တမင်များ သွေးခွဲနေကြသလား


M ဘွယ်

 ဇူလိုင် ၁၈ ရက်၊ ၁၉ ဇူလိုင် အာဇာနည်နေ့ရောက်ဖို့ တစ်ရက်အလို။ တစ်နေကုန်လို့ နောက်တစ်နေ့ဆို အာဇာနည်နေ့ရောက်မှာမို့ ဇူလိုင် ၁၈ ရက် နေ့ကတည်းက အာဇာနည်နေ့အတွက် လူတိုင်းလူတိုင်း ပြင်ရ၊ ဆင်ရနဲ့ ရပ်ကွက်လူကြီးကအစ ကလေးငယ်တွေအဆုံး အလုပ်ကိုရှုပ်လို့။ ဘာလို့ဆို ကျုပ်တို့ရဲ့ လွပ်လပ်ရေးဖခင်ကြီး ဗိုလ်ချုပ်အောင်ဆန်းအပါအဝင် အာဇာနည်ခေါင်းဆောင်ကြီးတွေ သွေးအိုင်ထဲအသက် ပျောက်ခဲ့ရတဲ့နေ့ကိုး။ ဝမ်းနည်းခြင်းအထိမ်းအမှတ်အဖြစ် အဲဒီနေ့ကို တတ်အားသရွေ့ သူသူငါငါဂုဏ်ပြုချင်ကြတာကိုး။ ဒီတော့လည်း ကိုယ်စီအလုပ်ရှုပ်ကြရတာပေါ့။ ဝမ်းနည်းခြင်း အထိမ်းအမှတ်အဖြစ် ဥသြသံဆွဲ။ လွမ်းသူ့ပန်းခွေချခဲ့ကြတာလည်း အခုအကြိမ်နဲ့ဆို (၇၁) ကြိမ်တိုင်ခဲ့ပြီ။ အရင်ကဆို တစ်ဖက်ပိတ်ဝါဒမို့ ဝမ်းနည်းခြင်းအထိမ်းအမှတ်အနေနဲ့ ဂုဏ်ပြုချင်ပေမယ့် လုပ်ချင်တိုင်းလုပ်ခွင့်မရခဲ့ဘူး။ ဒေါ်အောင်ဆန်းစုကြည်တောင် ဒီနှစ်ကျမှ အသေအချာထိုင်ကန်တော့ခွင့်ရတယ်။

အရင်ကဆို ဒီနေ့၊ ဒီအချိန်၊ ဒီလိုနေ့မျိုးမှာ မတ်တတ်ရပ်ရင်းသာ ဂုဏ်ပြုအသိအမှတ်ပြုခဲ့ရတယ်။ အခုတော့ စိတ်ကြိုက်ဆိုပါတော့။ စိတ်ကြိုက်မှ တကယ့်စပယ်ရှယ် စိတ်ကြိုက်လုပ်ကြတာပါ။ စိတ်ကြိုက်ဆိုလို့ ဒီနေရာမှာ အနေအထားချင်းတော့ မတူဘူးပေါ့ လေ။ ဟိုးအဆင့်မြင့်ပုဂ္ဂိုလ်တွေ ဘယ်လိုကြိုတင်ပြင် ဆင်ကြတယ်ဆိုတာ ကျုပ်မသိဘူး။ ကျုပ်တို့ရပ်ကွက် အောက်ခြေလူနေမှု အသိုင်းအဝိုင်းမှာတော့ အထူးစပယ်ရှယ် စိတ်ကြိုက်လုပ်ကြတာပါ။



ဒီနှစ် ၁၉ ဇူလိုင် အာဇာနည်နေ့က ကြာသပတေး နေ့ဖြစ်တယ်။ ဒီတော့ အာဇာနည်နေ့အတွက် တစ်ရက်၊ နှစ်ရက်အလိုလောက်ကတည်းက ဆရာ၊ ဆရာမ တွေနဲ့ ကျောင်းသား၊ ကျောင်းသူတွေ တီးလုံးတိုက်ကြ ရတာပေါ့။ ဒါကလည်း မြို့နယ်တိုင်း၊ မြို့နယ်တိုင်း၊ ရပ်ကွက်တိုင်း၊ ရပ်ကွက်တိုင်းမှာ လုပ်ကြရတာ။ ရဲတပ်ဖွဲ့ဝင်ဆိုလည်း ရဲတပ်ဖွဲ့ဝင်အလျောက်၊ မီးသတ်တပ်ဖွဲ့ဆိုလည်း မီးသတ်တပ်ဖွဲ့အလျောက်၊ ကြက်ခြေနီဆိုလည်း ကြက်ခြေနီအလျောက် အားလုံးအဆင်ပြေ ချောမွေ့နေအောင် ဇာတ်တိုက်၊ တီးလုံးတိုက်ကြရတယ်။ ဟုတ်ပြီ။ အာဇာနည်နေ့အတွက် အားလုံးအိုကေ ပြီ။ မြို့နယ်အလိုက် ရပ်ကွက်တွေမှာ ဒီလိုနေ့ထူးနေ့ မြတ်အတွက် အဆင်ပြေလွယ်ကူမယ့် လမ်းမတွေထက် အဆင်ပြေသလိုလုပ်ကြတာပေါ့။ ကျုပ်တို့ ဆင်ခြေဖုံး ရပ်ကွက်တွေမှာတော့ များသောအားဖြင့် ရပ်ကွက် တွင်းမှာရှိတဲ့ ဘောလုံးကွင်းကို အဓိကပစ်မှတ်ထားလုပ်ကြတယ်။ ရွေးချယ်လုပ်ကြတယ်။ ဇူလိုင် ၁၈ ရက်နေ့ ကတည်းက ဘောလုံးကွင်းမှာ စင်တွေဆောက်၊ လော် တွေတပ်၊ ဘောက်တွေဆင်ပေါ့။ အဲဒီကနေ ဟဲလိုး တက်စတင်၊ ဟဲလိုတက်စတင်နဲ့ စလိုက်တာ ဗိုလ်ချုပ် မိန့်ခွန်း၊ ဗိုလ်ချုပ်သီချင်း၊ ဗိုလ်ချုပ်နဲ့သက်ဆိုင်တဲ့ အရာအားလုံးကို မိုင်ကုန်ဖွင့်တော့တာပဲ။ သူတို့လုပ်တာက ဗိုလ်ချုပ်ကို သတိရစေချင်လို့။ အာဇာနည်နေ့ကို မမေ့စေချင်လို့ဆိုတာ အားလုံးနားလည်ကြပါတယ်။


ဒီလိုနဲ့ ဖွင့်ထားလိုက်တာ တစ်နေကုန်လို့ ညနေ မိုးချုပ်တဲ့အထိ။ ညဘက်ရောက်လေ အသံကပိုကျယ်လာတယ်။ ဒါကလည်း သူတို့က ပုံမှန်ဖွင့်ထားတာ။ ညဘက်ဆိုတော့ အသံကပိုကျယ်လာသလို ဖြစ်လာခဲ့တာ။ ပြောချင်တာက အိမ်တိုင်း၊ အိမ်တိုင်းမှာ သက်ကြီးရွယ်အိုဘိုးဘွားတွေနဲ့ ကလေးငယ်ငယ်လေးတွေ ရှိကြတယ်။ ဒီလိုအသံနဲ့ တစ်နေကုန်အောင် ဖွင့်ထား တော့ အဘိုးအဘွားတွေခမျာ ဗိုလ်ချုပ်ကိုချစ်ပေမယ့်၊ ဂုဏ်ပြုချင်ပေမယ့်လည်း နားမုဒိမ်းကျင့်သလိုဖြစ်လာ ရော။ ပုံမှန်ဆိုရင် ဘယ်လောက်လွမ်းလို့ ကောင်းလိုက် လေမလဲ။ အခုက ပုံမှန်ထက်ကိုပိုတာ။ ကလေးငယ်ငယ်လေးတွေလည်း လော်သံ၊ ဘောက်သံတွေကြောင့် တညည်းညည်း။ ကလေးငယ်တွေခမျာ ဘာမှသိရှာတာမဟုတ်ဘူး။ အချိန်မှန်အိပ်မယ်။ ဒီလောက်ပဲ။ ဒီတော့ ကလေးမိဘတွေ၊ သက်ကြီးဘိုးဘွားတွေခမျာ စိတ်ကူးနဲ့ထပ်တူမကျဘဲ ဗိုလ်ချုပ်ကိုတောင် အမျက် ဖြစ်လာခဲ့ရတယ်။ အမှန်တော့ ဒီပြဿနာက ဗိုလ်ချုပ်နဲ့ လုံးဝသက်ဆိုင်တာမဟုတ်ဘူး။



ဗိုလ်ချုပ်ကိုယ်တိုင်လည်း သိနိုင်တော့တာမဟုတ်ဘူး။ ကျုပ်တို့တွေက ဗိုလ်ချုပ်ကိုမုန်းလို့ အခုလိုအမျက်ဖြစ်တာမဟုတ်ဘူး။ နောက်မျိုးဆက်တွေရဲ့ လောကဝတ် လွဲချော်မှုတွေ ကြောင့်သာ ဒီလိုစိတ်တထင့်ထင်နဲ့ မချင့်မရဲဖြစ်လာတာ။ ဒါကလည်း တစ်နှစ်မှာတစ်ရက်တည်းမို့ နားလည်ပေးလိုက်လို့ရပါတယ်။ ဒါပေမဲ့ ကျုပ်တစ်ယောက်တည်းနဲ့ပြီးတဲ့ကိစ္စမဟုတ်လေတော့ အခုလိုရေးဖို့ဖြစ်လာခဲ့တာ။ ပြောချင်တာက အတန်သာကောင်းပါတယ်။ လိုတာထက်ချဲ့ကားလိုက်ရင် နောက်ဆုံးမှာ ဗိုလ်ချုပ်ကိုတောင် အထင်အမြင်လွဲ မုန်းသွားနိုင်တယ်။ မြင်ကွင်းတစ်ခုကို ကြည့်မယ်။ တစ်ဖက်မှာတော့ ဗိုလ်ချုပ်အတွက် လွမ်းလွမ်းဆွေးဆွေး ဂုဏ်ပြုကြတယ်ဆို ပေမယ့် ဆောင်းဘောက်သံ၊ လော်သံတွေကို အသားကုန်ဖွင့်၊ မျက်နှာမှာ အပြုံးပန်းတွေဆင်လုိ့။ တစ်ဖက်မှာတော့ ဗိုလ်ချုပ်ကိုချစ်ပေမယ့် အံတကြိတ်ကြိတ်၊ ဒေါသသံနှောတဲ့ သက်ပြင်းချသံတွေနဲ့။ ကျုပ်တွေးမိတယ်။ ဗိုလ်ချုပ်ကိုမုန်းအောင် တမင်များ သွေးခွဲနေ ကြသလားဆိုတာ။


ပြောစရာတွေကတော့ အများကြီး။ ဇူလိုင် ၁၉ ရက်နေ့နံနက်။ ရပ်ကွက်ဘောလုံးကွင်းမှာ သက်ဆိုင်ရာကျောင်းတွေက ကျောင်းသားတွေ၊ ဆရာ၊ ဆရာမ တွေ၊ မီးသတ်တပ်ဖွဲ့ဝင်တွေ၊ ရဲဝန်ထမ်းတွေ၊ ပါတီကိုယ်စားလှယ်တွေအပြည့်။ တီးလုံးတိုက်ထားကြ တော့ အားလုံးအဆင်ပြေချောမွေ့လို့။ လွမ်းသူ့ပန်း ခွေတွေချတာ တစ်ယောက်ပြီးတစ်ယောက်။ ရပ်ကွက် ဘောလုံးကွင်းမှာ လွမ်းသူ့ပန်းခွေချတာ။ အယူသီးတာ တော့မဟုတ်ပါဘူး။ ဒီလို လွမ်းသူ့ပန်းခွေချချင်၊ လုပ်ချင်ရင် အာဇာနည်ကုန်းကို လိပ်မူပြီးတော့ ပို့လို့ရတာပဲ။ ဒီမြို့နယ်၊ ဒီရပ်ကွက်သားတွေထံမှ ပေးအပ်တဲ့ လွမ်းသူ့ပန်းခွေဆိုပြီးတော့လေ။ အခုက ရပ်ကွက်ဘောလုံးကွင်းထဲမှာ လွမ်းသူ့ပန်းခွေချနေကြတာ။ ရန်ကုန်ဆိုတာ တိုင်းရင်းသားပေါင်းစုံ နေထိုင်ကြတာ။ အမြင်တူသူရှိမယ်။ မတူသူရှိမယ်။ ကိုယ်လုပ်ချင်တာလုပ် လိုက်ရတာ ကောင်းပါတယ်။ ဒါပေမဲ့ ပတ်ဝန်းကျင်ကိုလည်း တစ်ချက်ကြည့်ရဦးမယ်။ ဒါကလုပ်သင့်လုပ်ထိုက်လို့လုပ်တာဆိုရင်လည်း ဖြစ်တယ်။ ဘာမှပြော နေစရာမလိုဘူး။ ဒီလိုလုပ်တာကနောက်ပိုင်းမှာ ရလဒ် ကောင်းနိုင်မှာမဟုတ်ဘူးဆိုတာကိုတော့ သတိချပ်သင့်တယ်။ လုပ်သင့်လုပ်ထိုက်တာထက် အဆတစ်ရာ ပိုလုပ်နေကြတဲ့အတွက် ပြောစရာတွေဖြစ်လာတာ။ အမှန်ပြောရရင် ကျုပ်တော့သဘောမခွေ့ဘူး။


ဒါပေမဲ့ လိုတာထက်ပိုလာခဲ့ရင် မုန်းလာကြမှာ၊ မျက်ကွယ်ပြုလာကြတော့မှာ။ အသိအမှတ်မပြုဘူးဆိုတာက တခြားကြည့်စရာမလိုဘူး။ ကယားပြည်နယ်မှာ ဗိုလ်ချုပ်ရုပ်တုကိစ္စပြဿနာဖြစ်တယ်။ သူတို့လို အပ်တာက ဗိုလ်ချုပ်ရဲ့ကတိ၊ ဗိုလ်ချုပ်ရုပ်တု မဟုတ်ဘူးဆိုပြီး ဆန္ဒပြမှုတွေဖြစ်တယ်။ ဒါကို သတိချပ်စေ ချင်တာပါ။ ပါတီထိပ်ပိုင်းခေါင်းဆောင်တွေကလည်း ကြေညာချက်ထုတ်ထားတယ်။ မြို့၊ ရွာတွေအားလုံးမှာ ဗိုလ်ချုပ်ရုပ်တုထားရှိဖို့ မကြေညာထားဘူး။ ဒေသခံ တွေလက်ခံရင် ဒါကကောင်းတဲ့ အစဉ်အလာတစ်ခု ဆိုပြီးတော့လေ။ ဗိုလ်ချုပ်ရုပ်တုကိစ္စကိုလည်း ကျုပ်တို့နောက်မျိုးဆက်တွေ လုပ်နေကြတာ။ အခုက ဗိုလ်ချုပ်ရုပ်တုကို နေရာအစုံမှာထားရှိဖို့ ပြင်းပြလုပ်ဆောင် နေကြတယ်။ အမှန်က ရုပ်တုထားရှိရုံနဲ့ ဗိုလ်ချုပ်ကို သတိရစေတာ မဟုတ်ပါဘူး။ ဗိုလ်ချုပ်စိတ်ဓာတ်သိမ်းသွင်းပေးရုံနဲ့ ဗိုလ်ချုပ်ကို အစဉ်သတိရနေကြမှာပါ။ ကျောင်းသင်ခန်းစာတစ်ခုနဲ့တင် ပွဲသိမ်းစေတယ်။ တကယ်ဆို ဗိုလ်ချုပ်ဇာတိဖြစ်တဲ့ နတ်မောက်မြို့ကိုသာ ဗိုလ်ချုပ်မြို့ဆိုပြီးတော့ ပြောင်းသင့်တာ။ ဒါကမှ တကယ့်အစစ်အမှန်ဖြစ်မှာ။ အခုကတော့ ဒေသခံတွေ မကျေနပ်၊ ဆန္ဒပြနေတဲ့ကြားထဲကနေ တံတားနာမည်ကို ပြောင်းဖြစ်အောင် ပြောင်းလိုက်ကြသေးတယ်။ ဒါကအတင်းလုပ်ယူနေကြတာ။ ကြာလာတော့ ဗမာမုန်းတီးရေးဝါဒဖြစ်လာရော။ ထပ်ပြောချင်သေးတယ်။ တမင်များ သွေးခွဲနေကြသလားဆိုတာကိုလေ။ အခုက အဲဒီလိုဖြစ်နေတယ်။ ကျုပ်ပြောနေတာက ဗိုလ်ချုပ်ကိုမုန်းလို့ပြောနေတာ လုံးဝမဟုတ်ဘူး။ ကျုပ်တို့မျိုး ဆက်တွေ လုပ်ဆောင်ချက်လွန်ကဲလို့ ထောက်ရှုပြော ပြနေရတာ။


ကျုပ်တို့မြန်မာပြည်ငြိမ်းချမ်းရေးနဲ့ အလှမ်းဝေး နေခဲ့တာကြာခဲ့ပြီ။ လူတိုင်းကိုယ်စီ ငြိမ်းချမ်းရေးလိုချင်ကြတယ်။ ဒါပေမဲ့ မရနိုင်သေးဘူး။ ၂၁ ရာစု ငြိမ်း ချမ်းရေး ညီလာခံကျင်းပတယ်။ တစ်ဖက်မှာ စစ်ပွဲ တွေဖြစ်တယ်။ ဒီတော့ငြိမ်းချမ်းရေးကို ဘယ်လိုဘယ် ပုံမျိုးနဲ့ ရယူကြမှာလဲ။ မြန်မာနိုင်ငံဆိုတာက တိုင်းရင်း သားပေါင်းစုံနဲ့ ဖွဲ့တည်ထားတာ။ တိုင်းရင်းသားတွေရဲ့ ရင်ဖွင့်သံကိုနားစွင့်ရမယ်။ မျက်ကွယ်ပြုလို့မရဘူး။ ဒီလိုမျက်ကွယ်ပြုနေရင်တော့ ငြိမ်းချမ်းရေးဆိုတာ အလှမ်းဝေးနေဦးမှာပါပဲ။


အခုက ဟိုနေရာမှာလည်း ဗိုလ်ချုပ်၊ ဒီနေရာမှာ လည်း ဗိုလ်ချုပ်၊ နေရာစုံမှာ ဗိုလ်ချုပ်ရှိနေရမယ်ဆိုတာကတော့ နည်းနည်းလေးတောင်မဟုတ်ဘူး။ အများကြီးများသွားပြီ။ လုပ်ပါ။ မလုပ်နဲ့လို့ပြောနေတာမဟုတ်ဘူး။ ဒါပေမဲ့ ပြည်သူ့ဆန္ဒကို အရင်ဆုံးခံယူသင့်တယ်။ ပြည်သူ့ဆန္ဒမပါဘဲ မလုပ်ဆောင်သင့်ဘူး။ နောက်ဆုံးပြောချင်တာက ဗိုလ်ချုပ်ရုပ်တု မြင် နေရမှ၊ ဗိုလ်ချုပ်ပန်းခြံရှိမှ၊ ဗိုလ်ချုပ်လမ်း၊ ဗိုလ်ချုပ်တံတားရှိမှ ဗိုလ်ချုပ်ကို သတိရ၊ တမ်းတတာမဟုတ်ဘူး။ မျက်ကွယ်ပြုထားတဲ့ ကာလကတည်းကပင် ရင်ဘတ်ထဲမှာ သိမ်းထားခဲ့တာ၊ သတိရနေခဲ့တာ၊ လွမ်း နေခဲ့တာ။ ရှားပါးကုန်ကြမ်းတစ်ထည်ဖြစ်လို့ ကျုပ်တို့ တတွေ မြတ်နိုးတန်ဖိုးထားခဲ့ကြတယ်။ တယုတယနဲ့ ပိုက်ထွေးထားခဲ့ကြတယ်။ အခုကတော့ ဟိုနေရာမှာ ဗိုလ်ချုပ်၊ ဒီနေရာမှာ ဗိုလ်ချုပ်နဲ့ ကြာလာတာနဲ့အမျှ ဗိုလ်ချုပ်တန်ဖိုးတွေ လျော့ကျလာခဲ့တယ်။ တန်ဖိုးမရှိ တာမဟုတ်ဘူး။ တန်ဖိုးကျသွားတာ။ တကယ်တော့ တန်ဖိုးတက်အောင် လုပ်ဆောင်နေကြရာကနေ နောက်ကွယ်မှာ တန်ဖိုးလျော့ကျသွားခဲ့ရတယ်။ ဘယ်သူကမှ ဗိုလ်ချုပ်ကို တန်ဖိုးသတ်မှတ်ချင်ကြတာ မဟုတ်ပါဘူး။ ဦးထိပ်ပန်ဆင်ထားရမယ့် ပုဂ္ဂိုလ်မြတ်တစ်ဦးပါ။ သို့ သော် ကျုပ်တို့မျိုးဆက်တွေရဲ့ လိုတာထက်ပိုတဲ့ လောကဝတ်တွေကြောင့် ကျုပ်တို့ဗိုလ်ချုပ်၊ ကျုပ်တို့ဂျင်နရယ်ခမျာ အများအမြင်မှာ၊ တခြားတိုင်းရင်းသားတွေ အမြင်မှာ အမြင်စောင်းစရာလူတစ်ဦးအဖြစ် ထင်မြင်ခံနေရပြီ။ ဒါတွေကိုရော သိကြသလားဗျာ။


တကယ်ဖြစ်ဖြစ်၊ တမင်ဖြစ်ဖြစ် သွေးမခွဲကြပါနဲ့လားဗျာ။ ခင်ဗျားတို့လုပ်နေပုံက ဗိုလ်ချုပ်ကိုချစ်လို့လုပ် နေတာမဟုတ်ဘဲ နှစ်ပြီးသတ်နေတာ၊ နှစ်ခါသေအောင် ခင်ဗျားတို့လုပ်နေကြတာ။ ဒီလိုသာလုပ်နေရင် တိုင်းရင်းသားတွေရင်ထဲမှာ အစိုင်အခဲကပျောက်မသွားဘဲ တဖြည်းဖြည်းကြီးထွားလာကြမှာ။ ပိုပြီး ပြင်းထန်လာမှာ။ အတ္တလွန်ကဲမှု ဖြစ်စဉ်တွေကို သတိချပ်လုပ်ဆောင် စေချင်တယ်။ ဗိုလ်ချုပ်ကို နှစ်ခါပြန်မသတ်ကြပါနဲ့။ သွေးမခွဲကြပါနဲ့လို့သာ ပြောချင်တယ်ဗျာ။ ။

M ဘွယ်

#democracytoday

Post a Comment