Samsung ၏နောက်ဆုံးပေါ် Galaxy Watch စမတ်နာရီ၊ Tab S4 နှင့် Tab A 2018 မော်ဒယ်သစ်တို့အား မြန်မာနိုင်ငံတွင်စတင်မိတ်ဆက်

Share it:


Samsung ၏ နောက်ဆုံးပေါ်ထုတ်ကုန်သစ်များဖြစ်သည့် Galaxy Watch စမတ်နာရီသစ်၊ Tab S4 နှင့် ၁၀.၅ လက်မအရွယ်အစားရှိ ၂၀၁၈ မော်ဒယ်သစ် Tab A အား မြန်မာနိုင်ငံရှိ သုံးစွဲသူများအတွက် မိတ်ဆက်လိုက်ပြီဖြစ်ကြောင်း Samsung Myanmar မှ သတင်းထုတ်ပြန်ခဲ့သည်။

Galaxy Watch စမတ်နာရီသစ်သည် Samsung ၏ Galaxy ဂေဟစနစ်နှင့်အညီ ထုတ်လုပ်ထားပြီး ကြာရှည်ခံသော ဘက်ထရီသက်တမ်း၊ LTE ကွန်ယက်ချိတ်ဆက်မှု၊ ကျန်းမာရေးဆိုင်ရာ လုပ်ဆောင်ချက်များ နှင့် ရိုးရှင်းသော်နာရီဒီဇိုင်းအပါအဝင် မိမိစိတ်တိုင်းကျ ရွေးချယ်ပြောင်းလဲနိုင်သည့် ဒီဇိုင်းများကိုလည်း ထည့်သွင်းထားသည်။



အသစ်ထွက်ရှိလာသော တက်ဘလက်အသစ်များတွင်လည်း အရည်အသွေးမြင့် ဖျော်ဖြေရေးဆိုင်ရာ လုပ်ဆောင်ချက်များ၊ အသုံးပြုရာလွယ်ကူ၍ ပိုမိုကောင်းမွန်သော စွမ်းဆောင်ရည်များကို ထည့်သွင်းပေးထားသောကြောင့် သုံးစွဲသူများအနေဖြင့် လုပ်ငန်းဆောင်တာများကို ပိုမိုလျင်မြန်စွာ လုပ်ဆောင်နိုင်မည်ဖြစ်သည်။

“Samsung အနေနဲ့ ထုတ်ကုန်တွေကို အမြဲတီထွင်ဆန်းသစ်ဖန်တီးနေရုံတင်မဟုတ်ဘဲ သုံးစွဲသူတွေရဲ့လိုအပ်ချက်အလိုက် ရွေးချယ်မှုတွေပံ့ပိုးပေးနိုင်ဖို့ အစဉ်အမြဲ လုပ်ဆောင်လာတာ နှစ်ပေါင်းများစွာကြာခဲ့ပြီဖြစ်ပါတယ်။အခုအသစ်ထွက်ရှိလာတဲ့ စမတ်နာရီ နဲ့ တက်ဘလက်တွေမှာလည်း Galaxy ထုတ်ကုန်တွေရဲ့ အစဉ်အမြဲ ဂုဏ်ယူရတဲ့ အားသာချက်တွေကို ဆက်လက်ထည့်သွင်းပြီး ထုတ်လုပ်ထားပါတယ်။”ဟု Samsung Myanmar ၏ Head of IT and Mobile Group ကိုဇာနည်ဝင်းထက်မှပြောကြားခဲ့သည်။



“အသစ်ထွက်ရှိလာတဲ့ Galaxy Watch စမတ်နာရီ နဲ့ တက်ဘလက်တွေကို သုံးစွဲသူတွေရဲ့ နေ့စဉ်ဘဝလိုအပ်ချက်တွေကို ပံ့ပိုးပေးနိုင်ဖို့အတွက် ဒီဇိုင်းပြုလုပ်ဖန်တီးခဲ့တာဖြစ်ပါတယ်။ ဥပမာ တစ်နေ့တာလုံး ကြာရှည်ခံတဲ့ ဘက်ထရီ၊ သုံးစွဲသူတွေရဲ့ သတ်မှတ်ထားတဲ့ ကျန်းမာရေးဆိုင်ရာ ပန်းတိုင်တွေကိုရယူလျှောက်လှမ်းနိုင်ဖို့အတွက် ပိုမိုကောင်းမွန်လာတဲ့ ကျန်းမာရေးဆိုင်ရာမှတ်သားမှုစနစ် နဲ့ တခြား Galaxy ထုတ်ကုန်တွေနဲ့ချိတ်ဆက်ပေးနိုင်မှု အစရှိတာတွေကို ထုတ်ကုန်သစ်တွေမှာ ထည့်သွင်းပေးထားတဲ့အတွက် အဆင်ပြေလွယ်ကူစွာ အသုံးပြုနိုင်မှာဖြစ်ပါတယ်။”ဟု ကိုဇာနည်ဝင်းထက်မှ ဖြည့်စွက်ပြောကြားခဲ့သည်။

တက်ဘလက်သစ်များ မိတ်ဆက်မှုနှင့်အတူ Samsung Myanmar သည် Telenor မြန်မာနှင့်ပူးပေါင်း၍ အသစ်ထွက်ရှိလာသော မော်ဒယ်သစ် တက်ဘလက် ၂ မျိုးလုံးအတွက် ဒေတာအသုံးပြုမှုအား ထည့်သွင်းပေးထားသည်။



အဆိုပါတက်ဘလက်ဝယ်ယူသုံးစွဲသူများအနေဖြင့် ဖုန်းငွေဖြည့်ကဒ် ၃,၀၀၀ ကျပ်ငွေဖြည့်သွင်းပါက ဒေတာလက်ဆောင် 500 MB (သို့မဟုတ်) ၅,၀၀၀ ကျပ်ဖြည့်သွင်းပါက ဒေတာလက်ဆောင် 1GB (သို့မဟုတ်) ၁၀,၀၀၀ ကျပ်ဖြည့်သွင်းပါက ဒေတာလက်ဆောင် 2GB အား အထူးလက်ဆောင်အဖြစ်ရရှိမည်ဖြစ်သည်။ အဆိုပါ ဒေတာလက်ဆောင်များအား တစ်လလျှင်တစ်ကြိမ် ၁၂ လ ဆက်တိုက် ဖုန်းငွေဖြည့်မှုပမာဏအပေါ် မူတည်၍ ရရှိခံစားနိုင်မည်ဖြစ်သည်။

#Soe_Tech #GadgetsNow #Samsung #GalaxyWatch #TabS4 #TabA #SmartWatch
Share it:

Mobile

Samsung

SmartWatch

Tab A

Tab S4

TechNews

Technology

Post A Comment: