ဟာသ သရုပ်ဆောင် အောင်ရဲထွေး အမှု ပြန်စစ်နိုင်



အဆိုပါ ကိစ္စနဲ့ ပတ်သက်ပြီး နိုင်ငံတော် သမ္မတရုံး ညွှန်ကြားရေးမှူးချုပ် ဦးဇော်ဌေးက သူ့ရဲ့ Facebook မှာ တင်ပြထားရာ အပြည့်အစုံကတော့ အောက်ပါအတိုင်း ဖြစ်ပါတယ်။

သရုပ်ဆောင်အောင်ရဲထွေး အမှုအား ရုပ်သိမ်းခဲ့ခြင်းနှင့် စပ်လျဉ်း၍ ရှင်းလင်းချက်

လူမှုကွန်ရက်တွင် ဟာသဗီဒီယိုများဖြင့် လူသိများသူ သရုပ်ဆောင်အောင်ရဲထွေး သေဆုံးမှုနှင့် ပတ်သက်ပြီး ရာဇဝတ်ကျင့်ထုံးဥပဒေ ၄၉၄(က)အရ အမှုကို ရုပ်သိမ်းခွင့် ပြုခဲ့တဲ့ ရန်ကုန် အရှေ့ပိုင်းခရိုင်တရားရုံးရဲ့ ဇူလိုင်လ ၂၅ ရက်နေ့ အမိန့်ချမှတ်မှုနဲ့ ပတ်သက်ပြီး နိုင်ငံတော်သမ္မတကြီးကရော၊ နိုင်ငံတော်၏အတိုင်ပင်ခံပုဂ္ဂိုလ်ကပါ စိစစ်မေးမြန်းမှုတွေ ပြုလုပ်ခဲ့ပါတယ်။

ဒီလို စိစစ်မေးမြန်းရာမှာ အောက်ပါအတိုင်း သိရှိရပါတယ်-

(၁) ရန်​ကုန်​အ​ရှေ့ပိုင်းခရိုင်​တရားရုံး ၂၀၁၈ ခုနှစ်​၊ရာဇဝတ်​မှုကြီးအမှတ်​ ၃၄
တရားလို ဖြစ်တဲ့ ကိုသန့်​ဇင်​ဦးနှင့်​ တရားခံ သန်းထွဋ်​​အောင်​ ပါ (၃) ရာဇသတ်​ကြီးပုဒ်​မ၃၀၂အရ စွဲဆိုမှုရုပ်​သိမ်းလွှာတင်​ပြသူများမှာ ​သေဆုံးသူ​အောင်​ရဲ​ထွးရဲ့ အစ်​ကိုကိုသန့်​ဇင်​ဦး၊ ​သေဆုံးသူ၏ဖခင်​ ဦးမြင့်​ဦး၊ ​သေဆုံးသူ၏မိခင်​ ​ဒေါ်သန်းသန်း​ထွေးနဲ့ သေဆုံးသူ၏အစ်​ကို ​နေဇင်​လတ်​တို့ပဲ ဖြစ်ပါတယ်။ ရုပ်သိမ်းလွှာကို တရားလို ကိုသန့်ဇင်ဦးနဲ့ နစ်နာသူမိသားစုက တင်ပြလာတာ ဖြစ်ပါတယ်။

(၂) ကာယကံရှင် မိသားစုဝင်များက ရုပ်သိမ်ူးလွှာ တင်ပြတဲ့အပြင် တရားလိုပြ သက်သေတွေကို စစ်ဆေးမေးမြန်းတဲ့အခါမှာ ၁၄ ဦးရဲ့ ထွက်ဆိုချက်တွေမှာ ခိုင်လုံတဲ့ သက်သေထွက်ဆိုချက် ပေါ်ပေါက်ခြင်း မရှိတဲ့အတွက် (ရိုက်နှက်မှု ဖြစ်ပွားစဉ်မှာ ရှိနေတဲ့ သက်သေတွေကိုယ်တိုင်က မည်သူမည်ဝါ ဆိုပြီး အတည်ပြုပြောကြားခြင်း မရှိကြပါ) တိုင်းဒေသကြီး ဥပဒေချုပ်က အမှုကို ရုပ်သိမ်းဖို့ ရုပ်သိမ်းလွှာ တင်သွင်းခဲ့ခြင်း ဖြစ်ကြောင်း သိရှိရပါတယ်။

သို့သော်လည်း ဒီလိုဆောင်ရွက်ချက်တွေကြောင့် လူသေမှု/လူသတ်မှုတွေကို ဒီလိုမျိုး ရုပ်သိမ်း လွှတ်ပေးရသလား ဆိုပြီး မြန်မာနိုင်ငံရဲ့ တရားစီရင်ရေးနဲ့ ရုပ်သိမ်းလွှာတင်တဲ့ တာဝန်ရှိသူတွေကို ဝေဖန် ပြစ်တင်မှုတွေ ကျယ်ကျယ် လောင်လောင် ဖြစ်ပေါ်နေတဲ့အတွက် -

(၁) ဒီအမှုနဲ့ ပတ်သက်ပြီး အရှေ့ပိုင်းခရိုင်တရားရုံးက စွဲချက် မတင်မီ လွှတ်တဲ့အမိန့်ချမှတ်ထားတာ ဖြစ်တဲ့အတွက် အရှေ့ပိုင်းခရိုင်တရားရုံးရဲ့ အမိန့်ကို ပယ်ဖျက်ပေးဖို့၊ အမှုကို ဆက်စစ်ဆေးဖို့ တိုင်းဒေသကြီး တရားလွှတ်တော်ကို တင်ပြဖို့ ပြည်ထောင်စုရှေ့နေချုပ်ရုံးက တိုင်းဒေသကြီး ဥပဒေချုပ်ထံ ဒီကနေ့ ညွှန်ကြားလိုက်ပါတယ်။

(၂) ဒီကနေ့(သို့မဟုတ်) မနက်ဖြန်မှာ တိုင်းဒေသကြီး ဥပဒေချုပ်က တိုင်းဒေသကြီး တရားလွှတ်တော်ကို ပြင်ဆင်ချက် တင်သွင်းမှာ ဖြစ်ပါတယ်။ ဒီလို "စွဲချက်မတင်မီ လွှတ်တဲ့အမိန့်ကို ပယ်ဖျက်ပေးဖို့" ပြင်ဆင်ချက် ဖြစ်ပါတယ်။ (ခရိုင်တရားရုံးက အမိန့်ချမှတ်ထားတာ ဖြစ်တဲ့အတွက် တိုင်းဒေသကြီး တရားလွှတ်တော်ကို တင်သွင်းရခြင်း ဖြစ်ပါတယ်။

(၃) တိုင်းဒေသကြီး တရားလွှတ်တော်ကနေ ပြင်ဆင်ချက် တင်သွင်းတာကို လက်ခံရင် အမှုကို ဆက်လက် စစ်ဆေးရမှာ ဖြစ်ပါတယ်။ (တရားလိုပြ သက်သေ ၂၂ ဦး ရှိတဲ့အနက်မှာ ၁၄ ဦး ထွက်ဆိုချက် ပေးပြီး ဖြစ်တဲ့အတွက် ကျန်တဲ့ သက်သေ ၈ ဦးကို ဆက်လက် စစ်ဆေးရမှာပါ။)

ဒီနေရာမှာ ပြည်ပထွက်သွားပြီ၊ မရှိတော့ဘူး ဆိုတဲ့ မေးခွန်းတွေလည်း ရှိနေပါတယ်။ ဒါတွေနဲ့ ပတ်သက်လို့ အစိုးရအနေနဲ့ နိုင်ငံတကာရဲတပ်ဖွဲ့နဲ့ နိုင်ငံချင်း ပူးပေါင်းဆောင်ရွက်မှုတွေကတစ်ဆင့် ချိတ်ဆက်ဆောင်ရွက်ခဲ့တဲ့ သာဓကတွေ ရှိတဲ့အတိုင်း ဆက်လက် လုပ်ဆောင်သွားမှာ ဖြစ်ကြောင်း ရှင်းလင်း တင်ပြလိုပါတယ်။

Credit : Zaw Htay

Post a Comment