ဂုတ်တွင်းတံတား စီမံကိန်းမှာ နိုင်ငံတော်စီမံကိန်း ဖြစ်ခြင်းကြောင့် မြေယာလျော်ကြေး မယူသူများ ညှိနှိုင်းမရပါက ဥပဒေအရ ဆက်လက် လုပ်ဆောင်မည်ဟု ဆောက်လုပ်ရေး ဒုဝန်ကြီး ဆို

Share it:

ရန်ကုန်

ဂုတ်တွင်းတံတားစီမံကိန်းသည် နိုင်ငံတော်စီမံကိန်းဖြစ်ခြင်းကြောင့် မြေယာ လျော်ကြေးမယူသူများအား ညှိနှိုင်းမရပါက ဆက်လက်လုပ်ဆောင်သွားမည်ဟု ဆောက်လုပ် ရေးဝန်ကြီးဌာနမှ ဒုတိယဝန်ကြီး ဦးကျော်လင်းက ယနေ့ကျင်းပသည့် အမျိုးသားလွှတ်တော် အစည်းအဝေးတွင် ပြောကြားခဲ့သည်။

အဆိုပါစီမံကိန်းတွင် မြေလျော်ကြေးမယူသူ ၆၂ ဦးရှိပြီး လွှတ်တော်ကိုယ်စားလှယ်များအနေဖြင့်လည်း နားချပေးရန်နှင့် လျော်ကြေးမယူပါက မြေသိမ်းဥပဒေအတိုင်းသာ ဆက်လက်ဆောင်ရွက်သွားမည်ဖြစ်ကြောင်းသိရသည်။ ရှမ်းပြည်နယ်မြောက်ပိုင်းရှိ နောင်ချိုမြို့ မြို့ရှောင်လမ်းစီမံကိန်း (သို့မဟုတ်) ဂုတ်တွင်း တံတားသစ် ချဉ်းကပ်လမ်းစီမံကိန်းနှင့်ပတ်သက်၍ ရှမ်းပြည်နယ်၊ မဲဆန္ဒနယ်(၄)ကိုယ်စားလှယ် ဦးစိုင်းအုန်းကျော်၏ မေးမြန်းချက်ကို စက်တင်ဘာ ၅ ရက်တွင် ကျင်းပသည့် အမျိုးသားလွှတ်တော်အစည်းအဝေး၌ ဆောက်လုပ်ရေးဝန်ကြီးဌာနမှ ဒုတိယဝန်ကြီးက ပြန်လည် ဖြေကြားခဲ့ခြင်းဖြစ်သည်။

''လမ်းပိတ်ဆို့မှုတွေက မန္တလေးနဲ့ မူဆယ်ပြည်ထောင်စုလမ်းမကြီးပေါ်မှာ ဖြစ်နေတယ်။ လျော်ကြေးတွေ မယူတော့ဘူးဆိုရင်လဲ ရှမ်းပြည်နယ်အစိုးရအဖွဲ့ကနေပြီးတော့ ၁၈၉၄ ခုနှစ် မြေသိမ်းအက်ဥပဒေနဲ့အညီ ဆက်လက်ဆောင်ရွက်သွားခွင့်ပြုရေးအတွက် ရှမ်းပြည်နယ်အစိုးရအဖွဲ့ကနေ ပြည်ထောင်စုအစိုးရအဖွဲ့ကို တင်ပြပြီး ခွင့်ပြုမိန့်ရရှိထား တဲ့အတွက် လျော်ကြေးမယူဘူးဆိုရင်လည်း ဒီပရောဂျက်ကတော့ နိုင်ငံတော်စီမံကိန်း ဖြစ်တဲ့အတွက် ဆက်လက်ပြီး ၁၈၉၄ ဥပဒေနဲ့ ဆက်လက်ပြီးသွားရမယ့်စီမံကိန်းဖြစ်ပါတယ်''လို့ ဒုဝန်ကြီး ဦးကျော်လင်းက ပြောသည်။

အဆိုပါစီမံကိန်းတွင် ကျောက်မဲမြို့နယ်အတွင်းမှ စိုက်ပျိုးမြေဧရိယာပေါင်း ၁၆၉ ဒသမ ၉၉ ဧကနှင့် နောင်ချိုမြို့နယ်အတွင်းမှ စိုက်ပျိုးမြေ၊ သစ်တောမြေ ၃၂၉ ဒသမ ၇၄ ဧက ပါဝင်ပြီး ¤င်းထဲတွင် မြေ ၃၆ ဒသမ ၃၅ ဧကသည် အစိုးရအဖွဲ့အစည်းပိုင်ဖြစ်ခြင်း ကြောင့် မြေယာလျော်ကြေးပေးရန် မလိုသော်လည်း ကျန်မြေ ၃၆၃ ဒသမ ၃၈ ဧကအတွက် တောင်သူ ၂၈၃ ဦးကို လျော်ကြေးငွေ စုစုပေါင်း ၆ ဒသမ ၁၇၃ ဘီလီယံ ပေးလျော်ရမည် ဖြစ်ကြောင်း သိရသည်။ လက်ရှိကာလအထိ တောင်သူ ၂၁၄ ဦး၏ မြေဧကပေါင်း ၃၃၃ ဒသမ ၈၁ အတွက်သာ ကျပ် ၄ ဒသမ ၄၁၇ ဘီလီယံ ပေးလျော်ထားပြီးဖြစ်ကြောင်း ဒုတိယ ဝန်ကြီးက ဆက်လက်ပြောဆိုသည်။

ဒေသခံတောင်သူများနှင့် စီမံကိန်းဆောင်ရွက်သူတွေအကြား အငြင်းပွားဖွယ်ရာကိစ္စများ ဖြစ်ပေါ်နေကြောင်း၊ စီမံကိန်းနှင့်ပတ်သက်၍ စာရင်းပြုစုရာတွင် အားနည်းချက်များ ရှိနေပြီး ထိခိုက်နစ်နာသူများနှင့် တွေ့ဆုံရှင်းလင်းခြင်းအပိုင်းမှာလည်း လွန်စွာအားနည်း နေတာကို တွေ့ရှိရကြောင်း လွှတ်တော်ကိုယ်စားလှယ် ဦးစိုင်းကျော်မြင့်က ထည့်သွင်း မေးမြန်းခဲ့သည်။

ဌေးဌေး

#theyangontimes
Share it:

Bridge

Business

Featured

Local

LocalNews

Myanmar

News

Project

Regional

Post A Comment: