သမိုင်းတစ်လျှောက် သမ္မတသက်တမ်းတစ်နှစ်အတွင်း အအောင်မြင်ဆုံးဖြစ်လာတဲ့ ထရမ့်

Share it:


သူ့ကိုအစွန်းရောက်လို့ပြောပြော၊ စိတ်မနှံ့တဲ့သူလို့ပဲ ပြောပြော သူကတော့ လုပ်စရာရှိတာ ဆက်လုပ်ခဲ့တာပဲ။
သူဟာ အကောင်းဆုံးကျောင်းကနေ စီးပွားရေးနဲ့ဆိုင်တဲ့ဘွဲ့ကိုရခဲ့တယ်၊ ရုပ်သံအစီအစဉ်တွေမှာ ဆယ်စုနှစ်နဲ့ချီ အောင်မြင်ခဲ့တယ်၊ ဒေါ်လာဘီလီယံပေါင်းများစွာ အမြတ်ထွက်တဲ့စီးပွားရေးလုပ်ငန်းကို လုပ်ခဲ့တယ်၊ အမေရိကန်သမ္မတ ရွေးကောက်ပွဲကို တစ်ခါပဲဝင်အရွေးခံပြီး တစ်ခါထဲမှာပဲ သမ္မတ ဖြစ်ခဲ့တယ်၊ သူ့ကိုရတာ အမေရိကန်ပြည်သူတွေကံကောင်းတယ်လို့တောင် ပြောလိုက်သေး။
.
အခုတော့ အမေရိကန်စီးပွားရေးဟာ သူသမ္မတဖြစ်လာပြီးနောက်ပိုင်း ပညာရှင်တွေမှန်းထားတာထက် ကျော်လွန်ပြီးတိုးတက်လာခဲ့ပြီ။ အလုပ်လက်မဲ့နှုန်းက အနိမ့်ဆုံးထိကျဆင်းခဲ့သလို အလုပ်အကိုင်သစ် သိန်းနဲ့ချီ ဖန်တီးပေးနိုင်ခဲ့ပြီ။ GDP က မျှော်မှန်းထားတာထက်ပိုပြီးတက်လာခဲ့ပြီးတော့ ရင်းနှီးမြုပ်နှံမှုတွေ ၊ အသေးစား စီးပွားရေးလုပ်ငန်းတွေကလဲ အကုန်အောင်မြင်တော့ ဘာလိုအုံးမှာလဲ။
.
သူသမ္မတဖြစ်လာတော့ ဒီမိုကရက်တွေက နည်းလမ်းမျိုးစုံနဲ့တိုက်ခိုက်ခဲ့ကြတယ်။ ထရမ့်ကို မကြာခင်ပြုတ်တော့ မယ်လို့ ထင်ရလောက်အောင် ရုရှားနဲ့ပတ်သက်မှုတွေ၊ လိင်ပိုင်းဆိုင်ရာ စွပ်စွဲချက်တွေ၊ ထရမ့်ရဲ့မကောင်းသတင်းတွေ မျိုးစုံဖြန့်ခဲ့ကြတယ်။ ခုတော့ အဲဒီစွပ်စွဲချက်တွေ အလကားဖြစ်ကုန်လို့ ဟီလာရီကလင်တန်တို့ ဒီမိုကရက်တွေ နောက်ထပ်တိုက်ကွက်သစ် စဉ်းစားနေရပြီ။
.
သူဘာတွေလုပ်ခဲ့ပြီး ဘာတွေ အောင်မြင်ခဲ့သလဲဆိုရင်..
.
သမ္မတသက်တမ်း ပထမရက် ၁၀၀ အတွင်း အမေရိကန်အတွက် အကျိုးမရှိတဲ့ ပစိဖိတ်ဖြတ်ကျော်ကုန်သွယ်မှု စာချုပ်ကနေ နုတ်ထွက်တယ်။ ပြည်ထောင်စု တရားသူကြီးချုပ်အသစ်ခန့်တယ်။ မွတ်ဆလင် ၆ နိုင်ငံကို ပြည်ဝင်ခွင့်ပိတ်တော့ သူနဲ့ ပြည်နယ်တရားရုံးတွေအကြား တိုက်ပွဲဆင်နွှဲခဲ့ရသေးတယ်။ တရားစီရင်ရေးစနစ်မှာ သမ္မတလည်း ဥပဒေအထက် မရှိဘူးဆိုတာ သက်သေပြခဲ့တယ်။
.
မက္ကဆီကိုနဲ့ နယ်စပ်တံတိုင်းကာမယ့် ကိစ္စကို နည်းလမ်းစုံနဲ့ အကောင်အထည် ဖော်တယ်။ ခုတော့ သူ့လက်ထက်ဟာ မက္ကဆီကိုကနေ အမေရိကန်ထဲ ကို ခိုးဝင်တဲ့သူ ၁၇ နှစ်အတွင်း အနည်းဆုံးနှစ်ဖြစ်ခဲ့တယ်။ ( ကိုယ့်ဆီမှာ ကဘင်္ဂါလီတွေ အပြေးဆုံးနှစ်)
.
အမေရိကန်ရဲ့ စစ်အင်အားကို မြှင့်တယ်။ စစ်လက်နက်ပစ္စည်းတွေကို ကိုယ်တိုင်ထွက်ရောင်းတယ်။ သူသွားတဲ့နေရာတိုင်း ဒေါ်လာဘီလီယံပေါင်းများစွာ တန်တဲ့ စာချုပ်တွေ ချုပ်ခဲ့တယ်။ အမေရိကန် စစ်ဘက်အပြောင်းအလဲတွေ အများကြီး လုပ်ခဲ့တဲ့အပြင် စစ်ဘက်ကို လုပ်ပိုင်ခွင့်တွေ ပိုပေးခဲ့တယ်။ ပြီးတော့ စစ်ပြန်တွေ၊ စစ်မှုထမ်းဟောင်းတွေအတွက် သူအများကြီး လုပ်ပေးခဲ့ တယ်။ အမေရိကန်စစ်တပ်အသိုက်အ၀န်းကတော့ ထရမ့်ကို နောက်ပိုင်း ပိုထောက်ခံလာဖို့ပဲ ရှိတော့တာပေါ့။
.
ပြီးတော့ အိုဘားမားလက်ထက်က အခွန်စနစ်တွေ နဲ့ နှစ်ပေါင်း ၃၀ လောက် အရိုးစွဲနေတဲ့ အခွန်စနစ်တွေ အကုန်ပြင်လိုက်တယ်။ အိုဘားမားနဲ့ အရင်သမ္မတတွေ လက်ထက်တုန်းက ပေးထားတဲ့ အမေရိကန်ရောက်ပြည်ပနိုင်ငံသားတွေကိစ္စကို ပြင်းပြင်းထန်ထန် ကိုင်တွယ်လိုက်တယ်။ အမေရိကန်အတွက်၊ အမေရိကန်နိုင်ငံသားတွေအတွက် အကျိုးမရှိဘူး ဆိုရင် ဘယ်မျက်နှာကိုမှ မကြည့်တဲ့ ဆုံးဖြတ်ချက်မျိုးကို ချတော့ အမေရိကန်တွေ ထရမ့်ကို ပိုထောက်ခံလာကြတယ်။ ထောက်ခံလို့လဲ သမ္မတဖြစ်ခဲ့တာကိုး။
.
ရာသီဥတုပြောင်းလဲမှုဆိုင်ရာ ပါရီသဘောတူညီချက်က နုတ်ထွက်တော့ တစ်ကမ္ဘာလုံး အံ့သြသင့်ကုန်တယ်။ သူပြောတာက ရှင်းရှင်းလေး၊ တရုတ်တို့၊ အိန္ဒိယတို့က တစ်ဖက်ကနေ ကျောက်မီးသွေးဘယ်လောက်သုံးပြီး ဘယ်လိုတွေ လုပ်နေတဲ့အချိန်မှာ သူ့နိုင်ငံက ရပ်ပေးရမယ်ဆိုတာ မဖြစ်နိုင်ဘူး။ ကျောက်မီးသွေးလုပ်ငန်းတွေမှာ ရှိနေတဲ့ အမေရိကန်နိုင်ငံသား ၈၀၀၀၀ အလုပ်လက်မဲ့အဖြစ်မခံနိုင်ဘူးတဲ့။ အဲဒီတော့ ထွက်တယ်။ America First ပဲပေါ့။
.
အိုဘားမားလက်ထက်က အအောင်မြင်ဆုံးလို့ပြောခဲ့တဲ့ အီရန်နျူကလီးယား သဘောတူညီချက်ကို သူအယုံအကြည် မရှိဘူး၊ နုတ်ထွက်မယ်လို့ ပြောတယ်။ အီရန်ကို ခယနေမယ့်အစား သူနုတ်ထွက်မယ်ပြောတော့ ကျန်တဲ့ အင်အားကြီးနိုင်ငံတွေ သူ့ကို ပြန်ဖားရပါလေရော။
.
နောက်တော့ အစ္စရေး။ သမ္မတအဆက်ဆက် ခေါင်းရှောင်ခဲ့တဲ့ အမေရိကန်က သဘောတူညီပြီးသား ဂျေရုဆလင်ကို အစ္စရေးမြို့တော်သတ်မှတ်ပြီး အမေရိကန်သံရုံးရွေ့မယ့် ကိစ္စကို သူ့လက်ထက်မှ အတည်ပြု လိုက်တယ်။ အမေရိကန်ဟာ မဟာမိတ်မျက်နှာကိုပဲ ကြည့်တယ်ဆိုတဲ့ သက်သေတစ်ခုဖြစ်သလို လူချမ်းသာ ပညာတတ် ဂျူးလူမျိုးတွေရဲ့ အကြိုက်ပဲ။ သမက်ကလဲ ဂျူးလူမျိုး ဂျူးဘာသာဝင်၊ သမီးကလဲ ဂျူးဘာသာ ပြောင်းပြီးသား၊ အမေရိကန်က ရီပတ်ပလင်ကန်နဲ့ ဒီမိုကရက် ဂျူးမှန်သမျှ ထရမ့်ကို လက်ခုပ်တီးကြတာပဲ။ အာရပ်နိုင်ငံတွေ မကျေနပ်လို့ စစ်ဖြစ်လဲ လက်နက်တွေရောင်းပြီး အမေရိကန်အကျိုးရှိမှာပဲ ။ အမြတ် ထွက်ဆုံးကတော့ ထရမ့်ရဲ့ဆုံးဖြတ်ချက်ကို ကန့်ကွက်လို့ဆိုပြီး ကုလသမဂ္ဂကို ထောက်ပံ့နေတဲ့ ငွေကို ဖြတ်မယ်လို့ ဆုံးဖြတ်ခဲ့တာပဲ။ အကုန်အကျသက်သာတယ်လေ။
.
အခုနောက်ဆုံး မြောက်ကိုရီးယား။ ကိုရီးယား ၂ နိုင်ငံကွဲပြီးကတည်းက ဘယ်သူမှ စေ့စပ်ညှိနှိုင်းလို့ မရတဲ့ မြောက်ကိုရီးယားကို သူ့လက်ထက်မှာ နည်းလမ်းစုံသုံးပြီး ကိုင်တယ်။ တစ်ချိန်တုန်းက တစ်ကမ္ဘာလုံး စီးပွားရေး ပိတ်လဲ တရုတ်နဲ့ရုရှားက ထောက်ပံ့လို့ မြောက်ကိုရီးယားက အိနြေ္ဒမပျက်ခဲ့ဘူး။ ခုတော့ တရုတ်ရဲ့ ဘာစီးပွား ရေးတွေပိတ်မယ်၊ အခွန်တွေကောက်ပစ်မယ်လုပ်တော့ တရုတ်လဲ မြောက်ကိုရီးယားကို အရေးယူရတယ်။ မြောက်ကိုရီးယားနဲ့ဆက်သွယ်တဲ့နိုင်ငံမှန်သမျှ အရေးယူမယ်ဆိုတော့ ထိုင်းတို့၊ မလေးရှားတို့ကတောင် မြောက်ကိုရီးယားနဲ့ အဆက်အသွယ်မလုပ်ရဲတော့ဘူး။ ခုဆို မြောက်ကိုရီးယားက ဆွေးနွေးမှုတွေ စနေပြီ။ ထရမ့်ကို ချီးကျူးမှုတွေလဲ ပလူပျံနေပြီ။
.
သူနဲ့ပတ်သက်တဲ့အချီးကျူးဆုံးအလုပ်ကတော့ နိုင်ငံရေးသမားတိုင်းကြောက်ရတဲ့ မီဒီယာကို သူက လုံးဝ သောက်ဂရု မစိုက်ခဲ့တာပဲ။ ရွေးကောက်ပွဲကာလ သူ့ဝေဖန်တဲ့မီဒီယာမှန်သမျှ သူက တရားစွဲမယ် ခြိမ်းခြောက်တယ်။ သူနဲ့ ပတ်သက်တဲ့သတင်းမှန်သမျှ သူ့ဝေဖန်တဲ့ မီဒီယာတွေ သတင်းမရဘူး။ ပူတင်နဲ့ဖုန်းပြောတဲ့သတင်းတုန်း ကတောင် ရုရှားသတင်းတွေက တင်မှ အမေရိကန်မီဒီယာတွေ သိရတယ်။ ခုထိလဲ ထရမ့်သတင်းဆို ထရမ့် တွစ်တာမှာ ပြောတာတွေပဲ သတင်းလုပ် တင်နေရတဲ့ဘ၀။ 
.
ဦးတိမ်
.
Myo Zaw Aye
===============

Share it:

Article

Featured

Opinion

Trump

USA

Post A Comment: