သဘာဝဘေးကြိုတင်ကာကွယ်ရန် ပြည်သူအများစုမေ့နေလေ့ရှိဟု ဒုသမ္မတအပြစ်တင်

Share it:

ရန်ကုန်၊ ဩဂုတ်၃

ပြည်သူအများစုသည် သဘာဝဘေးအန္တရာယ်ကျရောက်သည့်အခါမှ ပြန်လည်ထူထောင်ရေးလုပ်ငန်းများကို အလေးထားဆောင်ရွက်လေ့ရှိသော်လည်း ကြိုတင်ကာကွယ်ရေးအစီအမံများကို ပြင်ဆင်ရန်မေ့လျော့နေတတ်ကြောင်း ဒုတိယသမ္မတ ဦးမြင့်ဆွေက ပြောကြား သည်။

နေပြည်တော်တွင်ဩဂုတ်လ ၃ရက်နေ့က ကျင်းပသည့် နိုင်ငံအဆင့် ပင်လယ်ကမ်းရိုးတန်းသယံဇာတစီမံအုပ်ချုပ်လုပ်ကိုင်မှု ဗဟိုကော်မတီအစည်းအဝေးတွင် ကော်မတီဥက္ကဋ္ဌဖြစ်သူ၎င်းက ယင်းသို့ပြောဆိုခြင်းဖြစ်သည်။

ကမ်းရိုးတန်းသယံဇာတများ စီမံအုပ်ချုပ်လုပ်ကိုင်ရာတွင် သဘာဝသယံဇာတထိန်းသိမ်းရေးလုပ်ငန်းများ ဆောင်ရွက်ပြီး သဘာဝဘေးအန္တရာယ်လျော့ပါးစေရန် ကမ်းရိုးတန်းသယံဇာတထိန်းသိမ်းရေးလုပ်ငန်းများနှင့်အတူ ကာကွယ်ရေးအစီအမံများကို ဆောင်ရွက်ရန် ဦးမြင့်ဆွေကပြောဆိုသည်။

ကမ်းရိုးတန်းဒေသများသည် ဆိုင်ကလုံးမုန်တိုင်းများ၊ ဆူနာမီကဲ့သို့ လှိုင်းလုံးကြီးများ၊ ကမ်းပါးပြို ရေတိုက်စားမှုများ၊ ရေကြီးရေလျှံမှုများ၊ မြေပြိုမှုများ၊ မြေကျွံကျမှုများ စသည့် သဘာဝဘေးအန္တရာယ်အများဆုံးဖြစ်ပေါ်နေကြောင်း ၎င်းကဆိုသည်။

ကမ်းရိုးတန်းဒေသများသို့ ပြောင်းရွှေ့နေထိုင်အခြေချသူ တိုးပွားလာပြီး သယံဇာတများကို အလွန်အကျွံထုတ်ယူသုံးစွဲခြင်း၊ ရောင်းချခြင်းများရှိကြောင်း၊ ရေရှည်ထုတ်ယူသုံးစွဲနိုင်မည့်နည်းလမ်းများနှင့် သဘောတရားများကို နားလည်မှုအားနည်းကြောင်း ဒုတိယသမ္မတက ဆိုသည်။

ထိန်းသိမ်းရေးလုပ်ငန်းများ အကောင်အထည်ဖော်နိုင်မှုမရှိခြင်းနှင့် လုပ်ငန်းစီမံချက်များရေးဆွဲဆောင်ရွက်ရာတွင် သက်ဆိုင်ရာအစိုးရနှင့်ဌာနအဖွဲ့အစည်းများ၏ ထိရောက်သည့်ပံ့ပိုးမှု အလုံအလောက်မရှိခြင်းတို့ကို ပြောင်းလဲရန်လိုအပ်ကြောင်း ၎င်းကဆိုသည်။

သဘာဝဘေးအန္တရာယ်လျှော့ချပေးနိုင်သည့် သန္တာကျောက်တန်းများ၊ ပင်လယ်မြက်ခင်းများ၊ ပင်လယ်ကမ်းခြေများ၊ သဲသောင်ခုံများနှင့် ဒီရေတောများကို သဘာဝတံတိုင်းများ၊ သဘာဝအဆောက်အအုံများအဖြစ် ဦးစားပေးထိန်းသိမ်းကာကွယ်ကြရမည်ဖြစ်ပါကြောင်း ဒုတိယသမ္မတကပြောဆိုသည်။

ဖွံ့ဖြိုးရေးစီမံကိန်းများဆောင်ရွက်လျှင် ကမ်းရိုးတန်းသယံဇာတများကို သားစဉ်မြေးဆက်ရေရှည်ထုတ်ယူသုံးစွဲနိုင်အောင် ကာကွယ်ထိန်းသိမ်းရေးလုပ်ငန်းများနှင့်အတူ သဘာဝဘေးအန္တရာယ်လျော့ပါးရေးဆိုင်ရာလုပ်ငန်းစဉ်များကိုပါ ထည့်သွင်းစဉ်းစားဆောင်ရွက်ကြရန်လိုအပ်နေပြီဟုလည်း ၎င်းကဆိုသည်။

အဆိုပါ အစည်းအဝေးကိုပြည်ထောင်စုဝန်ကြီးအချို့နှင့် ပြည်နယ်ဝန်ကြီးချုပ်အချို့ တက်ရောက်ကြသည်။

ကာကွယ်ရေးစီမံကိန်းကြီးကြီးမားမားလုပ်ဆောင်နိုင်သူမှာ အစိုးရဖြစ်ပြီး ပြည်သူများအနေနှင့် ဝိုင်းဝန်းကူညီမှု၊ အရေးပေါ်ကူညီမှုများကိုသာလုပ်နိုင်ကြောင်း အုပ်ချုပ်ရေးနှင့် နိုင်ငံရေးလေ့လာသုံးသပ်သူ ဦးအောင်သူငြိမ်းက ပြောကြားသည်။

“ဥပမာ- ဒီရေတောတွေပြန်စိုက်ဖို့တို့၊ ရေကာတာကြီးတွေလုပ်ဖို့က ပြည်သူတွေမှာ မတတ်နိုင်ဘူးဗျ။ မြန်မာပြည်မှာကော်မတီတွေရှိတယ်ဗျ။ သဘာဝကပ်ဘေးကြိုတင်ကာကွယ်ရေး၊ အသိပညာပေးရေးကော်မတီတွေရှိတယ်လေ။ ခရိုင်မှာလည်း ရှိတယ်။မြို့နယ်မှာလည်း ရှိတယ်။ အဲဒီကော်မတီတွေဘာလုပ်နေလဲ” ဟု ၎င်းကဆိုသည်။

ပြည်သူတစ်ဦးချင်းစီက လုပ်ဆောင်နိုင်ရန် အခက်အခဲရှိနိုင်ကြောင်း ၎င်းကဆိုသည်။

“ရေကြီးတဲ့ကိစ္စကျတော့ ရေထိန်းတဲ့စနစ်မျိုးတွေလိုလိမ့်မယ်ဗျ။ တာတမံလုပ်တာတို့ တချို့ကိစ္စမျိုးတွေပေါ့။ သာမန်ပြည်သူတွေကတော့ကျွန်တော်ထင်တယ် လုပ်နိုင်ဖို့ ခက်တယ်။ အစိုးရချည်းပဲ အလုံးစုံတော့မဟုတ်ဘူး။ ဒါပေမဲ့ သူ့မှာအဓိကတာဝန်ရှိတယ်” ဟု ဦးအောင်သူငြိမ်း က ဆက်လက်ပြောဆိုသည်။

သဘာဝဘေးအန္တရာယ်ဒဏ်ခံရမှုစံသတ်မှတ်ချက် Global Climate Risk Index 2016 အစီရင်ခံစာအရ မြန်မာနိုင်ငံသည် ကမ္ဘာတွင်သဘာဝဘေးအန္တရာယ် ဒုတိယမြောက် အခံရဆုံးနိုင်ငံ ဖြစ်သည်။

https://voicejournalmm.com/archives/12118
Share it:

Featured

Life

Lifestyle

LocalNews

Myanmar

News

President

Post A Comment: