ဥာဏ်ရည်အဆင့် ၁၇၁ ရှိ သုံးနှစ်သမီးတစ်ဦး ယူကေ၌ ပေါ်ထွက်

Share it:


လန်ဒန်၊ သြဂုတ် ၁၉

ဦးနှောက်ဥာဏ်ရည် သတ်မှတ်မှုအဆင့် (IQ) ၁၇၁ အထိ ဥာဏ်ရည်မြင့်မားသော သုံးနှစ်အရွယ် မိန်းကလေးငယ်တစ်ဦး ယူကေ၌ ထွက်ပေါ်ခဲ့သည်ဟု ဘီဘီစီသတင်းက သြဂုတ် ၁၉ ရက်တွင် ဖော်ပြခဲ့သည်။ သူမ၏ ဥာဏ်ရည်မြင့်မှုအတွက် အဲလ်ဘက်အိုင်းစတိုင်းနှင့် တင်စားနေကြသည်။ ယင်းမိန်းက လေး၏ အမည်မှာ အိုဟီလီယာဖြစ်ပြီး မိခင်နာတာလီနှင့် ဖခင်ဘန်းတို့ ၏ သမီးငယ်ဖြစ်သည်။ ''သမီးငယ်က ဒီလိုမျိုး ဥာဏ်ရည်မြင့်တယ်ဆိုတာကို သူ ရှစ်လသမီး အရွယ်က တည်းကသိခဲ့တယ်''ဟု မိခင်ဖြစ်သူကဆိုသည်။


၎င်းတို့သည် သမီးငယ်အား လိုက်လျော ညီထွေရှိသော ပတ်ဝန်းကျင်တစ်ခု ပေးနိုင်ရန်အတွက် ယူကေရှိ ဥာဏ်ရည်မြင့်မားသူများ အဖွဲ့နှင့် တွေ့ဆုံဆက်သွယ်ခဲ့သည်။ ဥာဏ်ရည်မြင့်မားသော်လည်း လူမှုအတွေ့အကြုံ နုနယ်ခြင်းက ယင်းဥာဏ်ရည်မြင့်သူ ကလေးများအား ဝန်းကျင်နှင့် သဟဇာတမဖြစ် စေဘဲ မိဘ၏နားလည်မှု မရရှိပါက ကျိန်စာသင့်သကဲ့သို့ပင် ဖြစ်စေသည်ဟု နာတာလီကဆိုသည်။ ဖခင်ဖြစ်သူဘန်းက ''သမီး လေးကို ကူညီနိုင်မယ့် နည်းလမ်း တွေ ကျွန်တော်တို့ ရှင်းရှင်းလင်းလင်း သိချင်နေပါတယ်။ သူက အခု စကားပြောတာတောင် ဆယ် ကျော်သက်တစ်ယောက်နီးပါး ပြောတတ်နေပြီ''ဟုဆိုသည်။



ကလေးဆိုင်ရာ စိတ်ပညာရှင်နှင့် အကြံပေးဖြစ်သူ Lyn Ken Dalla  က '' ဥာဏ်ရည်မြင့် ကလေးတွေရဲ့ မိဘ တွေက သူတို့ ကလေးတွေဟာ မေးခွန်းတွေ အဆက်မပြတ် မေးတတ်ကြပြီး တစ်ချိန်လုံး စူးစမ်းနေတယ်လို့ဆိုတယ်'' ဟုပြောသည်။ အိုဟီလီယာသည် ယခုအရွယ် ကတည်းကပင် အကြွေစေ့ဆက် ခြင်း၊ အံစာဆက်ခြင်းကဲ့သို့သော ဦးနှောက်သုံး ကစားနည်းများကို သူ့ထက်ကြီးသော ကလေးများနှင့် အတူကစားနိုင်ပြီ ဖြစ်သည်။ ယူကေတွင် ၂ဝ၁၇ ခုနှစ်ကလည်း ဥာဏ်ရည်အဆင့် ၁၄ဝ ရှိ အသက် (၁၁)နှစ်အရွယ် '' Arnav '' အမည်ရှိ ယောက်ျားလေးတစ်ဦး ရှိနှင့်ခဲ့ပြီး ဖြစ်သည်။ 

Ref: BBC
Share it:

Britain

Child

EINSTEIN

Featured

Genius

International

IQ

News

Video

WorldNews

Post A Comment: