အစိုးရက ထိန်းသိမ်းလာနိုင်သည်ဆိုသည့် ပြောဆိုမှုများ ထွက်ပေါ်နေချိန်တွင် ရုတ်တရက် မြင့်တက်လာခြင်းသည် ဈေးကွက်အတွင်း ဈေး ကစားသူများကြောင့်ဖြစ်ကြောင်း ပြောဆိုကြ သည်။

''အခြားနိုင်ငံတွေမှာ အမေရိကန်ဒေါ်လာ နဲ့ ဝယ်လို့မရဘူး။ ဆိုင်ရာငွေကြေးတွေကို လဲ လှယ်ရတယ်။ လဲပြီးမှ ဝယ်ရတာ။ မြန်မာနိုင်ငံ မှာက ဘုရားပေါ်တက်တာတောင်မှ ဒေါ်လာနဲ့ သွားသတ်မှတ်နေတော့ ဒေါ်လာလိုအပ်ချက် တွေကများပြီး ဒေါ်လာလဲ ဈေးကစားလို့ကောင်း တာပေါ့။ အဲဒါကိုက အလွန်မှားယွင်းတဲ့ကိစ္စကြီး တစ်ခုပဲ''ဟု စီးပွားရေးပညာရှင် ဦးလှမောင်က ပြောသည်။ 

ထို့အတူ စီးပွားရေးပညာရှင်တစ်ဦးလည်း ဖြစ်သလို စီးပွားရေးဆိုင်ရာဆောင်းပါးများ ရေး သားနေသည့် စာရေးဆရာ တစ်ဦးကလည်း ''အမှန် အစိုးရက ဒါမှမဟုတ် စီမံကိန်းနဲ့ဘဏ္ဍာ ရေးဝန်ကြီးဌာနတို့ကနေပြီးတော့ ဒီဖောင်းပွနေ တဲ့ငွေတွေ နည်းအောင်လို့ စပြီးတော့ကိုင်တွယ် သင့်ပြီ။ ငွေတွေကို ဘဏ်တွေထဲဝင်အောင်၊ ဝယ် ချင်အောင် စည်းရုံးသွေးဆောင်ရမယ့် အချိန် တော့ ရောက်နေပြီ။ ငွေကြေးဈေးကွက်ကို စပြီး ကစားဖို့ လိုအပ်ပါတယ်''ဟု အကြံပြု ပြောဆို သည်။ 

မြန်မာနိုင်ငံ၏ စီးပွားရေးတိုးတက်မှုအခြေ အနေများကို မြင့်တက်လာမည်ဟု ကိန်းဂဏန်း ညွှန်းကိန်းများအရ မည်သို့ပင် ပြောဆိုနေစေ ကာမူ လက်တွေ့မြေပြင်အခြေအနေနှင့် ကိုက် ညီမှုရှိစေရန်အတွက် ဆောင်ရွက်ရပေဦးမည် ဖြစ်သည်။ ထို့အပြင် လုပ်ငန်းများ အမှန်တကယ် လည်ပတ်ဆောင်ရွက်ရမည့် အခန်းကဏ္ဍများ ကလည်း အရေးကြီးစွာ ရှိနေပေသေးသည်။ အစိုးရအနေဖြင့် ပြည်တွင်းစီးပွားရေး အခြေ အနေနှင့်ပတ်သက်၍ ထိရောက်သည့် ကိုင် တွယ်ဆောင်ရွက်မှုများဖြင့် ဆောင်ရွက်မှသာ လျှင် တိုင်းပြည်၏ စီးပွားရေးအခြေအနေမယိုင် နဲ့သွားမည် ဖြစ်ပေသည်။         

Credit : Yangon Times Journal 

Share it:

Article

Business

Dollar

Kyats

Myanmar

Post A Comment: