အပြည်ပြည်ဆိုင်ရာ တရားရုံးအပေါ် ယုံကြည်စိတ်ချမှုကင်းမဲ့တာ မိမိတို့တစ်နိုင်ငံတည်း မဟုတ်ကြောင်း သိရလို့ အားတက်မိကြောင်း ဦးကျော်တင့်ဆွေ ပြော

Share it:


အပြည်ပြည်ဆိုင်ရာ တရားရုံးအပေါ် ယုံကြည်စိတ်ချမှုကင်းမဲ့တာ မိမိတို့တစ်နိုင်ငံတည်း မဟုတ်ကြောင်း သိရလို့ အားတက်မိကြောင်း ကုလသမဂ္ဂအထွေထွေညီလာခံတွင် နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေ ပြောကြား

(၇၃)ကြိမ်မြောက် ကုလသမဂ္ဂအထွေထွေညီလာခံ အထွေထွေ မူဝါဒရေးရာဆွေးနွေးပွဲသို့ မြန်မာ ကိုယ်စားလှယ်အဖွဲ့ခေါင်းဆောင် နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေမှထိုသို့ပြောကြားခဲ့သည်။ 


ဦးကျော်တင့်ဆွေမှ မကြာသေးမီက ချမှတ်ခဲ့တဲ့ အပြည်ပြည်ဆိုင်ရာပြစ်မှုဆိုင်ရာတရားရုံးရဲ့ ဆုံးဖြတ် ချက်နဲ့ ဒီဆုံးဖြတ်ချက်ချမှတ်ခဲ့ပုံ နည်းလမ်းတို့ဟာ တရားရုံးအနေနဲ့ အန္တရာယ်ရှိတဲ့ အစဉ်အလာ ကျင့်ထုံးတစ်ရပ် ဖြစ်သွားနိုင်တဲ့အပေါ်မှာ နိုင်ငံတကာအသိုက်အဝန်းရဲ့
အဖွဲ့ဝင်တွေအနေနဲ့ လေးလေးနက်နက် စိုးရိမ်ပူပန်သင့်တယ်ဆိုတာကို ယနေ့ တက်ရောက်လာကြတဲ့ ကိုယ်စားလှယ် အားလုံးကို ပြောကြားလိုပါတယ်။ ယခု ဆုံးဖြတ် ချက်ဟာ တရားရုံးရဲ့ လူမှုကျင့်ဝတ်နဲ
့ ဥပဒေဆိုင်ရာအခွင့်အာဏာကို ယိုယွင်းပျက်စီး စေရာရောက်ပါတယ်။ ဒီအပြည်ပြည်ဆိုင်ရာ တရားရုံးအပေါ် ယုံကြည်စိတ်ချမှုကင်းမဲ့တာ မိမိတို့တစ်နိုင်ငံတည်း မဟုတ်ကြောင်း သိရလို့ အားတက်မိပါတယ်။ 


ကျွန်တော်ထပ်ပြီး ရှင်းရှင်းလင်းလင်း ပြောကြားလိုတာကတော့ အပြည်ပြည်ဆိုင်ရာ ပြစ်မှုဆိုင်ရာတရားရုံးရဲ့ ယခုလို ဥပဒေကြောင်းအရ သံသယ ဖြစ်ဖွယ် ဝင်ရောက်စွက်ဖက်မှုကို မြန်မာ အစိုးရက လက်ခံနိုင်မှာမဟုတ်သော်လည်း၊ ရခိုင်ပြည်နယ်မှာ ကျူးလွန်ခဲ့တဲ့ လူ့အခွင့်အရေး ချိုးဖောက်မှုတွေအတွက်
လုံလောက်တဲ့ အထောက်အထားရှိမယ်ဆိုရင် တာဝန်ခံမှုရှိစေဖို့အတွက် ကျွန်တော်တို့ အပြည့်အဝ ကတိကဝတ်ပြုပါတယ်။ မြန်မာနိုင်ငံအနေနဲ့ လွတ်လပ်သော စုံစမ်းရေး ကော်မရှင် တစ်ရပ်ကို မကြာမီက ဖွဲ့စည်းခဲ့ပြီး ဖြစ်ပါတယ်။
မြန်မာနိုင်ငံမှာ တာဝန်ခံမှုရှိစေရေး၊ ပြန်လည်သင့်မြတ်ရေး၊ ငြိမ်းချမ်းရေး၊ တည်ငြိမ်ရေးနဲ့ ဖွံ့ဖြိုးတိုးတက်ရေးဆောင်ရွက်နေမှုရဲ့ အစိတ်အပိုင်းတစ်ရပ်အဖြစ် ရခိုင်ပြည်နယ်မှာ ကျူးလွန်တဲ့ လူ့အခွင့်အရေးချိုးဖောက်မှုတွေ၊ ရက်စက်ကြမ်းကြုတ်မှု
တွေကို ဒီကော်မရှင်က စုံစမ်းစစ်ဆေး မှာဖြစ်ပါတယ် ဟုပြောကြားခဲ့တယ်လို့သိရပါတယ်။ 

weeklyheadline.com
Share it:

Post A Comment: