ခက်ခဲကြမ်းတမ်းလှသော အမျိုးသားဒီမိုကရေစီအဖွဲ့ချုပ် NLD ပါတီ၏ နှစ်(၃ဝ)ခရီးကို သမင်လည်ပြန် ရှုမြင်သုံးသပ်ခြင်း - Eureka Myanmar

ခက်ခဲကြမ်းတမ်းလှသော အမျိုးသားဒီမိုကရေစီအဖွဲ့ချုပ် NLD ပါတီ၏ နှစ်(၃ဝ)ခရီးကို သမင်လည်ပြန် ရှုမြင်သုံးသပ်ခြင်း

Share This

အမျိုးသားဒီမိုကရေစီအဖွဲ့ချုပ် ဒုတိယ အကြိမ် နိုင်ငံလုံးဆိုင်ရာပါတီညီလာခံ ကို ဇွန် ၂၃ ရက်နှင့် ၂၄ ရက်တို့တွင် ရန်ကုန် မြို့ မရမ်းကုန်းမြို့နယ်ရှိ မြန်မာကွန်ဗင်းရှင်း စင်တာ(MCC)၌ ကျင်းပခဲ့သည်။ ပါတီညီလာခံ တွင် ညီလာခံသဘာပတိ ရခိုင်ပြည်နယ်ဝန်ကြီး ချုပ် ဦးညီပုက 'မိမိတို့အားလုံး အမြော်အမြင် ကြီးကြီး၊ အမြင်ကျယ်ကျယ်နဲ့ ရိုးသားပွင့်လင်း စွာ ဆောင်ရွက်သွားဖို့ ဆုံးဖြတ်ဆောင်ရွက်တဲ့ နေရာမှာ သတ္တိရှိရှိ၊ တကယ့်အမှန်ကို ရဲရဲ တင်းတင်းဆောင်ရွက်သွားဖို့ လိုအပ်ကြောင်း' မိန့်ခွန်းပြောကြားခဲ့သည်။

နိုင်ငံလုံးဆိုင်ရာပါတီညီလာခံက လစ်လပ် လျက်ရှိသော ဗဟိုအလုပ်အမှုဆောင်အဖွဲ့နှင့် အရန်ဗဟိုအလုပ်အမှုဆောင်အဖွဲ့များ ရွေးချယ် ခြင်း၊ ဗဟိုကော်မတီဝင်များ၏ အတည်ပြုချက် ရယူခြင်း၊ တိုင်းဒေသကြီးနှင့် ပြည်နယ်အသီး သီးတို့၏ ဗဟိုကော်မတီဝင်များက ဗဟိုအလုပ် အမှုဆောင်အဖွဲ့၏ အစီရင်ခံစာများအပေါ် ပြန်လည်ဆွေးနွေးခြင်း၊ အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင်အဖွဲ့က ပြန် လည်ဆွေးနွေးခြင်းများ ပြုလုပ်ခဲ့ကြသည်။
အမျိုးသားဒီမိုကရေစီအဖွဲ့ချုပ် ဒုတိယ အကြိမ် နိုင်ငံလုံးဆိုင်ရာပါတီညီလာခံ ဒုတိယ နေ့တွင် အမျိုးသားဒီမိုကရေစီအဖွဲ့ချုပ် ဗဟို အလုပ်အမှုဆောင်အဖွဲ့ ဒုတိယဥက္ကဋ္ဌ(၂) ဒေါက် တာဇော်မြင့်မောင်၊ ဗဟိုအလုပ်အမှုဆောင် အဖွဲ့ အတွင်းရေးမှူး အဖွဲ့ဝင် ဦးဉာဏ်ဝင်းနှင့် ဗဟိုအလုပ်အမှုဆောင်အဖွဲ့ဝင် ဒေါက်တာ မျိုးညွန့်တို့က သတင်းစာရှင်းလင်းပွဲတစ်ရပ် ပြုလုပ်ခဲ့သေးသည်ဟု သတင်းကြားသိရသည်။
အမျိုးသားဒီမိုကရေစီအဖွဲ့ချုပ် NLD ပါတီကို ၁၉၈၈ ခုနှစ် စက်တင်ဘာ ၂၇ ရက်တွင် ထိုစဉ်က ဦးအောင်ကြီး(ဗိုလ်မှူးချုပ်ဟောင်း အောင်ကြီး)က ဥက္ကဋ္ဌ၊ သူရဦးတင်ဦး(ဗိုလ်ချုပ်ကြီးဟောင်း သူရတင်ဦး)က ဒုတိယဥက္ကဋ္ဌ၊ ဒေါ်အောင်ဆန်းစုကြည်က အထွေထွေအတွင်း ရေးမှူးအဖြစ် တာဝန်ယူကာ စတင်ဖွဲ့စည်းခဲ့ သည့်မှတ်တမ်းရှိသည်။
၁၉၈၈ ခုနှစ်မှ ၂ဝ၁၈ ခုနှစ်အထိ အမျိုး သားဒီမိုကရေစီအဖွဲ့ချုပ် NLD ပါတီ၏ သက် တမ်းသည် နှစ်ပေါင်း ၃ဝ တိတိပြည့်ခဲ့ပြီ။
အားလုံးသိပြီးကြသည့်အတိုင်း ၁၉၈၈ ခုနှစ် သြဂုတ် ၈ ရက်နေ့(၈-၈-၈၈)ရှစ်လေးလုံး ဒီမိုကရေစီအရေးတော်ပုံတော်လှန်ရေးကြီး အတွင်း ၂၆ နှစ်ကြာ တိုင်းပြည်ကို ပရမ်းပတာ အုပ်စိုးခဲ့သည့် ဦးနေဝင်း ခေါင်းဆောင်သော မြန်မာ့ဆိုရှယ်လစ်လမ်းစဉ်ပါတီအစိုးရ ပြိုကွဲ ခဲ့သည်။ (၁၈-၉-၁၉၈၈)နေ့တွင် တပ်မတော် ကာကွယ်ရေးဦးစီးချုပ် ဗိုလ်ချုပ်ကြီးစောမောင် သည် လမ်းစဉ်ပါတီဥက္ကဋ္ဌဟောင်း ဦးနေဝင်း နှင့် တိုင်ပင်ညှိနှိုင်းကာ နိုင်ငံတော်၏ အာဏာ ကို စစ်တပ်က ဒုတိယအကြိမ် သိမ်းယူခဲ့သည်။
နိုင်ငံတော်ငြိမ်ဝပ်ပိပြားမှု တည်ဆောက် ရေးအဖွဲ့ဥက္ကဋ္ဌဟု အမည်ခံသော ဗိုလ်ချုပ် ကြီးစောမောင်က ပြည်သူလူထု၏ ဒီမိုကရေစီ ရရှိလိုသောဆန္ဒကို အကောင်အထည်ဖော်ပေး မည် ဆိုသောကတိဖြင့် ပါတီစုံဒီမိုကရေစီရွေး ကောက်ပွဲကို ကျင်းပပေးမည်။ နိုင်ငံရေးပါတီ များ ထူထောင်ခွင့်ပေးမည်ဟု ကြေညာခဲ့သည်။ နဝတဥက္ကဋ္ဌ ဗိုလ်စောမောင်၏ ကြေညာချက် အရ တတ်သိပညာရှင်များ၊ မျိုးချစ်ရဲဘော်ဟောင်းများအဖွဲ့ချုပ်တို့ ပါဝင်သော အမျိုးသား ဒီမိုကရေစီအဖွဲ့ချုပ် NLD ပါတီကို နဝတ အစိုးရ ပါတီစုံဒီမိုကရေစီရွေးကောက်ပွဲကော် မရှင်ရုံးတွင် တရားဝင် မှတ်ပုံတင်ခဲ့သည်။
ပထမဦးဆုံး အမျိုးသားဒီမိုကရေစီအဖွဲ့ ချုပ် NLD ပါတီကို စတင်ဖွဲ့စည်းစဉ်က တတ်သိ ပညာရှင်များအဖွဲ့မှ သတင်းစာဆရာကြီး ဟံသာ ဝတီဦးဝင်းတင်၊ စာရေးဆရာမောင်မိုးသူ၊ စာရေး ဆရာ မုံရွာဦးတင်ရွှေ၊ စာရေးဆရာမောင် သော်က(ဗိုလ်မှူးဘသော်)၊ ရုပ်ရှင်သရုပ်ဆောင် အကယ်ဒမီထွန်းဝေ၊ အကယ်ဒမီအောင်လွင်၊ ဗဟိုတရားရုံးရှေ့နေ ဒေါ်မြင့်မြင့်ခင်၊ မျိုးချစ် ရဲဘော်ဟောင်းများအဖွဲ့မှ ဗိုလ်မှူးချုပ်ဟောင်း အောင်ကြီး၊ ဗိုလ်မှူးချုပ်ဟောင်းအောင်ရွှေ၊ ဗိုလ်မှူးကြီးကြည်မောင်၊ ဗိုလ်မှူးကြီးမောင်လွင် အပါအဝင် တပ်မတော်အရာရှိကြီးများလည်း စုစုဝေးဝေး ပါဝင်ခဲ့ကြသည်။
အမျိုးသားဒီမိုကရေစီအဖွဲ့ချုပ် NLD ပါတီသည် ဥက္ကဋ္ဌဗိုလ်မှူးချုပ်ဟောင်းအောင် ကြီး၏ ဦးဆောင်မှုဖြင့် နိုင်ငံရေး စည်းရုံးရေး လုပ်ငန်းများကို စတင်ဆောင်ရွက်ခဲ့ရာ မြန်မာ ပြည်သူလူထုကြီးတစ်ရပ်လုံးသည် မိမိတို့အား ဒီမိုကရေစီပန်းတိုင်ကို လှမ်းကိုင်နိုင်သည်အထိ ဦးဆောင်သွားလိမ့်မည်ဟု မျှော်လင့်ချက်ဖြင့် အမျိုးသားဒီမိုကရေစီအဖွဲ့ချုပ် NLD ပါတီ ကို တစ်ခဲနက် ထောက်ခံအားပေးခဲ့ကြသည်။
ထိုအချိန်တွင် ဥက္ကဋ္ဌဗိုလ်မှူးချုပ်ဟောင်း အောင်ကြီးက အမျိုးသားဒီမိုကရေစီအဖွဲ့ချုပ် NLD ပါတီ၌ ကွန်မြူနစ်အယူဝါဒရှိသူများ အလုပ်အမှုဆောင်အဖွဲ့တွင် ပါဝင်နေသည်ဟု စွပ်စွဲကာ သတင်းစာဆရာကြီး ဟံသာဝတီ ဦးဝင်းတင်၊ စာရေးဆရာ ဒါရိုက်တာမောင် မိုးသူ၊ ရုပ်ရှင်သရုပ်ဆောင် အကယ်ဒမီထွန်းဝေ၊ စာရေးဆရာမုံရွာဦးတင်ရွှေ၊ ဗဟိုတရားရုံး ရှေ့နေ ဒေါ်မြင့်မြင့်ခင်အပါအဝင် အလုပ်အမှု ဆောင်အချို့ကို အဖွဲ့ချုပ်မှ ထုတ်ပယ်ပေးရ မည်ဟု တောင်းဆိုခဲ့သည်။
ထိုအရေးအခင်း စတင်ပေါ်ပေါက်လာ ခြင်းကြောင့် အမျိုးသားဒီမိုကရေစီအဖွဲ့ချုပ် NLD ပါတီ ပြိုကွဲတော့မည့်အခြေအနေသို့ ရောက်လာခဲ့သည်။ ဥက္ကဋ္ဌ ဗိုလ်မှူးချုပ်ဟောင်း အောင်ကြီး၏အဆိုကို ထောက်ခံသူများနှင့် ကန့်ကွက်သူများ လျှို့ဝှက်မဲခွဲခဲ့ရာ ဦးအောင် ကြီးဘက်မှ အဆိုရှုံးနိမ့်သွားသောကြောင့် ဗိုလ် မှူးချုပ်ဟောင်းအောင်ကြီးနှင့် အဖွဲ့ဝင် ၁၂ ဦး အမျိုးသားဒီမိုကရေစီအဖွဲ့ချုပ် NLD ပါတီမှ စွန့်ခွာသွားခဲ့ကြရသည်။
၁၉၉ဝ ပြည့်နှစ် မေ၂၇ ရက်တွင် ကျင်းပ မည်ဖြစ်သည့် ပါတီစုံဒီမိုကရေစီရွေးကောက်ပွဲ အတွက် နယ်လှည့်စည်းရုံးရေးဆောင်ရွက်ရာ တွင် ဧရာဝတီတိုင်း ဓနုဖြူမြို့၌ အဖွဲ့ချုပ်အတွင်း ရေးမှူး ဒေါ်အောင်ဆန်းစုကြည်အား စစ်တပ် က လက်နက်အင်အားဖြင့် တားဆီးကာ လူစု ခွဲခိုင်းခဲ့သည်။
၁၉၈၉ ခုနှစ် ဇူလိုင် ၁၉ ရက်တွင် အာဇာ နည်နေ့အခမ်းအနားသို့ ဒေါ်အောင်ဆန်းစုကြည် ဦးဆောင်သော အမျိုးသားဒီမိုကရေစီအဖွဲ့ချုပ်၊ လူထုအင်အားဖြင့် အာဇာနည်ဗိမာန်ဆီ ချီတက် အလေးပြုမည့်အစီအစဉ်ကို စစ်ကောင်စီအစိုးရ က တားဆီးခဲ့သည်။ (၂ဝ-၇-၁၉၈၉)နေ့တွင် ဒေါ်အောင်ဆန်းစုကြည်ကို ဗိုလ်စောမောင် စစ်အစိုးရကနေ အိမ်အကျယ်ချုပ် အကျဉ်း ချထားခဲ့သည်။
၁၉၉ဝ ပြည့်နှစ် မေ ၂၇ ရက်တွင် ကျင်းပ သည့် ပါတီစုံဒီမိုကရေစီရွေးကောက်ပွဲတွင် နေအိမ်အကျယ်ချုပ်အကျဉ်းချခံ ဒေါ်အောင် ဆန်းစုကြည် ဦးဆောင်သည့် အမျိုးသားဒီမို ကရေစီအဖွဲ့ချုပ် NLD ပါတီက ရာခိုင်နှုန်း ၈ဝ ကျော်ဖြင့် အောင်ပွဲခံခဲ့သည်။
ပါတီစုံဒီမိုကရေစီရွေးကောက်ပွဲမတိုင်ခင် က ''ရွေးကောက်ပွဲပြီးရင် တပ်မတော်က စစ်တန်း လျား ပြန်မယ်''ဟုလည်းကောင်း၊ ''ဖွဲ့စည်းပုံ အခြေခံဥပဒေ ရေးဆွဲတာ စစ်တပ်အလုပ်မဟုတ် ဘူး။ ပြည်သူတို့ ရွေးချယ်တင်မြှောက်တဲ့ လွှတ် တော်ကိုယ်စားလှယ်တွေရဲ့ အလုပ်''ဟုလည်း ကောင်း ပြောဆိုခဲ့သော ဗိုလ်ချုပ်ကြီးစောမောင် သည် အမျိုးသားဒီမိုကရေစီအဖွဲ့ချုပ် NLD ပါတီကရွေးကောက်ပွဲတွင် အောင်ပွဲရသောအခါ မူလကတိစကားများကို ပယ်ဖျက်၍ NLD ပါတီ အား အာဏာလွှဲအပ်ခြင်းမပြုဘဲ ထားခဲ့သည်။
၁၉၉ဝ ပြည့်နှစ် ဇူလိုင်လတွင် ရန်ကုန် မြို့ ဂန္ဓီခန်းမ၌ ကျင်းပသည့် အမျိုးသားဒီမို ကရေစီအဖွဲ့ချုပ် ပြည်သူအရွေးချယ်ခံ ကိုယ် စားလှယ်များ၏ အစည်းအဝေးက အမျိုးသား ဒီမိုကရေစီအဖွဲ့ချုပ်အား ရွေးကောက်ပွဲကော် မရှင်ဥပဒေအရ ပြည်သူ့လွှတ်တော် ခေါ်ယူ ပေးရန် တောင်းဆိုခဲ့သည်။
စစ်အစိုးရသည် အမျိုးသားဒီမိုကရေစီ အဖွဲ့ချုပ်ကိုယ်စားလှယ်များအား လိုက်လံဖမ်း ဆီးကာ ရာနှင့်ချီ၍ အချုပ်အနှောင်ခံခဲ့ကြရ သည်။ အာဇာနည်ခေါင်းဆောင်ကြီး ဦးဘဝင်း ၏သား ဦးစိန်ဝင်းခေါင်းဆောင်သော အမျိုး သားဒီမိုကရေစီအဖွဲ့ချုပ် အရွေးချယ်ခံကိုယ် စားလှယ်များသည် ပြည်ပသို့ ရှောင်တိမ်းကာ အမျိုးသားဒီမိုကရေစီအဖွဲ့ချုပ် အဝေးရောက် ညွန့်ပေါင်းအစိုးရအဖွဲ့ကို ဖွဲ့စည်းခဲ့သည်။
ဒေါ်အောင်ဆန်းစုကြည်ကို ၁၉၉၅ ခုနှစ် ဇူလိုင် ၁ဝ ရက်တွင် နေအိမ်အကျယ်ချုပ် အကျဉ်းခံဘဝမှ လွှတ်ပေးခဲ့ပြီးနောက် ရန်ကုန် မြို့ တက္ကသိုလ်ရိပ်သာလမ်းရှိ ဒေါ်အောင်ဆန်း စုကြည်၏နေအိမ်တွင် စနေ၊ တနင်္ဂနွေနေ့များ ၌ ညနေ ၄ နာရီတွင် လူနိုင်ငံရေးတရားပွဲ များ ကျင်းပခဲ့ရာ ဒေါ်အောင်ဆန်းစုကြည်နှင့် သူရဦးတင်ဦး၊ ဦးလွင်တို့ နိုင်ငံရေးတရားပွဲ များ ကျင်းပခဲ့ကြသည်။
အမျိုးသားဒီမိုကရေစီအဖွဲ့ချုပ် အထွေထွေ အတွင်းရေးမှူးချုပ် ဒေါ်အောင်ဆန်းစုကြည် ၏ ဧရာဝတီတိုင်းစည်းရုံးရေးခရီး၊ ရန်ကုန်မြို့ တစ်ဖက်ကမ်း ဒလမြို့စည်းရုံးရေးခရီး၊ မန္တလေး မြို့သို့သွားရန်အစီအစဉ်၊ ရန်ကုန်မြို့ ကွမ်းခြံ ဘူတာရုံ မီးရထားခရီးများကို စစ်ထောက်လှမ်းရေးတပ်ဖွဲ့အစီအစဉ်ဖြင့် အကြမ်းဖက်၊ ပိတ်ပင်၊ တားဆီး၊ အတင်းအကျပ်ချုပ်နှောင် ကာ အိမ်ပြန်ပို့ခြင်းခံခဲ့ရသည်။
သြော် အထူးခြားဆုံး မှတ်တမ်းတစ်ခုကို တင်ပြရဦးမည်။ အမျိုးသားဒီမိုကရေစီအဖွဲ့ ချုပ် NLD ပါတီ အထွေထွေအတွင်းရေးမှူး ချုပ် ဒေါ်အောင်ဆန်းစုကြည်၏ မြန်မာပြည် ဒီမိုကရေစီရရှိရေး၊ ငြိမ်းချမ်းစွာ ဆောင်ရွက် ခြင်းအပေါ် အသိအမှတ်ပြုကာ ၁၉၉၁ ခုနှစ် တွင် ဒေါ်အောင်ဆန်းစုကြည်အား ကမ္ဘာ့ငြိမ်း ချမ်းရေးနိုဘယ်ဆုကြီး ချီးမြှင့်ခြင်းခံခဲ့ရသည်။
စစ်အာဏာရှင်အစိုးရသည် အမျိုးသား ဒီမိုကရေစီအဖွဲ့ချုပ် NLD ပါတီအား တစ်စစီ ပြိုကွဲသွားအောင် ကြံဆောင်၊ ကြိုးစား၊ အား ထုတ်နေသည့်အကြားမှ အမျိုးသားဒီမိုကရေစီ အဖွဲ့ချုပ် NLD ပါတီအား မြန်မာပြည်သူ လူထုကြီး၏ ထောက်ခံမှုအင်အား တစ်နေ့ တခြား တိုးပွားမှုရှိနေခဲ့သည်။
၂ဝဝ၃ ခုနှစ် မေ ၃ဝ ရက်တွင် စစ်ကိုင်း တိုင်းဒေသကြီး မုံရွာခရိုင် ဒီပဲယင်းမြို့နယ် ကျည်ရွာအနီး၌ အမျိုးသားဒီမိုကရေစီအဖွဲ့ ချုပ်ခေါင်းဆောင် ဒေါ်အောင်ဆန်းစုကြည် နှင့် သူရဦးတင်ဦးတို့ ပါဝင်သည့် ကားတန်း ကြီးအား အကြမ်းဖက် စွမ်းအားရှင်အဖွဲ့ဝင် အင်အားစုကြီး၏ ရိုက်နှက်၊ သတ်ဖြတ်မှုကြောင့် လူ့အသက်ပေါင်းများစွာ သေဆုံးခဲ့ရသောမှတ် တမ်း ကျန်ရစ်ခဲ့သည်။ ဒေါ်အောင်ဆန်းစုကြည် ကိုလည်း နေအိမ်အကျယ်ချုပ်အကျဉ်းခံဘဝ သို့ ပြန်လည်ပို့ဆောင်ခဲ့ရာ ၂ဝ၁ဝ ပြည့်နှစ် အထိ ခုနစ်နှစ်တိတိအကြာတွင် နေအိမ်အကျယ် ချုပ်ဘဝမှ လွတ်မြောက်ခဲ့သည်။
၂ဝ၁၂ ခုနှစ်တွင် နိုင်ငံတော်သမ္မတ ဦး သိန်းစိန်နှင့် ဒေါ်အောင်ဆန်းစုကြည်တို့ နိုင်ငံ ရေးညှိနှိုင်းဆွေးနွေးပွဲ ပေါ်ပေါက်ခဲ့ပြီး ထိုနှစ် ဧပြီ ၁ ရက်တွင် ကျင်းပသော ကြားဖြတ်ရွေး ကောက်ပွဲတွင် အမျိုးသားဒီမိုကရေစီအဖွဲ့ချုပ် NLD ပါတီဥက္ကဋ္ဌ ဒေါ်အောင်ဆန်းစုကြည်နှင့် အဖွဲ့၊ မဲဆန္ဒနယ်နေရာ ၄ဝ ကျော်တွင် အနိုင် ရရှိပြီး ပြည်သူ့လွှတ်တော်အတွင်းသို့ ချဉ်းနင်း ဝင်ရောက်ခွင့်ရခဲ့သည်။
၂ဝ၁၅ ခုနှစ် နိုဝင်ဘာ ၈ ရက်တွင် ကျင်းပ သော ပါတီစုံဒီမိုကရေစီရွေးကောက်ပွဲကြီး တွင် အမျိုးသားဒီမိုကရေစီအဖွဲ့ချုပ် NLD ပါတီသည် လွှတ်တော်နှစ်ရပ်စလုံးတွင် အရွေး ချယ်ခံလွှတ်တော်ကိုယ်စားလှယ် အများဆုံးဖြင့် အောင်ပွဲခံခဲ့သည်။ ၂ဝ၁၆ ခုနှစ် ဧပြီ ၁ ရက်တွင် ပေါ်ပေါက်လာသော အမျိုးသားဒီမိုကရေစီ အဖွဲ့ချုပ် NLD ပါတီအစိုးရအဖွဲ့သစ်ကို နိုင်ငံ တော်၏ အတိုင်ပင်ခံပုဂ္ဂိုလ် ဒေါ်အောင်ဆန်း စုကြည် ဦးဆောင်၍ စတင်ဖွဲ့စည်းခဲ့သည်။
မည်သို့ပင်ဖြစ်စေကာမူ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်လျက်ရှိသည့် အမျိုးသားဒီမိုကရေစီ အဖွဲ့ချုပ် NLD ပါတီအစိုးရသည် (၁)၂၁ ရာစု ပင်လုံငြိမ်းချမ်းရေးညီလာခံ အောင်မြင် ရေး၊ (၂)စစ်မှန်သော ဖက်ဒရယ်ပြည်ထောင်စု အတည်ပြုရေး၊ (၃)၂ဝဝ၈ ဖွဲ့စည်းပုံအခြေခံ ဥပဒေကို ဆွေးနွေးညှိနှိုင်းခြင်း လမ်းပြမြေပုံ ဖြင့် အောင်မြင်စွာ ပြုပြင်ရေးဆွဲရေး၊ (၄) အနှစ် ၇ဝ ကြာခဲ့ပြီဖြစ်သော ပြည်တွင်းစစ်မီးကြီးကို အမြန်ဆုံး ငြှိမ်းသတ်နိုင်ရေးအတွက် ၅၁ သန်း မျှသော ပြည်သူလူထု၏ ထောက်ခံချက်ဖြင့် ဒီမိုကရေစီပန်းတိုင်သို့ ချီတက်နိုင်လိမ့်မည် ဖြစ်ကြောင်း ထပ်လောင်း၊ အားပေး၊ မျှော်လင့်၊ ကြိုးပမ်းကြရဦးမည်ဖြစ်သတည်း။

#yangontimesjournal

Pages